ذات عيون الريم🍷مكتملة🍷

🍷الجزء 80🍷

الجزء 80❤🔥🔥🔥🔥🔥🥀🔥🔥✨✨❤✨❤✨❤✨❤✨❤✨

كانت فالبالكون جالسة فكرسي وطبيلة قدامها وفنجان من القهوة فوقها وكتاب فيديها كتقرا وتبسم  مركزة فيه بجميع حواسها  مدات يديها للكاس بلاما تحرك عينيها من على الكتاب حتا خدات الفنجان ورشفات منوا رشفات متتالية مصات شفايفها كتلذذ بمداق القهوة لي من ديما كيسطيها وقادات نضاراتها على عينيها ردات الخصلة لي كانت فوق جبينها ورا ودنها ومع جات تقلب الورقة دالكتاب حتا كيصوني ليها التيل  مدات يديها ليه بهدوء ومع كتقلبوا باش تشوف حتا   كتجي عينها على السمية لي كتخلي قلبها يبغي يسكت  .....هاد المدة كاملة وهي متفادية تجاوبوا لدرجة حيدات  لاكارط ديال التيليفون وبلوكاتوا من جميع مواقع التواصل  باش ميبقاش يصوني عليها عيات تحاول تنساه عيات تعمر فوقتها باش تناساه مي لقات راسها غا كتكب الماء فالرملة ...غير كتحط راسها على المخدة ميمكنش تغمض عينيها غير لاماجات صورتوا فدماغها...عاد اليوم ردات لاكارط وهاهو كيصوني ليها ياك اونكوبل علاش كيصوني ليها دابا؟؟؟

بلعات ريقها وهزات التيل فيديها كيترعدوا عارفاه غيسمعها نقا ودنيها ولاكن محتاجة تسمع صوتوا وتعرف أحوالوا

فجهة تانية كان عاد وصل للمغرب مع 1 وشد الطريق  نيشان لأكادير وماوصل تال  هاد الليل مامشاش لدار واليديه وماعلمهم بالمجية ديالوا وصل لداروا دوش عليه ولبس كيطمة نزل قاد لراسوا عشا خفيف كلا ورجع طلع لبيتوا تكا فسريروا وماتجي غير صورتها قداموا خدا التيليفون ديالوا من فوق الكوافوز وبدا يصوني ليها

وما إن تفتح الخط حتا كينطق مخاطبها والعافية شاعلة فقلبوا على التجرجيرة لي جرجراتوا فهاد المدة كاملة
زين:على السلامة الشريفة
مهى(بنفخة):الله يسلمك علاش كتصوني ليا اولد الناس؟؟؟
(غير سمع كلامها وهو يخرج عينوا بصدمة وتكعد من بلاصتوا مشوكي قوص حواجبوا ونطق بغضب):عاود اش قلتي؟؟؟؟؟علاش مصوني ليك؟؟؟؟ كتقلبي عليا نجي نخلي دار عشك فهاد الليل؟؟؟؟

مهى:شوف ازين مجاتش نبقاوا نهضروا غنصدق جابدة ليك شي مشكل مع خطيبتك مناقصني صدااااع
(زاد قوص حواجبوا ونطق بتساؤل):اش كتخربقي نتي إنا خطيبة؟
مهى(تقادات فجلسها حيدات النضارات من على عينيها ونطقات بنفخة معاجبها حال والعافية شاعلة فقلبها ودوك المنشورات لي كانوا يطلعوا ليها وديك التعنيقة مبغاتش تحيد من بالها )؛هاديك لي  عنقاتك  وكولشي ناض يهضر عليكم ..
زين(مسح شعروا  وبلاما يحس تبسم بهدوء للغيرة لي بانت فصوتها وضوح الشمس كاااع ديك العصبية والتقليقة لي كانت  من جيهتوا تبخرات وبالزربة صفا خاطروا من جيهتها وكأنها مادارت ليه والوا نبرة صوتها كانت كافية باش تهدنوا
... ....المدة القصيرة لي عرفها فيها كانت كفيلة يعرف عليها أدق تفاصيلها رجع تكا فبلاصتوا وهز عينوا للصقف والتبسيمة مابقاتش باغا تحيد من شفايفوا  حن حن وتكلم بالكلمة لي خلات عينيها يخرجوا بالصدمة):هاديك غااا معجبة مكنعرفها مكتعرفني .....
(وقبل تستوعب الصدمة حتا كيزيدها صدمة اخرى):وجدي راسك ابنت الناس واحد التلت ايام غنجيب العائلة باش نخطبك من داركم ناوي نكمل معاك حياتي المصيبة

باركة طونوبيل قدام الباب ديال دارهم تنهد هز داكشي فيدو وتم داخل مع الباب تلقات ليه فردوس محاملاهش من داكشي لي عاودات ليهم بلقيس  نطقات بكره

فردوس : اش بغييتي  اولد الناس

عز العرب : انا بغيت مرتي

فردوس : علااش خليتي فيها شي مرتي مازال ؟

عز العرب : شوفي اخالتي انا غلطت فحقها وندمت تا انا سمعت عليها شيه ضرة معجباتنيش ومرضيتهاش ودب بغيت نصحح الخطأ ديالي

فردوس تبسمات بغيض ونطقات والفقصة كتاكل فيها : علااش خليتيها لينا تا حنا بقا غا ليك بااح بلقيس مشاات

عز العرب حس بحالة الما بارد تكب عليه كيفاش مشاات : مشاات ؟ فين مشاات ؟؟

كان نازل عزيز سمع هضرتو اللخرة: دخل لصالون ندويو

عز العرب حول عينيه من فردوس ليه وتنهد اش عندو ميدير هو لي جابها لراسو دب خاصو يصبر تا يشوف فاش غيتليها معاهم باش يعطيوها ليه
دخلو لصالون وجلس سمع عزيز تنهد ونطق

عزيز : عوينة وحدة عندي عطيتها ليك اش قلت ليك اولد الناس هاا ؟؟
قلت ليك بنتي امانة قلت ليك عيشها كيف كانت فدار باها وحسن قلت وقلت وقلت ولاكن نتا اش درتي

عز العرب : عمي انا راه  غلطت ااه تسرعت ولاكن (قاطعوا )

عزيز : ولاكن مغتردهاش ليك دب لا ليك لا لينا بنتي سافرات بعد هادشي لي عاشتو معاك بغات تبني حياتها بعيد على كلشي

عز العرب : كيفااش فين مشاات انا انمشي عندها وانردها غا قولي فين مشات
عزيز : لا هي قالت ليا فين مشات وامنات ليا منقولش ليك نوض انا نقوليك باش المرة الجاية متأمنش ليا ,,,شوف اولد الناس روطااار دب صبرات ليك وعطاتك فرصة بنتي وكنعرفها ما وصلات لطلاق تا ضاقت ذرعا بالمعاملة ديالك ليها...