ذات عيون الريم🍷مكتملة🍷

🍷الجزء 110🍷والأخير🍷

الجزء 110 ♥️💞💔♥️💓💋💞💕💕
بلاصات الطونوبيل قداام الباب ديال دارهم توادع معاها وديمارا غادي لدارو يرتاح تاهو  أما هي بقات تتحل الباب ديال دار لتحت تا حسان بشي ايد تحطات عليها قفزاتها دارت باغا تخاصم عليه كيحساب ليها هو لي  رجع ولاكن المفاجأة كانت غييير حلات عينيها على وسعهم وهي تتشوفها قدامها وحلاتها حاالة كانت شيماء لابسة جلابة بالاسود ولايحة عليها شال شعرها خارج منو مشعكك وجهها ذابل اللون فيه مبدل وضعاافت بقات تتشوف فحالتها خلعاتها تا نطقات شيماء

شيماء : رؤيااا عافاك نطلبك

رؤيا نترات منها ونطقات : بعدي مني راني قدام بابنا ايحساب ليك اتيديري ليا بحال ديك المرة

شيماء شافت فيه بترجي وعودات شدات ليها ايديها ونطقات : عااافاك اختي أنا مزاااوكة فيك بغيت نشوف غير ولدي الله يحفظ ليك واليديك عافااك

رؤيا شافت فيها بعدم تصديق ونطقات بتمتمة : وو ول دك ؟

شيماء : ااه بغيت نشوفو سميتوه أنس ياااك أنا نادمة والله تا نادمة عارفة معنديش الحق نسول فيه ولاكن عافااك نشوفو غا مرة

رؤيا دورات عينيها عليها  ونطقات : أنس مالت عاد تفكرتيه صبااح النور

شيماء متيقاتهاش : عااافاك والله تا ندمت غير مرة ولا كلمي ليا خالتي رحمة هي غتحن فياا

رؤيا غوتات ليها فوجهها ونطقات : واش مكتيقييش أنا لاش انكدب عليك ولدك مااات فهمتي ولا نعاود وشرحها ليك صااافي دري بااح ربي بغااه وداه سيري لروضة شوفيه هاد المرة الاخرى لا بغيتي

شيماء طاحت دمعتها ممتيقاش لااا مباغااش تيق بهادشي لي تتسمع كيفااش زعما  فاات الحال لااا هي باغا تصلح الماضي باغا تشوف ولدها باغا تطل عليه مرة مرة واخا متقدرش تاخد حضانتو يبقا يعرفها باغا وباغا ميمكنش مسحات دمعتها دغيا  ونطقات بهستسرية : لاااا ولدي ممااتش لاااا اربي لاااا ماشي دب تا نشوفووو تا نهزو لااااا
رؤيا نترات منها ودخلات لدار وسدات الباب وتكات عليه بحالة هربانة من وحش  تا طلعات  النفس وطلعات لدارهم اما شيماء بغات تزيد من حدا الباب بزز باش كتحرك غا فاتت الباب وطاحت فالارض ونهارت بالبكاا ممتيقاش أنه توبتها متقبلاتش أنه الفرصة ماشي ديما تتسنانا كاين شي فرص خاص تجي فوقتهم المحدد ولا كيفووتووك.......
بعد شهر
كان الضلام بدا كيطيح جالسة حدا بركااسة ديال الزبل  لي داز كتبقا فيها شعرها مشعكك وجهها كحااال وضعااافت حويجها كاااع مقطعيين تتهمهم غير مع راسها  " ولديي مااات ... اناااا السباااب...أنا لي سمحت فيه..... بنتي داااهاا....أنا السبااااب
دازت واحد المرة جارة الزبل لاحتو فالبركاسة سمعات هضرتها بقات فيها قربات ليها باغا تدوي معاها وهي تغوت تا خلعاتها وجرات ليها زيفها تا طيحاتها الأرض وتطلق ليها شعرها  جاو ناس كيجريو فكوها  منهااغا بزز المرة بدأت تتقاد فزيفها ندمات على النهار لي فكرات فيه تقرب لشي مسطي  جرأتها واحد المرة تتعاونها تسوس حويجها حيت كاع توسخوو  ونطقاات  : ختي واش تسطيتي مقربة ليها هاديك كيقولو دا ليها الراجل بنتها وزاد  ومات ليها شي ولد كان عندها وتسطات رآه شهر 20 يوم وهي هنا كاع ناس مبعديين منها ونتي مشيتي ليها .....
كانو التجهيزات قايمين على قدم وساق فمنزل العائلة كيوجدو لسبوع  الناس قرااب يدخلو فالبيت الفوق كانت شادة بنتها تترضعها ومغمضة عينيها بألم من جرانها لثديها  المتواصل وهو كيألمها بزاااف كانت لابسة بيجامة ديال الدار دافية بالاحمر والباج وسروالها باج وشعرها جامعاه لفوق والقصة طايحة على عينيها خرج من الدوش لابس غير سروال شاف فيها قرب باس ليها راسها هي لي حلات فيه عينيها تحنا باس راس بنتو ونطق بصوت منخفض
عز العرب : البنت رآه نعساات احبيبة غير حطيها ونوضي تلبسي الناس غيبداو يدخلو