ذات عيون الريم🍷مكتملة🍷

🍷الجزء 94🍷

الجزء 94👄❤✨🔥
شي حاجة ماهياش سمع صوت الدقايقية هذا كيعني أن العروس وصلات مهتمش رجع كيقلب عليها بعينوا قال واقيلة ختهم الأخرى لي عندها العرس بداوا النكافات كيصليوا على النبي وهو ضور عينوا لجيهة باب القاعة متوقعها دخل دابا أكيد غتكون مشات مع ختها عند الكوافورة بدا كيشوف شحال بانت ليه العروسة داخلة وشادة فيدين راجلها وقفات هي وياه ضار لجيهتها باغي يرفع الشبكة على وجها حتى تقابلات معاه العروسة بدات كترفع الشبكة على وجها ومعاه بداوا ملامحوا كيتكمشوا بالصدمة عينيه خرجوا من بلاصتهم وعروق جبينوا فالبلاصة ضهروا كفاش هي العروسة ؟؟؟؟؟؟؟؟؟
بدا كيزير على الكاس دالماء لي فيديه ما متيقش داكشي لي قداموا بدا كيحرك راسوا يمين وشمال بعدم تصديق كيف الهبيل حتا كتجي عينيها عليه وهي كتبسم
اما هي لاحت الشوفة فيه بغرور وإستهزاء من شكلوا لي بان ليها بدا يتبدل وبدون ماتعيروا أي إهتمام هزات عيونها الكريستالية فمعشوقها كتدقق فملامحوا بهوس وهو ماشي قل منها شد وجها بين يديه وقبل جبينها بقبلة حنينة خلات قلبها غيسكت من هاد الراجل لي جابوها ليها الله يعوضها على كل ما فاتها
حس بالدنيا ضارت بيه وبحال شي سطل بارد تكب عليه عينيه طفاوا وقلبوا بغا يسكت ميمكنش هو كيبغيها واخا تزوج التانية مانساهاش واخا حاول يعيش حياتوا لقاها ساكنة قلبوااا ومعششة ليه فالعظام كفاش دابا غيحضر لعرسها كفاش غيشوفها مع واحد اخر من غيروا كفاش غتنعس وتشارك الفراش مع شخص من غيروا كفاش غتولد مع غيروا الحاجة لي كان يتمناها غيشوف غيروا عايشها
المنظر لي شاف قدامواااا خلاه يحس براسوا بحالا جالس على الجمر يديه فشلوا عليه ولسانوا مبقاش كيتحرك ذكرياتهم كاملين دازوا قداموا بحال شي شريط ديال فيديوا  فاش كانت تدير المستحيل باش تراضيه شكلها وهي بملابس فاتنة لمساتها ليه عشقها ليه واهتمامها كلشي مشا لواحد اخر دب عشقها بجنون ولاكن أنانيتوا ضمرات علاقتهم نسا بيلا ربي كيجازي كل واحد على قد نيتوا وكما تدين تدان كيف ماحرق قلبها فليلة وبكاها ها هو نفس الموقف كيتعاود بحال شي فلاش باك غا هوو الضحية فيه هاد المرة مابقاش قاد يهز الراس مابقا كيسمع والوا كره مووو لواحد الدرجة كبيرة فهاد اللحظة كره مرتوا وكره كل واحد كان سبب ففراقهم كره الولاد وكره راسوا ناض بهدوء منزل الراس حاس بخيبة أمل كبيرة وتم غادي قاصد باب قاعة الأفراح ورجليه ماهازينوش حاس بيهم غيخواوا وبدون مايحس نزلات الدمعة مع خدوا من ديما شخصيتوا ضعيفة من ديما أناني وأنانيتوا هي لي خرجات عليه
وكيف مادرتي لبنادم يدار ليك غير ديرها زوينة
احساسو بالفشل خلاه يتم خارج بخطا بطيئة غادي خارج من القاعة محاسش بالعالم الواقعي كااع وصل لشانطي ما فاق تا سمع صوت الكلاكصون مجهد دار ولاكن كان فات الأوان على الهرب من الخطر ....

عند بلقيس كانت لابسة تكشيطة بالازرق ملكي ومقابلة مع المراية كتكمل الماكيااج كتقاد العكر فشفايفها مقابلة مع المراية خرج عز العرب من دريسينغ كيقاد المكانة فإيدو شاف فيها وتنهد وقرب ليها من لور عنقها وخشا راسو فعنقها ونطق
: ضروري هاد اللوان كاملين

بلقيس كانت كملات حطات العكر ودارت عندو ونطقات : خفيف ماشي شي حاجة كتيرة

قرب ليها كتر حاط ايدو وراها على المراية ونطق : لاا شفت شحال خفيف مكيبانش كااع

بلقيس بعداتو عليها من صدرو ونطقات : عزز ماشي كل نهار عندنا عرس

عز العرب محملش الوضعية مني رجعات معاه وهي ضاغطة عليه كتدير غا لي بغات كأنه هزيتي وحدة وحطيتي وحدة بلاصتها كاع ديك المراعات والتفهم كلشي تبخر شنو بدلها زعما إساءتو ليها ممكن نطق بكره : بلقييس راه منخرجش معاك هاكاا غا نساي صافي بغيتي تقادي وتزوقي جلسي لارض وارا لا باقي شي قنت ملونتيهش انا لونو ليك اما تخرجي هاكا غا نسااي

بلقيس نطقات بغيض : اوى شنو غنديرو دب

عز العرب ناض وقف مشا تال الكوافوز لي كان وراها شافت فيه كيبان ليها غير ضهرو معرفاتو اش تيدير هز لانجيت ورجع دار عندها قرب ليها وهي تتبعد فهماتو اش باغي يدير شحال من ساعة وهي تتقاد فداكشي تعطلات على العرس كااع وهو باغي يمسحو هاكاك بقات تتبعد تا لسقات على الحيط مبقا ليها فين تزيد اما هو غا بانت ليه غتهرب مني وحلات فالقنت وهو يكاليها بيد وبدا كيمسح ليها وجهها بشوية تا مخلا فيه والو اما هي فشلات بالفقصة كون ما مكاليها كون طاحت الارض غا كمل وبعد منها مشا لشبكة لي دايرينها فالبيت ديال الزبل لاحو تما اما هي مشات لمراية غا شافت وجهها رجع كيف كان قبل ساعات من التلوين وهي تلاح فوق الناموسية وبدات تتبكي هو غا شاف الحركة لي دارت ما عرفت باش تبلا مستحيل تكون هادي بلقيس لي تيعرف ياكما بدلوها ليه قرب منها وحيد ليها المخدة على وجهها وجلس حداها ونطق
: مالنا ؟؟؟

بلقيس كتدوي وتنخصص : اراا ليا المخدة وبعد منيي اصلااا انا لي حمارة بقيت تنتسنا فيك باش نمشيو بجوج

عز العرب تنهد ونطق : شنو تبدل

بلقيس بعدم فهم : شنو تبدل نتااا لي وليتي باغي تدخل تا فماكياج لي نديرو بعد منيي مبقيتش غادة انا كاع ناضت وقفات باغا تمشي لدريسينغ تحيد عليها التكشيطة كاع اما هو وقف دغيا تبعها ووقف قدامها فباب بانت ليه باقا تتمسح دموعها عزات عليه وهو يشد وجهها بين ايديه ونطق
:مبقيتيش عاجباني مؤخرا كلمة زوج تبداي تبكي وتشكاي (ديق عينيه بتشكيك ونطق ) امتا اخر مرة جاتك لي غيكل