الجزء : 62 ❤️🔥🥂
واخيرا سدات عينيهاااا ورخات من يديه احساس بحال الموت وهو كيشوفهاااا كضيع من يديه من بعد كاع ديك الهضرة وداك الكره لي خلاهااا تحس بيه وكاع الالم لي تسبب ليها فيه غتمشي بلاما تكون فرصة عندو باش يصلح الوضع وعلى الاقل بعيشها لحظات زوينة من نهار تعرفو وهو ديما قاسي عليهاااا تا البارح كانت هضرتو كيف السم عليهااااا الشيطان غرو وخلاه يقسا عليهاااا مفكرش ان الموت قريبة وكدور وفأي لحظة تقدر تخطف مناااا أقرب ناس ليناااا تقدر تخطف منا ناس غلطنا فحقهم ....رباب رغم كل مادازت منو بقات مقاومة وعمرها فكرت تخلى على حياتهاااا واخا كولشي خوا بيهاااا وكلشي نبدهااا ايلا انهاا حاربت لآخر يوم بكل نفس عندهاااا عمرو فكر انو اجي واحد النهار ماغاديش يشوفها ولا يسمع صوتهاااا نسا ان الموت ماكاتعرف لا صغير لاكبير الموت مكتخدش الاذن من حد..... طلع عينيو للبالكون بنرفزة مالقاااا حد بلع الريق لي وحل فحلقوا وبلاما يحس بدا يزعزع فيها
عيسى:رباب نوضي بلا ضحك خاوي نوضي باش نربيوا ولدنا وسطنا نوووضي ارباب
(الدم شكل بركة حداها عيا يفيق فيها وقلبوا غيوقف مامتيقش لي وقع جرها لعندوا هاكاك جتة هامدة وضمها لصدروا وبأعلى صوتوا غوووووت لفقدانها واش هي ماتت صافي مشات؟؟؟ غلط فحقها بزااااف واش مغيقدش يطلب منها السماحة وللحظة حس براسوا اش كيدير
ناض مبعد لعند تيليفون هزو بزز باش دار نمرة ديال الاسعاف ديال الكلينيك كيف عيط عليهم
رجع عندهااااا كانت باقا فبلاصتهاااا والدم ضاير بيهاااا مقادش يتحرك من بلاصتوا وعقلوا مبلوكي وعارف لاناض يديها بطنوبيلتوا غيدير شي أكسيدوا فالطريق
كانوا مجموعين فالصالة غير سمعو صوتو ناضو مخلوعين نيشان لجردة وهوما ايتصدمو فاش شافو حالة رباب وعيسى جراو لعندو مهى غير شافت رباب بديك الحالة حسات بالدنيا كضور بيهاااا مشاو بزربة لعند عيسى شدو باه من ايديه وقفو على رجليه ومع نزل ناوي يهز رباب وسط يدوا حتا كيسمعوا صوت الاسعاف جاية دايرة الصوت تحل باب الفيلا ودخلات لومبيلونص خرجو منها جوح مسعفين دغيا ومعاهم الباياص دخلو للفيلا ونيشان للجردة تقدمو هزو رباب بالزربة حطهوهااااا فالباياص وهزوهاااا خرجوا بيها كيجريوا تال بلاصة الاسعاف طلعوها وانطالقوا دغيا واللومبيلونص كتغوت دليل على انها حالة خطيرة وبنادم خاص يخوي الطريق ناص عيسى تبعهم مشا نيشان للطونوبيل ديالو تبعهم بيهاااا والعائلة لحقو عليه بطونبيل اخرة
وصلو لكلينك ديال عيسى غير وصلت الاسعاف خرجو جوح ممرضين كيعاونهم هزوها نيشان من باياص لغرفة العمليات حتاش راسها تشق ومازال ماعرفوها عايشة ولا ميتة.... وصل عيسى معاهم تاهو وتبعهم حتا وصلو لقدام القاعة وهوما يحبسوه رجع على الحيط وحط راسو عليه وتفكيروا فيه غير اخر نظرة بينها وبينو والهضرة لي قالت ليه والوقيتة بالضبط فاش سدات عينيها وكيفاش كانت اخر وصية منهاا انوا باها يسمح ليهااا و ايديه فيديها ....
كان انور سالا الفحوصات لواحد المريض حتا كيشوف الممرضات مجموعين قريب لبلوك فاش كاينة رباب وكيهضروا قرب ليهم ونطق
أنوار : اش واقع هناا؟ واش نتوما ماعندكم خدمة خويوا عليااا هنا يالله راه كلينيك هذا ماشي حمام كل وحدة فخدمتهاا
فعلااا داكشي لي دارو تفرقو وكل مشات لشغلهاااا تقدم بخطوات تقال حتا كيبان ليه عيسى صغر عينو وقرب لعندوا ونطق
أنوار : عيسى شنو واقع ؟؟؟
تلفت عندو عيسى ونطق وهو كيشوف فالبلوك
عيسى : رباب....
أنوار : مالهاااا رباب شنو وقع ليهااا؟ هضر اعيسى
عيسى : معرفتش انا كنت كنهضر فالجردة حتا سمعتها طاحت من لبالكون (سكت شوية ورجع كمل)يمكن انتاح.رات....
غير سمع انور شنو قال عيسى وهي تشعل فقلبو العافية قلبوا تهز من بلاصتوا ويديه بداوا يترعدوا دفع عيسى من صدرو بكل غضب وشنق عليه
أنوار : شنو درتي للبنت هضر شنو درتي ليها حتا خليتيها تنتاحر... نتا سباب نتااااا كلشي بسبابك كنت عارف غتمرضها فحياتها كلشي بسبابك نتااااا تهنيتي دابة هضر بردتي هادشي لي كنتي باغي تهناااا منهااااا وهانتا وصلتي لداكشي لي باغي فرح دابة
كان كيهضر انور والحرقة كتاكل قلبو وفكرة انو مغاديش يشوف رباب حبيبة قلبو مولات العوينات الخضرين وايسمع صوتهاااا كيحس بقلبو كيتقطع دفع عيسى بكل عنف ورجع بلور تالف وماعارف مايدير حط ايديه على راسو
وصلو عائلة عيسى ومشاو نيشان لعندوا كيحاولوا يصبروه
وجلسوا يتسناوا معاه بالسوايع
حتى كيخرج الطبيب وكينطق بهدوء وكولشي كيتسناه على أحر من الجمر
دكتور : على سلامتهااا دازت من الموت والجنين راكم عارفين مايمكنش يعيش وكاينة حاجة اخرى تاني
نقز انوار فاش سمع هضرة الطبيب ونطق
انور: اش كاين؟
دكتور : دكتور انور تهدن انسة رباب طيحة لي طاحت من حسن الحظ مكانش الارتفاع كبير بزاف هادشي باين حتاش الشقة ديال الراس مكبيراش بزااااف كون الله يحفظ طاحت من الطروازيام إيطاج ولا الكاطريام متبقاش عايشة عنقهاااا ويديها تهرسوا
عيسى (تفكيروا كامل بقا عند ديط الهضرة ديال الجنين ميمكنش يعيش قلبوا بغا يسكت ماقادش يتيق بلع الريق لي وحل فحلقوا ونطق بدهول):كفاش الجنين اش وقع ليه؟
دكتور : للاسف الجنين مات
......(وبهدوء مريب نطق)وماشي هنا فين كاين المشكل المريضة ممكن ماتنوضش حتاش دخلات فغيبوبة معارفينش انتا غتنوض وواش ممكن تفيق ولالا
حالات الانتحار لي بحال هاد الشكل قليل لب كيعيش فيهم خاص تحمدوا الله ودعيوا معاها حتاش مزال عندكم امل
الغيبوبة ماشي شي حاجة لي ساهلة الغيبوبة بحالا عندك رجل فالدنيا ورجل فالاخرة...
يتبع.... 🔥💔
أنت تقرأ
ذات عيون الريم🍷مكتملة🍷
Romance💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
