ذات عيون الريم🍷مكتملة🍷

🍷الجزء 70🍷

الجزء 70👄🔥✨❤👄✨🔥❤✨❤

كان سايق طنوبيلتوا وكل مرة يضور يشوف فيها خايف عليها بزاااااف من الطيحة لي طاحت قدام الدار غيبات ومابقاتش عاقلة على راسها....كانت حاطة يديها فوق فخضوا نزل يدوا اليمنى وبقا كيسوق غير باليسرى وهو يشابك صباعوا مع ديالها ونطق بحنية
عبد المالك:كيف بقات البيضة ديالي؟؟؟؟
(كانت سادة عويناتها ومرجعة راسها اللور حلات عويناتها بالشوية وشافت فيه وهي دابلة ووجها صفر تبسمات بهدوء وردات عليه)
وئام:متخافش عليا راني بيخير
(هز ليها يديها تاال فموا وباسها وهي تبسم  شهر كان كافي يخليها تميل ليه عشقات أي حاجة فيه حنيتوا فيها تعاملوا شخصيتوا غيرتوا كولشي فيه كيسطي هاد المدة  لي دوزات معاه ....كانت أفضل فترة دوزاتها فحياتها كاملة شهر دوزاتها عليه خصوصا هاد جوج سيمانات الاخرين ولات غاااا دارعة وكيعيا يقلب عليها ولات تكرهواااا يقرب ليها قليل فاش كتجيها الكانة عليه ريحتوا كرهاتها ولاكن داير معاها الخااااطر بزااااف وهادشي لي محمقها فيه هي ماعارفاش علاش مبقاتش تحمل تشم ريحتوا ولاكن راه مكتقصدش..... ولات تموت على شي حاجة سميتها البيض كتر ماهو كيسطيها كضرب فالنهار تال 6 البيضات ولا يخاف عليها لاتمرض وهي وااالوا غا تابعة الدجاجات وتجري وغير هاد اليامات تبعات الدجاجة تال نص الفيرمة وتلفات على الطريق وجلسات تبكي تااااا تبعها يقلب عليها كيف الهبيل بزز باش لقاها ولات كتدير شي تصرفات بلاماتحس تقد يجيها داكشي فالليل وتنوض من حداه بلاما يعيق بيها  كتخليه غا ينعس وتنووض درع وبقوة ماولا يخاف عليها فالليل ولا يربط ليها رجليها مع رجلوا باش متنوضش وقفوا قدام العيادة ديال الطبيبة نزل هو الاول وهي تنزل تاهي لابسة جلابة واسعة عليها ووجها مافيهمش نقطة دالمكياج حتاش شرط عليها تلبس شي حاجة واسعة وطويلة وماديرش المكياج ومع فورمتها قتااا&لة وزادت تفورمات مع الزواج يشوف فيها شي حد يحيد ليه عينيه من بلاصتهم شابك صباعوا مع صباعها وطلعوا مع الدروج نيشان للعيادة ديال واحد الطبيبة نسائية كاينة فالطابق التاني  ماهي إلا تواني حتا دخلوا مع الباب توجه لعند السكريتيرة يالاه بغا ينطق وهي تزير ليه على يديه وحمرات فيه الشوفة وقربات لعند ديك السكريتيرة لي كانت مصبغة وجها بالمكياج تبسمات لها بهدوء ونطقات
وئام:السلام عليكم
السكريتيرة (بإبتسامة ومرة مرة عينها تمشي لعبد المالك):وعليكم السلام
وئام:أنا أختي البنت لي صونات ليك الصباح باش تاخدي ليا النوبة....
السكريتيرة:سميتك؟
وئام:وئام المريني...
السكريتيرة:آه مرحبا بيك (ومع كتكمل هضرتها مع كيبان ليها الباب دالبيروا دالطبيبة  تحل وخرجات من عندها المريضة شيرات بيديها لجهة البيروا ونطقات)تفضلوا

(شافت فعبد المالك لقاتوا هاز تيليفونوا وهي تبسم برضى لاحت شعرها الأشقر ورا ضهرها بدلال وشدات فدراعوا بتملك وجراتوا معاها حتا دخلوا عند الطبيبة بجوج كانت كبيرة فالسن سد الباب وراها وهي مشات لجهة البيروا دالطبيبة جلسات وجا جلس عبد المالك قبالتها وعينوا فيها واخا مادايراش المكياج وواخا لابسة جلابة واسعة حمقاتوا وفكل حالاتها كتخليه بلا عقل مكيخرجوا من سهوتوا غير كلام الطبيبة فاش نطقات ببشاشة)
الطبيبة:السلام عليكم
(ردوا عليها السلام بجوج وهي تنطق والابتسامة مفارقاتش شفايفها)
الطبيبة:اش كيضردك ابنتي؟؟؟
(بدات تعاود ليها على الردان والدوخة والشهية لي تفتحات ليها بلا قياس وساعت إبتسامة الطبيبة شيرات ليها لجهة الباياس ونطقات)
الطبيبة:تفضلي
(ناضت بالشوية عليها طلعات فشي دريجات صغار وهي تجلس فوق الباياس )
الطبيبة(نزلات الباياس أوطوماتيكمون من واحد البوطون عندها فالبيروا ونطقات موجهة كلامها لوئام):تكاي أبنتي وعري ليا على كرشك
(وداكشي لي دارت هزات ديك الجلابة حتا تعرات كريشتها وبانت فصالتها لي كتحمق فداك الكولون الكحل  هزات راسها الفوق  وجات الطبيبة قدامها دارت ليها واحد الجيل لكرشها وبدات دوز على كرشها بواحد الجهاز وعينها فالشاشة لي قدامها لدقائق معدودة حتا كتبسم وهي تنطق
الطبيبة:مبروك عليك أبنتي راك حاملة.....

كانت فبيتها جالسة وحاطة  قدامها البيسي ديالها حاطة حداها سقاطة مشكلة كانت مركزة مع المبارة ديال زين لصالح الفرقة الاشبيلية
كل تركيزها مع زين لي كان فالمرمى فكل مرة كان زين كيشد الكورة كانت كتنقز بالفرحة وبالأخص ان زين تسديداتوا كانوا خراااافين بمعني الكلمة تصديات وااااعرين وكان هكاك طول مبارة متزعزعاتش من حدا لبيسى ومراقبة حركات زين لي كانت فمنتهى الاحتراف وكان ليه الفضل بنجاح الفريق ديالو انتهت المبارة بفوز لصالح فريقوا
.... فحين لعابة حتافلو بفرحتهم كاملين مع زين بالاحضان والمدرب ديالهم كذلك.... سالاو وكاع لعابة تجمعو باش يخرجو
... زين كان غادي خارج وكبيتسم لجماهير و كيرد عليهم تحية حتا حس بشي حد تلاح عليه هز راسو لقاها بنت من الجماهير
هاد المشهد داز على مهى لي خرجو عينيها وستفزوها خلاوها تسد البيسى لاحتو ...
ناضت وهي معصبة مبغاش ايتسرط ليهاااا داك الموقف بتاتا خرجات نيشان لبالكون يضرب فيها البرد وداك المشهد فاش ديك البنت معنقة زين مبغاش ايتمسح ليها من راسها كتزفر وتضرب برجليها بقات هكاك فالبالكون كتشوف  فسما  وكتحاول تنسا فجهة الاخرى كان زين يالله تفرقات منو  البنت لي معرفش منين طاحت عليه وبزز بزز باش تفارقات عليه حتا خدات صورة وتوقيع منو ف تيشورت كيحمل الاسم ديالو والرقم....
خرج ولقا طونبيل مجهزة باغي غير يمشي لدار ايرتاح وخلا لفريق يمشي يحتفل بالنصر ديالهم اما هو كان همو غير يرتاح من بعد هاد المبارة المتعبة لي دوز وصل لدار ديالو دخل نيشان لبيت ديالو دوش بقا شحال تحت الما حتا حس براسو خفاف اول حاجة تفكر هي مهى وتفكر حتى ديك لبنت لي عنقاتو اكيد ايخرجو اخبار عليهم وتصاور مشا هز نيشان تيليفونو لقا بزاف ديال الاتصالات من ناس لي كيعرفوه من صحابو كلشي باغي يبارك ليه  تخطا كاع ديك المحادثات  مشاااا لكونطاك نيشان لنمرتها لي كانت فاول قائمة الاتصالات وهو ايركب نمرتهااااا ودوز الخط....

يتبع.... 💙