ذات عيون الريم🍷مكتملة🍷

🍷الجزء 37🍷

الجزء 37❤❤❤❤❤🔥✨🔥✨🍷

عيطوا ليهم للغدا ونزلوا ياكلوا كسكسوا ومن بعد الغدا لبسوا جلالبهم بلقيس جلابة فالبيض والماباقي كل وآش لبسات وشدوا الطريق نيشان للصالون يالاه يجيوا مع الليل باش تكون الحنة وغدا العرس )
(وصلات للصالون وضاروا بيها البنات لي خدامات تما داروا ليها لاصيغ و كل وحدة باش تكلفات وما إن أذن العشاء حتا كانت لابسة تكشيطة فالخضر والفوال فوق راسها يديها وعنقها فيهم  حلي موالم التكشيطة وفرجليها طالون عالي فجنبها اليمين مهى وفالجانب الأيسر بنت خالتها اما القدام جالسة وئام ولي سايق بيهم هو ولد

خال بلقيس الزوين فعائلة مها عندوا 36 عام ومازال ما مزوج من الناس لي لاباس عليهم.... عندوا بزااااف ديال البلادات والفيرمات  ساكن غير وحدوا فواحد   الفيرمة كاينة فالخرجة ديال مدينة  تازة قرااا وخدم فسن صغير على 22 عام فبوسط عادي فواحد الشركة  وبحكم عائلتوا لاباس عليهم كان كيجمع الفلوس وكل مرة كيشري بلاد بقا كيجمع الفلوس ومني ولاوا كيدخلوه ارباح كتيرة من الفلاحة بدا يشري الفيرمات وهاهو دابا عايش فوق السلك الفلوس غا كتشاير ......هو من النوع لي مقابل صلاتوا ماكيكمي ما كيشرب ماكيضلم حد كولشي كيدوي عليه بالمزيان وجامي تناوضها مع شي حد من قبل ماعندوا صحاب ماداير صحابات مكاينش فبنات العائلة لي تزعم عليه معروف عليه قاصح شوية ولاكن معقول ومكيضسرش عليه البشري  ..... كان كل مرة يشوف فوئام بنص عين كتبان ليه ساهية وغير تواني قليلة حتا تقادات فجلستها

مازال الطريق طويلة اللهم يزهيوها فالطريق لاحت شعرها وراء ضهرها بدلال وهزات التيل ديالها ومع الطونوبيل فيها جوج بيفان اللور لقات راحتها نيت جبدات أغنية شعبية ديال هاد الوليد زوين لابغيتيه ديه وطلقاتها حتى تسمعات مجهدة شافت جيهة عبد المالك ونطقات كتبسم
وئام:غتسمح لينا شوية أخاي راك مركب معاك وحدينات خارجين من سبيطار الحماق ساكتين على خزيت انزهاوا شوية  صافي
(كانت غتهرب ليه التبسيمة  بلاما يحس ولاكن فالدقيقة التسعين جمعها حنحن ونطق بصوت رجولي هادئ)
عبد المالك:خودي راحتك
وئام:العز يالااااه البنات هاد الوليد زوين لابغيتيه ديه
(البنات من اللور كاملات دقة وحدة وبصوت كيخلع ):هاد الوليد زوين لابغيتيه ديه
(خرج عينوا بصدمة اش هاد الموصبية اش داه يركبهم كااااااع قلبوا ليه راسوا حتى مد يدوا وطفا ديك الموسيقى خلاهم يلبدوا فالبلاصة )
عبد المالك: سكتوا حسن حتى توصلوا للدار

(ضربوا الطم وكل وحدة لبدات فبلاصتها حتى وئام تكمشات فبلاصتها وبدات تبرقق فعينيها وحناكها تزنكوا واخا تقلقات مي مبيناتش شاف فيها بنص عين وتبسم عجباتوا غير من الشوفة  )

ومع قربهم للدخلة ديال العروبية وهو ينطق بصوت هادئ وحنين وبهمس موجه كلاموا لوئام
عبد المالك:تقلقتي؟؟؟؟

(بلقيس خرجات عينيها بصدمة حتاش عارفة هاد ولد خالها بالضبط مكيحاشيهاش للبشري ومعندوش مع البنات هزات الطرحة من على راسها وقربات ودنها كتسنط ليهم مي ماسمعات والوا قربوا البنات ودنيهم تاهوما باش يتسنطوا مي ماسمعوا تا لعبة )
بلقيس(بهمس):طرشوني البنات واش انا كنحلم؟؟؟؟؟
مهى:غير حشمت اما والله تانديرها

وئام(شافت فيه وهي تنزل راسها بالزربة واحد الكاريزمة عاطية منوا فشكل):هاااااا لالا علاش انتقلق
(تبسم ليها بهدوء ونطق بنفس النبرة ديال الصوت ):معنديش مع هادشي بزااااف كيضرني فراسي داكشي باش حيدتوا
وئام(همسات هي الأخرى مجاوباه):معليش تا حنا عيقنا بزاااف
عبد المالك:دغيا كتفهمي الله يرضي عليك
(وساعت إبتسامتها بلاما تحس مني سمعاتوا قال  الله يرضي  عليك وتا الطريقة باش قالها زوينة ضورات وجها للجهة الاخرى باغا تشوف البنات وهي تلقا ودنهم عندهم خرجات عينيها ونطقات بصدمة )
وئام:مالكم اش كاين ؟؟؟
(غير هز فيهم العين من المراية وهوما يشدوا بلايصهم وبلقيس بدات ترد فالفوال على راسها وتفتف خلاص بنت خالتها بدات تقاقي بلا مقاقية ومهى بدات تقرا فالقرآن بالجهد  حتاش ديجا قالت ليهم بلقيس فالصالون بيلا دياني )

وفجهة اخرى وهاد المرة ففيلا عائلة عز العرب هي كذالك كانت عامرة الصالونات عامرين كلهم ورحمة والخدامات غادين جايين كيسربيوا  معروضين للعشاء عند عائلة الأحمدي  واكيد هي مغتمشيش لي غيمشي هو عز العرب مع باه كان واقف فالبالكون ديال بيتوا باينة فيه مهموم ..... لابس كوستيم فالكحل وسباط فنفس اللون ..جا واااااعر تنهد وجبد سيجار من جيبوا شعلوا وبدا يكمي ويبخ فالدخان بعيد شاف باه  التحت فالجردة لابس جابادور وهنكارة وهو يهز يدوا شاف فساعتوا حط السيجار فالطفاية ودخل الداخل نيشان للحمام غسل سنانوا وخرج تال قدام المراية رش البارفان ديالوا ولبس ساعتوا فيديه  هز سوارت الطونوبيل وخرج من البيت نيشان التحت وصل لعند باه باس ليه راسوا ومشا لجيهة الطونوبيل ركب فبلاصتوا وتسنا باه تا ركب قاد السمطة وهو يكسيري والوجهة ديالوا دار الأحمدي تعطل عبد المالك شوية فالطريق حتاش مهى جاها الردان كل مرة كان يوقف ليها حتى تنزل ترد حتاش ضاراها المعدة ونسات دواها فالدار رجع قلب الدورة تال واحد الفارماصي شرا ليها الدوا بالزربة ورجع مكسيري للدار وفنفس الوقت لي غتوقف فيه طنوبيل عبد المالك غتوقف حتا طنوبيل عز العرب

يتبع❤🔥

آرائكم ونقاشاتكم البنات ‼