ذات عيون الريم🍷مكتملة🍷

🍷الجزء 27🍷

الجزء 27🍷❤💘🍒

بلقيس:ها ماغنات أم كلتوم (ضربات الفولون بيديها مغددة ونطقات)درتيها بيا أبنت الحرام وفهاد الخلا اويلي اش غندير نصوني لوئام؟؟؟لا أويلي

مقداتش حتى تنزل من الطونوبيل حتاش البلاصة خاوية وكتخلع بقات كتعض فيديها ورجعات تدوي بوحدها تاني.
بلقيس:نعيط لبابا يجي يديني (بدات تفكر ونطقات من أول وجديد) لا أويلي غيسمعني الهضرة
نعيط لولد عمي حسن
(يالاه هزات تيليفونها باش تصوني على ولد عمها حتى بدا يصوني ليها التيل جات تشوف شكون كيصوني ليها لقات النيم ممسجلاش عندها تنهدات وجاوبات بهدوء
بلقيس:ألوا شكون معايا؟

(سمعات سميتها بصوت رجولي حرش وباح بلعات ريقها مني عرفات صوت من لي سمعات اه نفس صوتوا وهي متأكدة ميمنكنش تنساه )
عز العرب:بلقيس بيخير؟؟؟؟
(حنحنات ونطقات برزانة وبرودة)
:
الحمد لله ممكن نعرف شكون معايا؟؟؟؟

عز العرب:زعما معرفتينيش؟؟؟

بلقيس(كتخرج فعينيها):لا أخويا معرفتكش مهم شوف دابا والله ما مساليا من بعد وعاود صوني

عز العرب:علاش آش كديري ؟؟

بلقيس:من بعد من بعد ونقول ليك خاصني نقطع
عز العرب(تجاهل كلامها ونطق من أول وجديد):فين كاينة نتي داب؟؟
بلقيس:قولي نتا شكون بعدا ونقول ليك فين؟؟؟
عز العرب:خطيبك

بلقيس(بتكبر):شكون فيهم راهم بزااااف ؟؟

عز العرب(ضحك بإستهزاء ونطق):لي كيخليك vu

بلقيس(زيرات على شفايفها مراضياش)؛اه هذاك لي كنبلوكي صافي عرفتك
ميمكنش ليا نبقا نهضر معاك حتاش منقدش نتزوج بواحد فحالك مغتمشي حتا تصيفطني للقبر فريعان شبابي

(زير على الستيلوا لي فيديه قوص حواجبوا ونطق ببرودة ):وعلاش بالسلامة؟؟؟؟

بلقيس:واش أنا كنهضر معاك ونتا ممسوقش لامغديرش ليا القيمة من الأول نفكوا الجرة والله أنا مفششاني عائلتي والناس لي كنعرف كلمة خاسرة
فحقي مكيقولوهاش باش منتقلقش

عز العرب (تبسم ونطق بصوت بارد ):هاكا أنا داير أبنت الناس هادشي ماعطا الله غندير كيلا ماسمعت والوا من هضرتك لي قلتي وخوي ديك فكرة الفراق من بالك ودابا قولي ليا فين كاينة أنا جاي لعندك

يالاه كانت غترفض وهي تشوف قدامها
البلاصة كتخلع بدات ضور فعينيها هي تنطق بهدوء

بلقيس:أنا فواحد الخلا
عز العرب:اشمن خلا؟؟؟؟ صيفطي ليا اللوكال فواتساب
بلقيس:هاد النيم نيت؟؟؟
عز العرب:وي سربي دغيا

(داكشي لي دارت بالزربة صيفطات ليه الليان قرا المساج وكيف ديما خلاها vu

بقات
تساين فيه حتا دازت ساعة بالحساب عاد بدات تبان ليها طنوبيلتوا جاية مكسيرية وقفات حداها نيشان نزل منها وتم جاي قاصدها حل عليها الباب وهي منزلة راسها وهو ينطق بحدة

عز العرب:اش جابك لهنا؟؟؟
(هزات فيه عويناتها القتاااا..لين فالبلاصة سكت خدات صاكها من حداها ونطقات بهدوء ):واخا تخليني نزل ؟؟؟

(حيد يدوا وهي تنزل بهدوء حتى وقفات قداموا كانت لابسة البيض وشحال جاها زوين أما هو كان لابس تيشورت أبيض وسروال كحل ونضارات على عينيها

بقاوا كيشوفوا فبعضياتهم شحال حتى نطق معاود ليها السؤال
عز العرب(عينوا فعويناتها):مجاوبتينيش؟؟؟؟
بلقيس(عينيها كتساريهم فوجهوا)؛علاش غنجاوبك؟؟؟؟
عز العرب(حاوطها بيدوا حتى تزدحات مع الطونوبيل شافت فيه وخرجات عينيها بصدمة وبدات دفع ليه فيديه
بلقيس:تاحيد يدك حشومة
عز العرب(ضور عينوا فالبلاصة فين هوما بغا يخلعها وهي تكمش فبلاصتها تبسم إبتسامة خطيرة ونطق بنبرة سافلة):البلاصة خاوية موحالش كيجي ليها شي حد منجلسوش شوية نهضروا

بلقيس(فهمات قصدوا مزيان القفقافة شداتها ندمات علاش قالت ليه فين هي كااع)؛ماتهضر معايا مانهضر معاك

لاكنتي تديني معاك مرحبا مكنتيش ديرها خليني عليك

(طلع يدوا مع جنابها وهي صافي بداوا الدموع يتجمعوا فعينيها كتقول مي مي واش شرفي لي حافظت عليه سنين هادي اليوم يمشي ليا فهاد الخلا)