ذات عيون الريم🍷مكتملة🍷

🍷الجزء 34🍷

الجزء 34🔥❤✨🍷💕

هزات صاكها لي كان طايح فالأرض وتبعاتوا كتعبر فيه من اللور حتا استقروا عينيها عند ترم&توا خرجات عينيها مني حسات براسها وهي تنطق بصدمة
مهى:لا أنا تسطيت اش هادشي ؟؟؟؟؟
زيدي امهى الله يهديك زيدي راه ترم&&تك كبر من ديالوا بلاما تبقاي تعبري (سكتات شوية ورجعات نطقات وهاد المرة تكلمات بصوت عالي شوية) داك ولد الكلبة بيمن كنت مزوجة كانت عندوا وداير جوج عيالات الله يعطيه غا الدل
زين(سمع كاااع لي قالت ضار لعندها هاز حواجبوا بعدم تصديق ونطق):لي شاف شي حاجة يقول الله يستر اربي واش نتي عادية متأكدة؟؟؟

(ضربات الطم هاد المرة وتمات غادة كتعرج ودازت من قداموا مخلياه كيستغفر الله فخاطروا )

نزلات مع الدروج وهو لبس عليه بالزربة هز سوارت الطونوبيل ونزل تابعها خرج من الدار وهي تبان ليه واقفة حدا البورش ديالوا مسح على شعروا وتم غادي لعندها ما هضر معاها ما تكلم نيشان ركب فبلاصتوا حلات باب الطونوبيل لي حداه وجلسات بزعفة كتنفخ وتفش كفاش محلش ليها باب الطونوبيل باش تركب
(كسيرا بطنوبيلتوا خارج من الفيلا شاف فالباب دالفيلا تبعقج من واحد القنت حرك راسوا بلا حول ولا قوة إلا بالله العلي العظيم ومع جا يشوف لجيهتها وهي تقلب وجها من عليه خلاتوا غا كيشوف طلع حاجبوا فيها ونطق )

زين:اش كاين النعرة؟؟؟؟
مهى:بزااااف عليك حتا نكون نعرة تفوا ما فيك كاع الاداب
زين(بهدوء ):علاه؟؟؟
مهى:محليتيش ليا باب الطونوبيل باش نركب؟؟؟
زين(تبسم بسخرية ونطق):اشناهوا نحل ليك باب الطونوبيل؟؟؟؟علاه شكون نتي فملك الله؟؟؟
وكتهضري بوجهك حمر على الأداب بحالا ماشي عاد دابا خرجتي ليا فباب الدار وبديتي تخرجي فعينيك؟؟؟

(بدات تبرقق فعينيها شافت بيه ببرائة ونطقات):لاديرش فيا راسك راه مرة مرة كيهرب ليا
زين:شيطانة نتي مع راسك
مهى(بفضول):اجي نسولك بعدا فاش خدام؟؟؟؟
(تبسم بهدوء ونطق):مكتفرجيش فكرة؟؟؟؟

مهى:مكنحملهاش
زين:علاه؟؟؟؟
مهى:معنديش معاها وصافي علاش كتسولني على كرة؟؟؟
زين:راني حارس مرمى داكشي باش سولتك
مهى(بصدمة):حلف بالله اشمن فرقة الوداد ولا الرجاء؟؟؟؟؟
زين:هههههه وكتعرفي بعدا سمية الفراقي
مهى:شوية قول خلاص
زين:فرقة ماشي مغربية
مهى:أووووووووووووووووو امبوسي اشمن فرقة؟؟؟؟
زين:التشيلسي
مهى:هاااااااح دابا انايا مع حارس مرمى
(حلات صاكها بالزربة جبدات المراية قداموا وهو غا كيشوف دارت عكر من أول وجديد وفرمشة عين جددات مكياجها وخفات دوك الكدمات لي كانوا حدا عينيها جبدات تيليفونها حلات السمطة وقربات تال حداه

مهى:شوف هنا

(مع ضور عينوا جهة تيليفونها حتا كتصورهم فواحد الوضعية فشكل لي شافهم غيقول هادي غا عشيقتوا)

زين:اش كديري المصيبة؟؟؟؟
مهى:نتصور معاك اش فيها؟؟؟؟
زين:ياك عاد قلتي معندكش مع كرة؟؟

مهى:هانتا قلتيها بفمك معنديش مع كرة ماشي ماليها
(ضحك على هضرتها حرك راسوا يمين وشمال بلا حول ولا قوة إلا بالله وهو يتكلم)
قادي السمطة الموصيبة قادي راه نصدقوا دايرين شي كسيدة ونتي مابقا فيك مايتهرس
(يالاه غتجاوبوا حتا نطق)
زين:اجي فين كتسكني؟؟؟؟ أحم نديك لنفس الدار ياك؟؟؟؟

مهى:ههههههه من نيتك راني طلقت اش غنمشي ندير فيها
(بلع الريق لي وحل فحلقوا ونطق بصدمة وبعدم تصديق ):طلقتي؟؟؟؟

مهى(غرغروا عينيها بلعات الغصة لي تكونات فحلقها ونطقات بصوت مغمغم بالبكا):وي ديني عفاك ل *********

(عرفها ماباغاش تهضر على الموضوع وتا هو ماحكرش عليها تبسم بلاما يحس وغير بانت ليه غادي ضور لجيهتوا وهو يجمعها )
مهى:علاش هبطتي للمغرب؟؟؟
زين:جيت نشوف العائلة
مهى:امم مزيان (سكتات لتواني ورجعات نطقات)ولاكن قبيلة ماكان حد فالدار؟؟؟؟؟
زين:هاد الدار غا كريتها فاش جيت لهنا
مهى:وعلاش متسكنش مع عائلتك؟؟؟؟؟
زين:عندنا واحد المناسبة ومع معنديش مع البشري بزاف داكشي باش بعدت

مهى(بإستغراب):أشمن مناسبة؟؟؟؟
زين:كاين عرس
(غير سمعاتوا اش قال وهي تشوف فيه بالزربة تبسمات بزز ونطقات):واش عرسك؟؟؟الله يكمل بالخير
(يالاه باغي يجاوبها حتى كيصوني ليه التيل كانت بنت لي كتصوني ليه ...مدخلها بسميتها سندس قلبها دياق عليها شافتوا قرب لدارهم وهي تنطق بالزربة)
مهى:وقف هنا عافاك
(شاف فيها بإستغراب مني بانت ليه كتأكد على هضرتها وهو يوقف شكراتوا وهي تنزل بالزربة كتحرك راسها يمين وشمال نسات ماسولاتوا تا على طنوبيلتها فين هي بقوة التلفة)
مهى(غادة جيهة باب الفيلا ديالهم وكتسب):هادشي لي بقا ليا غا نغير على واحد شفتوا مرة وحدة اويلي حي انا يا هبيلة يا هبيلة مافيهاش

من بعد ما وصلات بلقيس لدارهم بدلات عليها ومع جات كتقلب على مها باش تعاود ليها حتى كتلقا الخبار وا وصلاتها من عند رحمة بقات غير كتشوف شداتها الحشمة ومالقات ماتقول عرفات راسها غرقات معاه تا للودنين وخصوصا مني لقات العائلة كاملة فخبارها حتا من باها بقات غير كتشوف ومصدومة عاد بدا الندم يجيها وبدات تقول واش زربت عنداك نندم من بعد عنداك يوقع ليا بحال مهى عنداك يخوني أبشع الأفكار جاوها فديك العشية صدرها تزير عليها وماخففوا عليها داك التوتر غير صحاباتها بجات خصوصا وئام جلسات تنصح فيها وتقرص لي شافها يقول عليها مرأة كبيرة وواخدة تجربة ميقولش راها عاد فالعشرينات من عمرها أما تا مهى كان مزاجها معكر فديك العشية

آرآئكم البنات ضرورين❤