الجزء 90👄❤✨🔥
دازت 3 ايام بالحساب باش وصل الويكاند نهار السبت فالعشية لالة بلقيس جالسة تدوي مع دارهم لي معجبهمش القرار لي خدااتو نهائيااا حيت فاش بغات الطلق علماتهم بدون اي مناقشة مشاركت المشكيل لا والو ودب نييت نفس البلان عاوداتو بغات ترجع علماتهم وصافي كانت جالسة فالكوزينة فالصالة مونجي صغيرة دايرينها تما و كتاكل الفريز ومها كتوجد لضيافة هي وشي عيالات غير حيدات الدجاج من الفران وعمرات ليها كاس الما وجلسات حداها وشدات فإيديها ونطقات
فردوس : شوفي ابنتي راه غا بلقيس وحدة لي كااينة وباراكة لي دااز عليك معااه متخليش هضرة شي واحد تردك لداك العذاب
بلقيس سرطات الدغمة عاد دوات : والله اماما هضرت النااس مداخلة ليا لراسي كااع ولاكن راه (سكتات شوية وقالت خاصهم يعرفوا ونطقات ) راني حاملة اماما شنو غندير مع هادشي لي فكرشي نربيه بوحدي ويتحرم من باه
فردوس تصدما تحولات عينيها لكرشها ورجعات شافت فيها ونطقات : من امتا ونتي عارفة
بلقيس : قبل الموت بشي يومين راه مكنتش مستوعبة باش نقدر نقولها لشي حد وتلفت فالوقت لي انا باغا نزيد لقدام حسيت هاد البيبي كيردني لور دقة وحدة مجيت فين نتقبلها تا وصلات خبار الموت ديال أنس والباقي راكي عارفاه مهم ماما هو قال ندم وقال غيصحح اخطاء ديالو وكلشي وانا مخاسرة والو انعطيه هاد الفرصة ماشي انا لي عطيتها ليه فالحقيقة راه ولدو لي عطاها ليه دب هادي فرصة انا مغنقولش ليه على الحمل تا نتأكد منوو رجع لطريق
فردوس تنهدات عارفة كلامها كلو على حق : اش غنقول ليك ابنتي ولي دارها ربي فيها خير الله يهديه عليكم منبغيوش الدري يكبر مشتت بين باه ومو وهو مدنبو والو طبعاا
بلقيس شافت مها متشائمة وهي تشد ليها وجهها بين ايديها وتبسمات ونطقات : بنتك كبراات الالة فردوس راني قادة نحل مشاكيلي الراسي متشطنيش بالك معايا
فردوس تبسمات ليها وشافت فكرشها ونطقات : وغتولي امم كااع هههه دغيا بغيتي تشرفيني نولي جدة ههههه
بلقيس : يا والله ما مبلانية ليها اماما معرفتش تا كيفاش نسيت الفانيد ديالي كااع
بلقيس : يا والله ما مبلانية ليها اماما معرفتش تا كيفاش نسيت الفانيد ديالي كااع
فردوس : ولي كتبها لي فالسما راه فيها خير ابنتي
بلقيس : ونعم بالله اماماا
فردوس : انوض ندوي مع باك لا يجري على النااس
بلقيس : ههههههه كاااع
فردوس : وماشي بعيد على شحال عندو بلقيس
بلقيس : ههههههه غا وحيدة اماما غا وحيدة
فردوس تبسمات ليها وناضت حيدات طابلية ديال الكوزينة وخرجات تقلب على راجلها قال ليها الحاج راه مكاينش تنهدات ودخلات تكمل شغلها بنما رجع
فمكان اخر وبضبط عند رباب كانت لابسة قفطان ديال الجوهرة وكتقاد مع الخدامات..كلشي وجدوه على حقو وطريقو وباها جالس كيقراا الجورنال فالصالة بنما جاو.. ووسط انشغالهم باللمسات الاخيرة..سمعات الدقان فالباب دارت شافت كلشي فبلاصتو واشارت لخدامات يدخلو لكوزينة تا تطلبهم وحتى هوما مزادوش معاها فالكلام ونساحبو..اما هي بخفة توجهات للباب باش تستقبلهم وباها تابعها..كان انور ومو دخلو وجلسوا فصالة بعد ما ستقبلوهم مزيان.. مجمعين وكيضحكو شحال عاد حنحن انور تايشوف فمو وهي بدورها فهماتو ونطقات
: اوى اسي رشيد راك عارف المقصود من مجيتنا جينا طالبين فيد بنتك لالة رباب لا قبلتو علينا
أنت تقرأ
ذات عيون الريم🍷مكتملة🍷
Romance💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
