ذات عيون الريم🍷مكتملة🍷

🍷الجزء 26🍷

الجزء 26❤🍷🍒💘❤

بلع ريقوا وعض على شفايفوا وقرب لعندها بخطوات هادئة وصل قدامها وبقا كيشوف فيها شحال مد يدوا حيد الخصلات من على وجها حتى بانوا حنوكها مزنكين قلب جبهتها واش فيها السخانة لقا حرارتها عادية تبسم لشكلها كتبان كيوت بحال شي بنوتة صغيرة نزل باش حنيكاتها حتا تغلغلات ريحتها الزوينة فنيفوا و رجع باسها مرة تانية وتالتة ونطق بهمس

عيسى:نوضي النعاسة

(وعلى نفس الوضعية لي داير دخلات بلقيس من الباب مخنزرة فيه ومصدومة ميحسابش ليها يدير هكا خرجات فيه عينيها ونطقات)
بلقيس:الشريف اش كدير هنا داخل على البنت للبيت
دالنعاس واش هانية

عيسى(تقاد فوقفتوا خشا يديه فجيابوا ونطق):ومن بعد ؟؟؟؟
بلقيس:شوف نجيك نيشان هادشي لي درتي مخصوش يدار لاعرفات عائلتها ولا خطيبها غياخدوا عليها نضرة خايبة وخصوصا الشخص لي خاطبها كيعني ليها بزااااف متبغيهش يشوف فيها شوفة ناقصة خرج عفاك بغيت نعس
ومتنساش وئام مربية وماشي ديال داكشي فاش كتفكر

رجع لاح الشوفة فوئام حك ودنيه رمق بلقيس بنضرة حادة وخرج فحالوا من داك البيت مكانش غيخرج ولاكن التصرف لي دار مخاصوش يديروا خصوصا وهو فالدار

سدات بلقيس الباب وراها وغير ضارت وهي تبان ليها وئام جالسة مربعة رجليها حطات يديها على قلبها ونطقات بفزع
بلقيش :بسم الله الرحمن الرحيم ياك كنتي ناعسة؟؟

وئام(نفخات شفايفها قلبات عويناتها من عليها ونطقات):من نيتك؟؟؟؟
بلقيس:اش قال ليك؟؟؟

وئام:والوا قولي ليا نتي لي اش قلتي اشمن خطيب؟؟؟؟

(ضورات عويناتها ببرائة وقربات لعندها بهدوء حتا جلسات حداها حكات وديناتها ونطقات بهدوء وكأنها مقايلة والوا
بلقيس:قلت للعائلة بيلا خطبك شي واحد وغدا ان شاء الله غيجي عندك هو وعائلتوا

(خرجات فيها عينيها وفالبلاصة بدات تقرص فيها وتولول )
وئام:أويلي اش درتي اشمن خطوبة وأشمن زمر

معرفتش اشنوا المشكل كنبقا نحط ليبارت وكينقصوا ليا منها

ردات ليها فخاضها حمرين بالقريص وبلقيس غير كتطلب وتقول ليها بعدي مني والله ما نعاود ووالوا مابعدات منها تا بردات غدايديها تناكروا تا عياوا وفالأخير كل وحدة شدات بلاصتها باش تنعس بلقيس بالزربة نعسات أما وئام الليل كامل وهي فايقة ومرة مرة كتنزل ليها الدمعة وكتمسحها بالزربة

فالصباح بكري دوشوا لبسوا عليهم دغيا فطروا غير فالكوزينة دازوا لعند مهى طمنوا عليها وخرجوا فحالهم ركبوا فطونوبيل بلقيس حتاش وئام مجابتش طنوبيلتها

وئام:اش غديري اليوم؟؟؟؟
بلقيس:نوصلك نتي بعدا عاد نرجع
لدارنا اليوم عندي روبوا

عيقت هاد المدة بزااف غيمشي حتى يجري عليا مول الشركة هاني فين قلتها ليك ونبقا الله كريم

وئام:هههه يجري عليك حميمقة نتي والله....واش هذا بعدا مزوج؟؟؟
بلقيس:موحالش والله ماعرفت مكنشوفوش بزاف
وئام:عمرك تصادفتي معاه؟
(كسيرات بطنوبيلتها خارجة من وسط الفيلا شافت فوئام ونطقات):عمر عيني جات فعينوا كنشوفوا غا من بعيد ولاكن السيد زوين الصراحة

وئام:هاااح شحال يكون عندوا من عام زعما؟؟؟؟

بلقيس:كدا وربعين عرفتي فاش يالاه خدمت فالشركة بديت نقول زعما ميوقعش ليا كي كيوقع فالمسلسلات التركية المدير ديال الشركة يبغي موظفة عندوا ولاكن داكشي مكاينش باينة مصاحب مع شي تيتيزة

وئام:ومالك نتي اش خاصك؟؟؟؟؟
بلقيس:غا قلت اصاحبتي
وئام:اش وليتي درتي مع داك عز العرب ولا مانعرف؟؟؟
بلقيس(تنهدات ونطقات):فشكل داك السيد كتر من سيمانة لي دازت عمروا سول والا صيفط حتى مساج ومخليني vu
من الفوق ممسلكنيش اختي غير يركب فيا الاعصاب كتر ماهوما راكبين
وئام:يمكن يكون مكيهزش التيل اصاحبتي
(ضحكات بهدوء ونطقات بسخرية):ههههه كاين أصاحبتي فهاد الزمان لي مكيهزش التيل كتر من سيمانة راه بزاف أصاحبتي

وئام:اش نقول ليك يدير الله خير وصافي نتي راه ما شاء الله ماخلا ماجا فيك وعمرك شفتي فشي واحد من قبل هذا جاني العجب مني هضرتي ليا عليه باينة عاجبك مي شي حاجة فيه مقلقاك

بلقيس:تماما الله يرضي عليك كتفهميني

وئام(بهدوء):ضروري
بلقيس:اجي فين نديك واش لداركم؟؟؟
وئام:لا عند جداتي ومتقولي لحد فين أنا مبغيت حد يصدعني

بلقيس:كوني هانية ياك لي عندها الفيرمة لي كاينة فالخرجة دأكادير

وئام:شوف تانتي على سؤال علاه شحال عندي من وحدة؟؟؟التانية الله يرحم

بلقيس:امين راه غير باغا نتأكد مالك

(بقاوا مني منك مني منك خرجات من المدينة وبقات سايقة لمدة حتا دخلات مع واحد الطريق خاوية غير الخلا والقيفار فين كاينة وصلاتها لواحد الفيلا وسط واحد الفيرمة وقلبات أدراجها راجعة من ديك الطريق بعدات مسافة على الفيرمة حتى كتوقف بيها الطونوبيل فداك الخلا