ذات عيون الريم🍷مكتملة🍷

🍷الجزء 43🍷

الجزء 43🔥❤🔥🥁🎶🎶✨🎺✨🎺✨🎺✨🥁🔥🥁❤🥁❤🥁✨🌪🍷

عض على شفايفوا بسفالية حيد داك التيشورت حتى بقا من الفوق عاري وهوا يقرب لعندها ونيشان لصق عليها من اللور حتى حسات بداكشي قاصح عند ترمتها وهي تخرح عينيها حط يدوا بجوح على ترمتها عاصرها ليها وهو يهز يدوا تال السماء ونزل عليها بيها حتى تهزات من بلاصتها مبعدة عليه وبدات تحك عليها غير ضارت كتشوف فيه مخرجة عينيها وهو ينطق
عز العرب:ماشي وقيتة هاد التكو*يزة أمو عوينات خلي حتا نسرحوا الطريق

(بقات غير كتبرق فعينيها ومرة مرة ضورهم مع صدروا عطاتوا بالضهر وتبسمات عاجبها ومحمقها بزاف هزات المكياج وبدات تماكي حتا سالات رشات البارفان ديالها وركبات دهوباتها لبسات شربيل ودارت خلخال فرجيلاتها شافت فراسها هي هاديك نفخات شعرها بيديها وتمات خارجة كتعرج وعينيه عليها وقبل تحل الباب نطقات
بلقيس:أنا كنساينك برا

(خرجات دغيا بدلات للوليد حوايجوا وهزاتوا ضاماه لصدرها حتا خرج عز العرب بجابادور فالزرق جا كيحمق القلوبة خرجوا من عينيها قرب تا وصل قدامها وعينوا فعينيها نزل باسها من حنكها وتحنا باس ولدوا وهو يشدها من خصرها مزيدها حداه نزلوا بالشوية مع الدروج مراعي ليها عارفها مقصحة بزااااف  ومع كيوصلوا للصالة الكبيرة حتى كيتحلوا عينيهم عليها شابكات يديها مع يدوا وتموا داخلين وكولشي كيشوفها كيف ضامة الولد لصدرها وهو كيلعب بيديه تم بقاوا مدهولين مشات بالشوية جلسات فواحد القنت وهو يجلس جنبها نيشان ومع كانت غا العائلة قرروا يتجمعوا فصالون واحد فردوس وعزيز تبسموا عاجبهم الحال عارفين بنتهم مرأة وقادة وخلاص رحمة مع راجلها حمقاتها بلقيس وكولشي فيها هبلها شافت بلقيس فواليديها وهي تبسم ومع بغات تنوض لعندهم باش تسلم عليهم حتى كتحس بيدوا زيرات على ترمتها شافت فيه وهو ينطق
عز العرب:فين نايضة الشريفة؟؟؟
بلقيس:نسلم على بابا وماما
(حرك ليها غا براسوا وهي تنوض غادة لعندهم وحاولات ما أمكن تزيد عادي حتاش حشمات من باها مع وصلات حداهم وهي تبدا كتعنق فيهم واليد التانية فيها الوليد كيفرنس وكأنه مسكين عاد حس بحنان الأم لي مفتاقدوا شهور هادي جلسات وسطهم وهي تنسا راسها تهضر مع مها وتهضر مع باها وضحك مع الوليد وهو عينوا عليها كيقول هنا تعيق هنا تعيق وااالوا تا شافت فردوس شوفاتوا لبلقيس وهي تقرصها لفخضها تا شافت فيها ونطقات
فردوس:نوضي جلسي حدا راجلك
(ومآت ليها براسها ورجعات جلسات حداه حتا كيطلع يدوا مع ضهرها وهو ينطق)
عز العرب:نسيتي راسك الشريفة؟؟؟؟؟؟
بلقيس(مجاوباتوش بقات كضور فعينيها حتى استقروا على وحدة كانت كترمقهم بنضرات شيطانية بلعات ريقها وكأنها حسات بالخطر شافت فيه لقات عينوا فالتيل رجعات شافت فنفس البنت حتا كتلقاها كدير شي اشارات مفهمات فيهم تا لعبة

تعشاوا مجموعين والبنت مبغاتش تحيد عينيها من على بلقيس ناضت ودعات عائلتها وتمات طالعة وعز العرب حداها غادي معاها دقة دقة تا وصلوا للبيت حطات الوليد فالكوشة حتاش نعس وهي دخل لبيت التبدال بدلات عليها و لبسات بينوار مقطن  حتاش الرعدة شداتها دخلات للحمام غسلات سنانها ووجها وبقات بجمالها الطبيعي وغير خرجات للبيت وهي تلقاه متصطح فبلاصتوا هز فيهاا العين من بعد ما كان خاشيهم فالتيل وهو يتبع ليها العين حتا جات حداه تصطحات فبلاصتها وهو يمد يديه وجرها لعندوا معنقها حطات راسها فعنقوا وعينيها فتيليفونوا لقاتوا داخل للفايس كيتفرج فالأخبار ومع معندهاش مع الاخبار ماقدات تقول والوا وماحاساش براسها واش دايرة فيه بأنفاسها الساخنة لي كيضربوا فعنقوا بقات متبعة معاه شحال حتا بدا يديها النعاس وهو ينطق
عز العرب:باغا تنعسي ياد النعاسة؟؟؟
بلقيس:كنعس بكري (سكتات شوية ورجعات نطقات)أنس شحال عندوا من شهر؟؟؟؟
عز العرب:8شهور
(وبلاما يحس نطق)نهار ولداتوا مو وقع ليها مشكل فالولادة وهي تقاس ليه واحد البلاصة قريبة بزاااف للعمود الفقري وتا فاش جاوا يخرجوا الرجلين وقع ليها اشكال داكشي باش تزاد
(ناضت مقابلة معاه وحاطة يديها على الفراش وهي تنطق بتساؤل):ومافكرتيش دير ليه عملية
عز العرب(بهدوء): خديتوا لأحسن طبيب فكازا قال ليا العميلة غتكون من هنا ل 6
شهور ولاكن نسبة نجاح العملية ضئيلة بزااااف تقريبا بنسبة 2 فالمية حتاش القضية فيها العمود الفقري
(حسات بيه بدا يتنيرفا وهي تقلب الموضوع دغيا وبدات ضحك ولي شافها وهي كتهضر ميقولش هادي هي بلقيس القويصحة كون شافتها بنت عمها لي كانت توصي فيها على حلاوة اللسان تشد الركنة السيدة مكتلوح الكلمة حتا تعبرها مزيان والص&وت  المز*مول باش كتهضر خلاوه يق*يم عليها فداك الليل لي شافها يقول معلمة حلاوة اللسان عند الشيخة ندى حس براسوا تزير وهو يعنقها عندوا ونطق
عز العرب:نعسي أبلقيس نعسي بلاما نصدقوا معاودين ليلة الدخلة فهاد الليل
(بدات تبرقق فعينيها وهي تلبد وغير حسات بيه بدا ينعس وهي تنطق)