ذات عيون الريم🍷مكتملة🍷

🍷الجزء 14🍷

✨🍷الجزء14🍷✨
❤🍷ذات_عيون_الريم🍷❤
Hermosa El & Nour Qamar
في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟

فآخر رواق من المستشفي وفي آخر غرفة من الممر.... كانت الغرفة مظلمة شيئا ما هدوء مريب كينبعت منها.... فقط صوت جهاز دقات القلب وانفاسها المتعبة....

كانت ناعسة على السرير شعرها الأشقر مبعتر على الوسادة تلقائيا وجهها زرق بالكدمات عينيها منفوخين وشفايفها بيضين ولحمها أصفر شاحب كانت أشبه بجتة غادراتها الروح . جهاز تنفس على فمها ونيفهااا كيعطيها التنفس الإصطناعي.... النفس لي مابقاتش قادرة تنفسو طبيعي من بعد ديك ليلة الكحلة....الليلة المرعبة لي كانت أبشع من الكابوس بنفسوا كانت أكفس حاجة تعيشها وتشوفها على الإطلاق

دقات قلبهاااا غادة وكتزاد وجهاز قياس النبض بدا كيعطي إشارات على تسارع دقات قلبهاااا وكأنها كتشوف شي كابوس خلا تنفسها يختل.. شفارها بداوا يتحركوا بسرعة حتا تحلوو دقة وحدة فالصقف .... رمشات بهدوء فالغرفة أشعة الپولة عماوها فعينيها ورجعات سداتهم عاد فتحاتهم من أول وجديد ضورات عينيها كتستكشف فين كاينة تواني وهي غيررر كتحاول تستوعب فين هي نزلات نظرها لايديها كيبان ليها سيروم لي معلقين ليها فيديها شوية بشوية كتستوعب صوت الالة طبية لي حداهاااا.....كانت وكأنها فاقدة الداكرة كتعامل بطريقة غريبة

بغات تحرك ايديها مقدراش بغات تنوض وهي تحس بألم رهيب تحت رجليهااا ألم كبير بحالا ضربها الضوء
سدات عينيها وهي مزيرة عليهم بزز من شدة الألم لي كتحس بيه جسمها كلو مضرور....كل إنش من لحمها كيضرها رجعات غمضات عينيها

غير تسدو بدات ذكر كاع لي وقع فليلة أمس شافت راسها قدام عينيها وهي كتغتا&صب بأبشع طريقة من شخص كان عزيز فواحد الفترة من حياتها.... ترسمات ليها ديك ليلة بكل تفاصيلها الصغيرة قبل الكبيرة... زيرات على لحاف سريرها وهي كتفكر كيفاش كان كيضربها وكأن الكاا&&رتة مناش دازت كتعاود من أول وجديد. كل صورة كتبان ليها كتزيد تزير على داك اللحاف... كاع احدات ديك ليلة قدرت تفكرهم.... من كتر قسوة داكشي لي تفكرات حلت عينيها ماباغاش تكمل فالمشهد للمرعب.... بغات تهضر تغوت.... مقدرتش الاحبال صوتية ديالهاااا تضرروا كتهضر ولكن صوت والووو مقدراش تقبل كتغوت بحر جهدها ومكيتسمعش غير انينهااا بدات كتركل بايدهااا ورجلهاااا بكل قوة دقات قلبهاااا بدات كدق بوتيرة سريعة

دخل عيسى مع الباب بالزربة وفيديه إبرأة قرب لجيهتها ودكها ليها فعنقها عارف غتكون تصدمات بانت ليه بدات تقلب فعينيها وغير تواني قليلة حتا نعسات من أول وجديد تنهد ومسح على شعروا ختوا قداموا كضيع محاملش يشوفها هاكا ديما كيعجبوا يشوفها ديك البنت الضحوكية المتفائلة لي عزازين عليها المغامرات نزل باسها فجبهتها شاف فالممرضة لي قداموا ونطق
عيسى:ردي ليها البال
(ومآت ليه براسها وهو يخرج شاف عائلتوا كيشوفوا فيه يخوف وهو ينطق مطمنهم باش ميخلعهمش)
عيسى:كولشي مزيان مكاينش مناش تخافوا
تخطاهم ماقاد يسمع تا سؤال منهم)
ومع جا ناوي يدخل للمكتب ديالوا حتا كيسمع صوت حنين كيناديه

&&&&&
:
!!!!عيسى

تبسم بهدوء قبل مايضور لعندها كان محتاج وجودها معاه تنهد جمع التبسيمة وقوص حواجبوا وضار لعندها ونطق بهدوء

عيسى:وئام بيخير؟؟؟؟
(هزات راسها بهدوء ولمعة ديال الدموع كتبري فعينيها قربات لعندوا بخطوات تقيلة وغير وصلات قداموا وهي تعنقوا حركة كان عارفها غديرها حافضها مزيان لدرجة الهضرة قبل ماتنطق بيها ولا يعرفها بعدات عليه بالشوية كتمسح فدموعها وهي تنطق

وئام:سمحو ليا مجيتش البارح عاد وصلاتني الخبار من عند بلقيس صونات ليا البارح ولاكن كنت خارجة

(بلع ريقوا مني سمع الكلمة الآخرة لي قالت وهو ينطق)
معامن خرجتي؟؟؟؟

وئام:مع ماما وصافي
بقات كتشوف فيه شحال وهو كدالك مزاحش نضروا من عليها عارفها كتقراه بهاد الشوفات وكتعرف من الشوفة اش ضاروا قربات ليه وهي تشد ليه فيديه ونطقات بصوت حنين
وئام:متخافش كولشي غيويلي مزيان رخف على راسك شوية مكتاب الله معندنا مانديروا