" كنّك وطن لا غبت عنّك تغربت"

الشخصيات

حللتم أهلاً ووطئتم سهلاً 🦋🤍

"كنّك وطن لا غبت عنّك تغربت" ليست أول روايه أكتبها لكن هي أول روايه أتجرأ وأقوم بنشرها مش لأني مو واثقه من صلابة وقوة القصه والمحتوى لكن لعدم ثقتي بالجمهور القارئ أنه ممكن يُعجب بما كتبت ولا اتلقى الدعم الكافي لمشعل الحماس للمواصلةالكتابه، أغمروني بحبكم ودعمكم💕
أتمنى تكون خفيفه ولطيفه على قلوبكم الصغيره🦋

الشخصيات بشكل مفصل " الشخصيات الخاصه بالروايه" تقدر تسوي سكب وتروح للبارت الأول إذا ودك تتعرف عليهم بنفسك👍🏻

" أهم الشخصيات"
ديرة الشيخ رعد
بيت الشيخ رعد
الشيخ رعد : رجل حازم ومسؤول وأهم شي عنده سمعته بين الناس ونصوح دايم لأهل الديره كلها وبالذات أخوه يحب زوجته ويعزها ويحترم عياله ومهتم بتربيتهم وعنده ثلاثه أخوان " ثنيان ومحمد وموضي"
الهنوف : زوجة الشيخ رعد ، حنونه وقلبها طيب وإذا حست بالقلق تمرض تداري أطفالها لكن إذا فقعوا قلبها تستلمهم وترجع تندم تحب ريم كثير وتعتبرها أختها
أويس : متهور ياخذه الحماس وما يفكر قبل ما يسوي شي أو يقول شي أغلب وقته مع أخوياه بس يدخل البيت عشان يحارش خواته ويطلع عمره " ٢٣"
ملاذ : حركتها واجد وماخذه شوي من صفات أخوها هي الي تاخذ دور المهرج وقت الجمعات والكل يحب ذباتها تحب كنان من صغرها عمرها " ١٧ "
يقين: أصغر وحده فالبيت هاديه ونادر يرتفع صوتها وإذا ارتفع الكل يدري أنها تتهاوش مع ملاذ تحب التطريز ويروح اغلب وقتها وهي بين الخيوط والأبر عمرها "٩"
موضي " أخت الشيخ رعد " : أرمله مات زوجها لما كان في خلاف بين قبيلتين وراح ضحيه فيها وفاتحه دكان في طرف الحاره وتخلي ولدها يمسك الشغل وساكنه في غرفه جنب بيت الشيخ
سيف" أبن موضي " : يحب أمه ويعزها ولو تطلب عيونه بيعطيها ويعتبرها قدوته بكل شي بحكم أنه ما عرف أبوه أو جلس معه، طول وقته فالدكان ما يحتك بشباب الحاره واجد عمره " ١٨ "
محمد " أخو الشيخ رعد " : ساكن فالمدينه ويزور الديره بين فتره وفتره أو فالمناسبات بس وماسك تجارته الخاصه وفاتح مكتب للحج والعمره وكل وقته بين أشغاله " بتتعرفون على عيلته في سرد الروايه لأن مارح يكون لهم حضور قوي "
بيت ثنيان
ثنيان " أخو الشيخ رعد": عصبي ولا عنده أخلاق ولا خلق ونرجسي يحب نفسه ويحب يكون تحت الأنظار دايما ، يكره البنات وحريص أن ما يكون فبيت أي بنت لأنه يشوفهم " عار وجالبه للمصايب "
ريم " زوجة ثنيان " : أنسانه واثقه من نفسها ومرت بضروف كثيره قوة شخصيتها ، ماتو علبها ثلاث بنات لأسباب مجهوله ، قلبها قوي ونقطة ضعفها بنتها " كنان " تداريها برمش عينها وحريصه تكمل خطتها ألين يرتاح قلبها " بتعرفون الخطه مع سرد الروايه "
كنان " البطله ": توأم لولد مات مندون علم أبوها، وربتها أمها فالديره وبين الناس على أنها ولد عشان لا يدري أبوها ويذبحها أو يسوي لها شي ، خجوله وقليلة الكلام وتحب تجلس بالوادي على الشجره حقها الي سمتها " الرنا " مع الخيل " آسر" ألي تربى معها وجاها هديه من عمها الشيخ رعد ، تربت مع ولد عمها أويس وخليل ووليد وتعتبرهم أخواياها بحكم أنها ما أحتكت بأحد غيرهم عمرها " ١٩ "
بيت أبو خليل
أبو خليل : يدور الزله من أهالي الديره بس عشان يروح يتشكى ويغار من بيت الشيخ رعد ويسوي الي يقدر عليه عشان يسوي مشاكل مع الشيخ رعد وأهله
أم خليل: ماخذه من طبايع زوجها ولقبها بالحاره "فتنه" تحب تحارش بين الحريم والأطفال والكبار والرجال والبنات حرفيا ما تخلي أحد في حاله حتى أهل بيتها تفتن بينهم ولسانها طويل محد يقدر عليها
خليل : عنده اخت مالها حس ولا خبر ومتزوجه لديره بعيده، مزحه ثقيل ومحد يطيح بيده كثر أويس ، يحب ملاذ وده يخطبها وهو المسؤال عن مزرعة أبوه وإذا ما لقيته روح دوره للمزرعه عمره " ٢٢ "
وليد : يتيم وعايش مع جدته ويعتبر العاقل فالحارة يهتم لأخوياه ويهتم لكنان مره أكثر من الباقي ويعتبرها أخوه الصغير ، ما يحب المشاكل ويحاول يهرب منها بأي طريقه عمره " ٢٤"
أم محمد : الممرضه حق الحاره والحارات المجاوره ، لطيفه وتعتبر بير الأسرار حق الحاره وهي الوحيده الي تعرف باسر حق ريم وأكثر وحده تعزز لها مها ولد أسمه محمد " ماله دور قوي فالروايه "
...
ديرة الشيخ حمد :
الشيخ حمد : زوجته ماتت بعد ما جابت ليال رجل متعاون ويحب الخير ويحرم دايما أن أهل حارته مرتاحين قبل ما يكون مرتاح ويحب بنته ليال ويخاف عليها لدرجه نادر يخليها تطلع من البيت أو تنام عند أحد
مازن : ماخذ من طبايع أبوه كثير ويحب أخته ويعزها ويعتبرها كل شي يملكه عمره " ٢٣"
ليال : هاديه وقليلة الكلام وتحب أبن خالتها " فيصل " عمرها " ١٨"
بيت تميم
تميم : حاله حال نفسه وعياله وزوجته وأي ذدشي يقوله الشيخ حمد يقول تم وأول داعم له وحريص يترك أثر طيب في أي مكان يجلس فيه
مزنه " زوجة تميم ": لسانها معسول وتحترم زوجها كثير وعندها خوات " الهنوف أم أويس ورقيه أم ليال "
فيصل "البطل " : ماخذ من طبع أبوه شوي لكن أجتماع ويحب يحتك فالناس محبوب أهل الحاره وحلمه يفتح شغله الخاص ويعيش فالرياض عمره " ٢٣"
غزلان : كثيرة الكلام وراعية واجب تحب الجمعات بالذات إذا ملاذ موجوده ، مخطوبه على أيهم عمرها " ١٨"
العنود : بنت أخو تميم ماتوا أمها وأبوها وهم مسافرين على مكه وتكفل عمها تميم بتربيتها وعمرها سته شهور وتعتبر أخت غزلان وفيصل بحكم أن مزنه رضعتها قبل ما تكمل سنه عمره الأن " ١٩ "
أبو ليث : عصبي وحاد مع أهله لكن بين الناس مافي احسن منه ويضرب عياله عالرايح والجاي
أم ليث : مسكينه وشخصيتها ضعيفه وتخاف من زوجها وما تتكلم كثير حتى وجودها فالعالم محد يدري عنه من هدوئها
ليث : شخصيته مهزوزه بسبب أبوه ودايم فكره سرحان ومحد يدري بأيش سرحان يحب يقعد مع فيصل وأيهم بس عشان يهرب من عتاب أبوه عمره "٢١"
خلف : يتهاوش مع أبوه دايم وما يسكت عن حقه وإذا اختفى يدرون أنه هج عند جدته أم أبوه يحتمي فيها عمره "١٧"
رحمه : الدواج حق الحاره ما ترتاح إذا جلست فالبيت ما تخلي بيت إلا تدخله وتجلس معهم عمرها "١٦"
أم أيهم : أختفى زوجها قبل ٢٠ سنه ولا أحد يعرف وين أرضه من سماه والكل فقد الأمل أنه يرجع لكن هي مصره أنها تتزوج وتجلس مع أبنها
أيهم : يجلس مع أمه أغلب الوقت لكن إذا طلب الشيخ حمد شي هو أول واحد من الشباب يلبي عمره " ٢٠ "
الدلال : كل أسبوع يجيب بضاعه من السوق ويمر عالحارات ويبيعها على حريم الحاره وأي حرمه ما عندها أحد يروح السوق " سوق الجمعه" وتبي شي من السوق تطلبه ويجيبه لها لما يمر عالحاره مره ثانيه
ممكن تطلع شخصيات جديده خلال سرد الروايه لكن مارح يكون لهم دور قوي فقط شخصيات مسانده لا أكثر
الروايه كامله من تأليفي
لا اقتبس من روايات او افكار اخرى
الروايه كامله اجتهاد شخصي مني