"အိမ်ရှေ့စံကို ပထမဦးစွာ နှုတ်ခွန်းဆက်သပါတယ်
ဘယ်ဂွန်းနိုင်ငံရဲ့ တတိယမြောက် ဝီဒယ်မင်းသားနှင့် အဖွဲ့ကို ကျွန်တော်မျိုးတို့ ဟယ်ဟွာ အဖွဲ့ဝင်မှ အနောက်ပြည် နယ်စပ် မန်ဂျို တွင် တွေ့ရှိခဲ့ပါတယ်
ထို့ကြောင့် လိုက်လံစုံစမ်းကြည့်ရာ မန်ဂျိုမြို့စားနှင့် လူချင်းတွေ့ခဲ့ပြီး ရင်းနှီးနေကြောင်း သိရှိရပါတယ်
အကယ်၍များ ဝီဒယ်မင်းသားမှာ ဘယ်ဂွန်းပြည်နှင့် မင်မင်းကြီးအပေါ် ပုန်ကန်ပြီး အနောက်ပြည်နဲ့ ပူးပေါင်းကာ အိမ်ရှေ့စံကို အန္တရာယ်ပြုမှာ စိုးရိမ်မိပါတယ်
-ဟယ်ဟွာဦးစီး-"
စာစောင်ကိုကြည့်ပြီး အိမ်ရှေ့စံယွန်းဂီနှင့် စစ်သူကြီးနမ်ဂျွန်းမှာ ကြိုဆိုပွဲပြီးပြီးချင်း ခေါင်းချင်းဆိုင်နေကြသည်။ ဝီဒယ်မင်းသားဟာ စစ်သူကြီး ခန့်မှန်းထားသည့်အတိုင်း အနောက်ပြည်နှင့် အဆက်အစပ် ရှိနေပြီး ထိုကိစ္စကို ဖုံးကွယ်ထားပုံ ရသည်။ အခေါက်ခေါက် အခါခါ ဖတ်အပြီးမှာတော့...
" မင်းပြောတာ မှန်တယ် နမ်ဂျွန်း... အကိုတော် ဝီဒယ်က အမဲလိုက်ပွဲကို အကြောင်းပြပြီး မန်ဂျိုမြို့စားနဲ့ မဟာမိတ် ဖွဲ့နေတာဘဲ၊ အဲ့ကနေတစ်ဆင့် ဘုရင်ခံဆီ ရောက်သွားမယ် ထင်တယ် "
" ကျွန်တော် တွေးနေတာ အဲ့တာမဟုတ်ဘူး ဟျောင်း၊ ဟယ်ဟွာက ပို့လိုက်တဲ့ ဒီသတင်းကို ယုံလို့ရော ဖြစ်ရဲ့လား ဆိုတာဘဲ၊ စာထဲမှာ ပြောထားပုံအရ မန်ဂျိုမြို့စားနဲ့ ဝီဒယ်မင်းသား တွေ့ကြတာကို ဟယ်ဟွာဦးစီးက ကိုယ်တိုင်တွေ့ထားတာ မဟုတ်ဘူး...
.
ပြီးတော့ မေးစရာရှိတာက ဘာလို့ ဟယ်ဟွာအဖွဲ့ဝင်က မန်ဂျို ရောက်နေတာလဲ? ကျွန်တော် အစိုးရိမ်လွန်နေတာ ဖြစ်နိုင်ပါတယ်၊ ဒါပေမယ့် ဝီဒယ်မင်းသားက မဟာမိတ် ရှာတာမဟုတ်ဘဲ ဟယ်ဟွာက မဟာမိတ် ရှာတာဆိုရင်ရော? အဲ့တာဆို- "
" စစ်သူကြီးကင်မ် နမ်ဂျွန်း? "
စကားပြောနေရင်း တန်းလန်းမှ အိမ်ရှေ့စံ၏ ရာထူးတပ်ပြီး နာမည်ခေါ်မှုကြောင့် နမ်ဂျွန်းမှာ ပြောလက်စကို ချက်ချင်းရပ်လိုက်ပြီး ကျောပါမတ်သွားမိသည်။ နမ်ဂျွန်း မော့ကြည့်မိတော့ မျက်နှာတည်နေသည့် အိမ်ရှေ့စံက အကြည့်နှင့်ပင် ဆက်မပြောရန် တားမြစ်နေသည်။
YOU ARE READING
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
