အချိန်သည်ကား မှောင်ရီပျိုးချိန် ညနေစောင်း...
သဲသဲကွဲကွဲ မမြင်ရသော မြို့စား၏ အိမ်တော်ဘေး လမ်းကြားလေးထဲ ယွန်းဂီတို့လေးယောက်မှာ ရုပ်ဖျက်ထားပြီး မလှုပ်မရက်နှင့် အခြေအနေ ကြည့်နေကြသည်။ ထောက်လှမ်းရေးမှုးယန်း၏ ပြောစကားအရ ခဏနေဆို မန်ဂျိုမြို့စား ဖန်ရှီက အိမ်တော်ထဲက ထွက်တော့မှာပင်...
" အိမ်ရှေ့စံ... ဟိုမှာ ထွက်လာပြီ "
ထောက်လှမ်းရေးမှုးယန်း၏ စကားအဆုံး ဝေါယာဥ်ကိုစီးပြီး အပြင်ထွက်လာသော မြို့စားကို မြင်လိုက်ရသည်မို့ သူတို့လေးယောက်လုံး ခဏမျှ အသက်ရှုအောင့်လိုက်မိသည်။ အရေးကြီးကိစ္စထင်သည်၊ အစောင့်အကြပ်များစွာနှင့်... အိမ်တော်ထဲကို ခိုးဝင်မည့် ယွန်းဂီတို့အတွက်တော့ ဒါဟာ အခွင့်အရေး...
" ဒီလမ်းပါ အိမ်ရှေ့စံ "
ခပ်ဝေးဝေးကိုရောက်သွားသော ဝေါယာဥ်ကြောင့် ထောက်လှမ်းရေးမှုးယန်း၏ ဦးဆောင်မှုနှင့်အတူ ယွန်းဂီတို့မှာ အိမ်တော်၏ နောက်ဖေးပေါက်သို့ မြန်မြန်လေး ဦးတည်လိုက်ကြသည်။ ထောက်လှမ်းရေးမှုးယန်း၏ သူလျှိူက အိမ်တော်ထဲ ရှိနေမှာမို့ အဝင်လမ်းကတော့ သူတို့အတွက် သိပ်မခက်ခဲ...
" စာအုပ်က မြို့စားရဲ့ အိပ်ခန်းထဲမှာပါ အိမ်ရှေ့စံ... အတွင်းလူက အစောင့်ရှင်းတဲ့အချိန်ကို အချက်ပြပါလိမ့်မယ်... အဲ့ဒီအခါ သွားဝင်ရှာရင် ရပါပြီ "
နေဝင်ရီတရောအချိန်ပေမို့ မီးမရှိသော အိမ်နောက်က အခန်းလေးထဲတွင်တော့ သူတို့လေးယောက်၏ ရုပ်ဖျက်ထားမှုကြောင့် ရှိမှန်းတောင် မသိရ... တအောင့်မျှ ကြာတော့ ရုတ်ရုတ်သဲသဲ အခြေအနေနှင့် ခြေသံကျယ်ပေါင်းများစွာ အိမ်ရှေ့ကို ဦးတည်သွားကြောင်း ခံစားလိုက်ရသည်။
" အခုဘဲ အိမ်ရှေ့စံ... အိပ်ခန်းကို လမ်းပြပေးမှာမို့ ကျွန်တော့်နောက်က ဂရုတစိုက် လိုက်လာပေးပါ "
ယွန်းဂီ၏ ခေါင်းငြိမ့်ပြမှုအဆုံး ထောက်လှမ်းရေးမှုးယန်း၏ ဦးဆောင်မှုနှင့် သူတို့လေးယောက်လုံး အိပ်ခန်းသို့ ခြေဖွနင်းသွားကြသည်။ ယွန်းဂီစိတ်ထင်တော့ သူတို့လာတာမသိရလေအောင် အတွင်းလူဆိုသူက ပြဿနာနှင့် ရုတ်ရုတ်သဲသဲ အခြေအနေကို ဖန်တီးလိုက်သည်ထင်...
YOU ARE READING
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
