ညသည်ကား အေးချမ်းသာယာပြီး တိတ်ဆိတ်နေသလောက် အခန်းငယ်လေးထဲက လူနှစ်ယောက်၏ ရင်ထဲတွင်တော့ အပူအပင်များစွာနှင့် တမြေ့မြေ့ ဆွေးနေသည်။ ယမကာရည်၏ အရှိန်ကြောင့်လည်း ပါမည်။ အခန်း၏ အပူချိန်မှာ အနည်းငယ်ပင် မြင့်တက်နေသေးသည်။
ဘေးချင်းကပ်ထိုင်နေသော လူနှစ်ယောက်၏ အလယ်တွင်လည်း ယမကာအိုးအပြင် အပြာရင့်ရောင် အင်းပြားတစ်ချပ်က နေရာယူထားသည်။ ထိုပစ္စည်းသည်က နတ်ဆရာမဂိုဟန်ပေးခဲ့သော အစီအရင်ဆိုသော အရာ... လာခဲ့တဲ့နေရာကို ပစ်ချလိုက်တာနဲ့ အစီအရင် အောင်မြင်ပြီတဲ့...
" မင်း တကယ်ဘဲ အနာဂတ်ပြန်မှာလား ဂျောင်မျိုးနွယ်? "
ခပ်တိုးတိုး ထွက်လာသော အိမ်ရှေ့စံ၏ စကား... အရက်လေး ဝင်ထားသော ဟိုဆော့မှာတော့ မူးချင်ချင်ဖြစ်နေသည့်တိုင် အရာအားလုံးကို ပြတ်သားစွာ ကြားနေရဆဲ... မူရာကီ ကောင်လေးက မရှိ၊ စျေးမှာစောင့်နေတဲ့လူက ညနေအထိရောက်မလာတာမို့ လိုက်ရှာနေသည်။
" ကျွန်တော်လည်း မသိသေးဘူး အိမ်ရှေ့စံ... ကျွန်တော့်စိတ်ထဲမှာ မရေမရာဖြစ်နေတယ် "
အရက်တစ်ငုံသောက်ရင်း ဟိုဆော့ပြောတော့ အိမ်ရှေ့စံက မဖွင့်ထားသည့် မျက်လုံးနှင့် ခေါင်းငြိမ့်ပြသည်။ အရက်အရှိန်ကြောင့် ပါးပြင်လေးတွေ နီရဲနေပါသော အိမ်ရှေ့စံမှာ ဟိုဆော့မျက်လုံးထဲ တစ်မျိုးတစ်မည်လေး ထူးခြားနေ၏။ ဒါကို ဘယ်လို သိသာအောင် အဓိပ္ပါယ် ဖော်ရပါ့...?
" အဲ့ဒီမှာ ပျော်စရာကောင်းလား ဂျောင်မျိုးနွယ် မင်းရဲ့ အနာဂတ်မှာလေ...? အဆောက်အဦး အကြီးကြီးတွေ၊ ပုံစံဆန်းတဲ့ ဝတ်ပုံစားပုံတွေ၊ ငါမသိသေးတဲ့ အခြား အကြောင်းအရာတွေ... သေချာ စဥ်းစားကြည့်တော့မှ မင်းအကြောင်းကို ငါဘာမှ မသိသေးတာဘဲ "
ယွန်းဂီမှာ ပြောရင်းဆိုရင်း ယမကာခွက်ကိုသာ အကုန်မော့ချလိုက်သည်။ သဘောကျနေပြီဆိုတဲ့ သူ့စိတ်ကို သေချာသိပါမှ ကံကြမ္မာက ရက်စက်ပြန်ပြီ၊ မဟုတ်၊ နတ်ဆရာမက ရက်စက်ပြန်ပြီ။ သူ့မှာ ကြိုးတောင် မကြိုးစားရသေးဘဲ လက်လွှတ်ရတော့မည်။ ဘယ်လိုများ ဖြေဆည်နိုင်မည်နည်း?
YOU ARE READING
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
