" သွားပါ ကင်နမ်ဂျွန်းရယ်... ငါက ကလေးလား? မနက်ဖြန်ဘဲ ဆေးရုံက ဆင်းတော့မှာကို၊ သွားပြန်နားစမ်းပါ... သွား "
ယခုတွင်တော့ ဟိုဆော့မှာ အိမ်မပြန်ဘူး လုပ်နေသော ကင်နမ်ဂျွန်းအား မောင်းထုတ်နေရခြင်း၊ ထယ်ယောင်းရဲ့ ကော်ဖီဆိုင် သွားဆိုတော့လည်း ထယ်ယောင်းက သူ့နဲ့အဖော်နေခိုင်းသွားလို့ စကားနားထောင်ရမည်တဲ့၊ ရည်းစားစကား နားထောင်တာကျ နှစ်ယောက်မရှိဘူး...
" ဒါဆို ငါစိတ်ချမယ်နော် ဂျောင်ဟိုဆော့... မင်း ထူးဆန်းတာတွေ လျှောက်မလုပ်နဲ့နော်! ICU ထဲက မနေ့တနေ့ကမှ ထွက်လာတာ "
ဟိုဆော့မှာ သိပါတယ်ဆိုသော ပုံစံနှင့် ခေါင်းကို တရစပ်ငြိမ့်ကာ ကင်နမ်ဂျွန်း၏ ကိုယ်လုံးအား အခန်းပြင်သို့ တွန်းထုတ်လိုက်သည်။ နမ်ဂျွန်းစကားကို ခေါင်းငြိမ့်ခဲ့ပေမယ့် နားထောင်မယ်လို့တော့ မဆိုလို... ကင်နမ်ဂျွန်း ထွက်သွားသည်နှင့် ဟိုဆော့မှာ ကောင်တာသို့ လျှောက်သွားသည်။
"ဒေါက်တာအီဟီဆွန်း ဘယ်မှာလဲဟင်? "
" ကျွန်တော် ဒီမှာလေ ဟိုဆော့ရှီ "
ကောင်တာက နာ့စ်မလေးကို မေးနေခိုက် နောက်ကနေ ပေါ်လာသော ဆေးဆရာအီကြောင့် ဟိုဆော့ လှည့်ကြည့်လိုက်သည်။ ရုတ်တရက် ဒေါက်တာဝတ်စုံနှင့် အီဟီဆွန်းအစား ရှေးခေတ်ဝတ်စုံနှင့် ဆေးဆရာအီကို မြင်လိုက်ရ၍ ဟိုဆော့ အလန့်တကြား မျက်တောင်ခတ်မိသည်။
" ဘာဖြစ်လို့လဲ ဟိုဆော့ရှီ? နေလို့မကောင်းဘူးလား? "
သို့ပေမယ့် သူ့အမြင်မှားမှု သက်သက်သာ...
" မဟုတ်ပါဘူး... ကျွန်တော် ဒေါက်တာနဲ့ ဆွေးနွေးချင်တာလေးရှိလို့ အချိန်ခဏလောက် ရမလား ဒေါက်တာ? "
ဟိုဆော့မေးတော့ ဒေါက်တာအီက ပြုံးပြကာ ခေါင်းငြိမ့်ပြီး လူရှင်းသည့် ဆေးရုံဥယျာဥ်သို့ ခေါ်သွားသည်။ ဟိုဆော့မှာတော့ အိမ်ရှေ့စံ ခဏခဏ သွားတတ်သည့် ဘယ်ဂွန်းနန်းတော်က အရှေ့ဘက်ဉယျာဥ်ကို တွေးမိပြီး အိမ်ရှေ့စံကို သတိရမိပြန်သည်။ ဟိုဆော့မှာ သူ့ခန္ဓာနှင့် အိမ်ရှေ့စံစိတ်...
ESTÁS LEYENDO
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
