ပန်းရနံ့တွေ မွှေးထုံနေပါသည့် နန်းတော်၏ အရှေ့ဘက်ဉယျာဥ်... အနည်းငယ် နေသာနေသေးသည့် ကောင်းကင်နှင့် အေးချမ်းနေသော ရာသီဥတုက အရောင်အသွေး စုံလင်နေသော ပန်းခင်းနှင့် လိုက်ဖက်စွာ... သို့ပေမယ့် ယွန်းဂီ၏ ချစ်ရသူ မျက်နှာလေးက ဆူပုတ်လုဆဲဆဲ...
" ဟွာလင်းမင်းသားတောင် ကြင်ယာတော်ကို စိတ်ပူလို့ ဆောင်ကြာမြိုင်ထိ ကိုယ်တိုင် ရောက်လာပြီး ခေါ်သွားတာ... အိမ်ရှေ့စံကတော့ ကျွန်တော်သွားတာတောင် သိရဲ့လားဘဲ... "
မြက်ခြောက်လေး တစ်ပင်ကို ဝှေ့ရမ်းကာဖြင့် နှုတ်ခမ်းဆူဆူနှင့် ပြောနေသော ဂျောင်မျိုးနွယ် ဆော့ကီက သူအချိန်မပေးမိတာကို အလိုမကျဟန်... ယွန်းဂီမှာ ခပ်သာသာပြုံးကာ ဘေးချင်းယှဥ်လျှောက်နေရာမှ ဂျောင်မျိုးနွယ်ကို သေချာမြင်ရစေရန်အတွက် မျက်နှာချင်းဆိုင်လိုက်သည်။
" ကြင်ယာတော်က ဒီကလူ မဟုတ်တဲ့အပြင် ငယ်လည်း ငယ်သေးလို့ အကိုတော်က စိတ်ပူပြီး သွားခေါ်တာလေ... မင်းကျတော့ ဆော့ကီ... မင်းကို ငါက အပြည့်အဝ ယုံကြည်တဲ့အပြင် စိတ်လည်းချတာမို့ ယွန်းဗြောဆီ သွားတာကို ငါက စိတ်မပူတာလေ... မင်းကို ချစ်သလောက် ယုံကြည်တာမို့ "
အိမ်ရှေ့စံ၏ ထိုကဲ့သို့ နွေးနွေးထွေးထွေးစကားတွေနောက် ဟိုဆော့၏ အနည်းငယ် ဆိုးချင်နေသည့်စိတ်လေးမှာ အချစ်စိတ်အောက် လုံးဝပျောက်ကွယ်ရင်း အပြုံးနုနုထဲတွင် ပြေပျောက်သွားရသည်။ အိမ်ရှေ့စံက မထင်ရင်မထင်သလို ဒီလိုလေးလည်း ပွင့်လင်းပြီး ရိုတတ်ပါသေးသည်။
" အာ... ဒါနဲ့ ဟွာလင်းမင်းသားက အိမ်ရှေ့စံတို့နဲ့ ချိန်းထားလို့ဆိုပြီး ပြန်သွားတာ၊ တွေ့ဖြစ်ကြရဲ့လား? "
" အင်း တွေ့ဖြစ်ကြတယ်၊ ပြီးတော့ ဟန်ဆောင်းမြို့စားကလည်း ထောက်လှမ်းရေးမှုးယန်းအကြောင်း လာပြောပြသေးတယ်လေ "
" ဟုတ်လား? ဘာတဲ့လဲ "
" မြို့စားအိမ်ကနေ ထောက်လှမ်းရေးမှူးယန်းကို ကယ်ထုတ်နိုင်ခဲ့ပေမယ့် ဒဏ်ရာအပြင်းအထန် ရထားတယ်တဲ့... ကြည့်ရတာ စာအုပ်ကိစ္စကို အတင်းအကြပ် နှိပ်စက်ပြီး မေးခဲ့ပုံဘဲ၊ စာအုပ်ကတော့ မပါလာခဲ့ဘူး "
YOU ARE READING
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
