" ကျွန်တော် ရောက်ပါပြီ အိမ်ရှေ့စံ "
အခန်းထဲရောက်သည်နှင့် ဟိုဆော့ အသံပေးလိုက်တော့ ခေါင်းဆောင်းကို ခက်ခက်ခဲခဲ ဖြုတ်နေသည့် အိမ်ရှေ့စံက မော့ကြည့်လာသည်။ ခါတိုင်းနှင့်မတူသည့် ခပ်ပျော့ပျော့ အသံကြောင့် ယွန်းဂီမှာ ကြိုးဖြေနေသည့် လက်များ ရပ်တန့်သွားသည်။ ဂျောင်မျိုးနွယ်၏ မျက်ဝန်းတွေ အရည်လဲ့ချင်နေသည်။
" ဂျုံဆောင်းရော? "
" စစ်သူကြီးကင်မ် ခေါ်သွားပါတယ် အိမ်ရှေ့စံ "
ပါးစပ်က ပြန်ဖြေနေသည့် ဟိုဆော့မှာ လက်ကလည်း ရွှေဝါရောင်ဆံပင်တွေနှင့် ညှိနေသော အိမ်ရှေ့စံ၏ ခေါင်းဆောင်းကို ကူဖြုတ်ပေးရန်ပြင်သည်။ အိမ်ရှေ့စံ၏ မွေးရာပါ ဆံပင်အရောင်လား မသိသော်ငြား အခုချိန်တွင်တော့ ဟိုဆော့ မေးချင်စိတ် မရှိပါ...
ဒါကို သတိထားမိတဲ့ ယွန်းဂီကတော့ ဂျောင်မျိုးနွယ်၏ မေးရိုးလှလှကို ခက်ခက်ခဲခဲ မျက်စိထဲက ဖျောက်ရင်း...
" ပြီးရင် အရှေ့ဘက်ဥယျာဥ်မှာ လမ်းသွားလျှောက်မလို့၊ ဂျုံဆောင်း မရှိဘူးဆိုတော့ မင်းလိုက်ခဲ့... "
အိမ်ရှေ့စံစကားအား ဟိုဆော့မှာ ခေါင်းသာငြိမ့်သည်။ အမြဲတမ်း လန်းဆန်းနေတတ်သည့် ဂျောင်မျိုးနွယ်က ဒီလိုမျိုး ငြိမ်ကုပ်နေတော့ ယွန်းဂီမှာ ယုံတောင် မယုံနိုင်။ လက်ကသာ ခေါင်းဆောင်းကို ဂရုတစိုက် ဖြုတ်ပေးနေပါသော်လည်း စိတ်တွေက တခြားဆီသို့ လွင့်ပျံ့နေသည့်နှယ်...
" ဘာဖြစ်နေတာလဲ ဂျောင်မျိုးနွယ်... အိမ်ကို သတိရနေတာလား? "
အိမ်ရှေ့စံ၏ မတိုးမကျယ်လှသော စကားအဆုံး ဟိုဆော့လက်တွေမှာ အလုပ်များနေရာမှ ရပ်တန့်သည်။ ထို့နောက် ဖြုတ်ပြီးသွားပြီ ဖြစ်သော ခေါင်းဆောင်းကို အိမ်ရှေ့စံရှေ့ ချပေးလိုက်ပြီး လူကတော့ ဘေးနားတွင် လက်ကိုယှက်ကာ ရပ်သည်။ မျက်နှာကို အတတ်နိုင်ဆုံး ပြန်ပြင်လိုက်ကာ...
" တောင်းပန်ပါတယ် အိမ်ရှေ့စံ... ကျွန်တော် ခံစားချက်ကို ထုတ်ပြမိပြီး အိမ်ရှေ့စံကို စိတ်ရှုပ်စေမိပါတယ် "
ESTÁS LEYENDO
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
