မဟူရာနန်းဆောင်၏ လူသူကင်းရှင်းနေသော အချိန်...
ညဝတ်အင်္ကျီနှင့် အိမ်ရှေ့စံ၏ ပေါင်ကို ဂျောင်မျိုးနွယ်မှာ အသာအယာ ခေါင်းအုန်းထားပြီး နေ့လည်က ကြင်ယာတော်နှင့် တွေ့ခဲ့သည့် အကြောင်းအား နှုတ်ခမ်းတချွန်ချွန်နှင့် ပြန်လည်ပြောပြနေသည်။ အိမ်ရှေ့စံမှာ ဂျောင်မျိုးနွယ်၏ ဆံနွယ်တိုတိုလေးကို ဆော့ကစားရင်း ခပ်ပြုံးပြုံး...
" ဝါးးးး အဲ့တာပြီးတော့လေ ကျွန်တော် တကယ် ကြက်သီးတွေပါ ထသွားတာ... ကြင်ယာတော်ကို ကျွန်တော်နဲ့တူတူဘဲလို့ မြင်လိုက်မိတော့ အံ့သြသွားတာအပြင် အားလည်းတက်သွားတယ်၊ အနည်းဆုံးတော့ အနာဂတ်ကလာတာ ကျွန်တော်တစ်ယောက်တည်း မဟုတ်ဘူးပေါ့ "
" ဒါဆို ကြင်ယာတော် အနာဂတ်ကလာတာ အကိုတော်ဆော့ဂျင် မသိဘူးပေါ့? "
" ဂျောင်ကုကတော့ ပြောပြတယ်တဲ့... ဒါပေမယ့် ဟွာလင်းမင်းသားက ဘယ်လိုပြောပြော မယုံဘူး၊ ပြီးတော့ သူကအနာဂတ်က ရောက်လာတယ်ဆိုတာဘဲ မှတ်မိတာ... ဘယ်လိုရောက်လာသလဲ မသိဘူး၊ နောက်မှ တဖြည်းဖြည်း မှတ်မိလာတာတဲ့ "
" အေးပေါ့... အကိုတော်ဆော့ဂျင်က သူများကို သိပ်ယုံတတ်တဲ့ လူမျိုးမှ မဟုတ်တာ၊ ပြီးတော့ ကြင်ယာတော်ဆီမှာ သက်သေလည်း မရှိဘူးလေ "
" ဒါဆို အိမ်ရှေ့စံကတော့ ကျွန်တော် သက်သေပြလိုက်လို့ ယုံသွားတာပေါ့? "
ဟိုဆော့၏ ပြုံးစစ မျက်နှာပေးနှင့် မျက်ခုံးလေး အနည်းငယ်ပင့်ကာ ရည်ရွယ်ချက်ရှိရှိ ပြောလာသော စကားကြောင့် ယွန်းဂီမှာ အရောင်လက်နေသည့် သတ္တုပြားထဲက အမျိုးသားနှင့် အမျိုးသမီး၏ သာယာသံတွေကို ကြားယောင်မိပြီး နားရွက်တွေ ပူသွားသည်အထိ ရှက်သွားရသည်။
" အာ... အဲ့အကြောင်းကို ထပ်မပြောနဲ့တော့ ဆော့ကီ၊ မင်းက သက်သေပြတာ လွန်လွန်းအားကြီးတယ်... ပြီးတော့ ကလေးတွေရှေ့မှာ "
" ကလေးတွေဆိုပေမယ့်လည်း အရွယ်ရောက်ပြီးသား သူတွေပါဘဲ... နောက်ပြီး ကျွန်တော်က အဲ့တာကြီးကို တမင်ပြတာမှ မဟုတ်တာ၊ အိမ်ရှေ့စံက ကိုယ့်ဟာကို တွေ့သွားတာလေ... ပြီးတော့ ဘာရှက်စရာရှိလဲ? ကျွန်တော်တို့တောင် လုပ်ပြီးပြီဟာ "
KAMU SEDANG MEMBACA
FAP : Min Lineage Throne
Fiksi Penggemar(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
