" ဂျီမင်!? "
လူတွေ သိပ်မသိသည့် သူ့နာမည်အရင်းကို အလန့်တကြားခေါ်လိုက်သည့် လူအား ဂျီမင် လှည့်ကြည့်လိုက်သည်။ သူ့နာမည်ကို ထိုလူက ဘယ်လိုသိသလဲ? အိမ်ရှေ့စံက ပြောပြထားတာများလားဆိုပြီး လှည့်ကြည့်လိုက်ပေမယ့် အိမ်ရှေ့စံကလည်း သူ့နည်းတူ အံ့သြနေဟန်...
" ဒီလိုနေရာမှာ နာမည်အရင်းသုံးတာ အန္တရာယ်များတယ်၊ ယွန်းဗြောကို သိလို့လား ဂျောင်မျိုးနွယ်? "
" ဗျာ? အာ... မဟုတ်ပါဘူး အိမ်ရှေ့စံ၊ ကျွန်တော်သိတဲ့ ကလေးတစ်ယောက်နဲ့ တူလို့ပါ "
အိမ်ရှေ့စံ၏အမေးအား ဟိုဆော့ ခေါင်းခါလိုက်ပြီး သူ့ရှေ့က ဂျီမင်ကိုသာ ငေးကြည့်နေမိသည်။ နမ်ဂျွန်းတုန်းကလို ပြေးပွေ့ချင်စိတ်ကို မနည်းမျိုသိပ်ရင်း ကျချင်ချင် မျက်ရည်တွေကို တောင့်ခံထားမိသည်။ အဲ့ကလေးက သူ့ကို သိချင်မှ သိမှာကို... နမ်ဂျွန်းလိုမျိုး သူ့ကို မမုန်းစေချင်ဘူး၊
" ဆောင်ကြာမြိုင်ကို လာတာ ဘာကိစ္စရှိလို့ပါလဲ အိမ်ရှေ့စံ... အထွေအထူးမရှိဘဲ မလာလောက်ဘူးဆိုတာ ကျွန်တော် ရိပ်မိပါတယ် "
ယွန်းဗြော ခေါ် ဂျီမင်၏စကားကြောင့် ယွန်းဂီမှာ သက်ပြင်းကို အသာချပြီး ဂျီမင်ဆီ အကြည့်ရောက်နေသည့် ဂျောင်မျိုးနွယ်ကို လှမ်းကြည့်မိသည်။ အခု သူတို့ပြောတဲ့ စကားတွေကို ဂျောင်မျိုးနွယ် ကြားလို့ အဆင်ပြေပါ့မလား? သို့ပေမယ့် ဂျောင်မျိုးနွယ်ကလည်း အနီးကပ်လူပေမို့...
" လွန်ခဲ့တဲ့ တစ်နေ့တုန်းက ဟယ်ဟွာဦးစီးဆီကနေ အကြောင်းကြားစာတစ်ခု ရောက်လာတယ်... စာထဲမှာ အကိုတော် ဝီဒယ်က မန်ဂျိုနယ်စပ်မှာ မြို့စားနဲ့ သွားတွေ့ခဲတယ်တဲ့... ကြည့်ရတာတော့ မဟာမိတ်ဖွဲ့ခဲ့ပုံဘဲ၊ အဲ့တာကြောင့် လာစုံစမ်းတာ "
ဟယ်ဟွာဦးစီး ဆိုသည့် နာမ်စားကြားသည်နှင့် မျက်ဆံတွေ လှုပ်ရှားသွားပါသော ဂျီမင်က အိမ်ရှေ့စံ စကားဆုံးတော့ ပကတိကို ငြိမ်ကျသွားသည်။ ဒီကိစ္စဟာ ဘယ်လောက်အန္တရာယ်များမှန်း နန်းတော်ထဲမှာ မနေတဲ့ ဂျီမင်တောင် သိပါသည်။ ထို့နောက် တစ်ခုခုကို စဥ်းစားမိဟန်နှင့်...
ESTÁS LEYENDO
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
