" ဒါဆို စာအုပ်က မန်ဂျိုနယ်စပ်ကို ရောက်သွားပြီလို့ ဆိုလို့တာပေါ့ ယွန်းဗြော? "
အိမ်ရှေ့စံ၏ အမေးအား ဂျောင်မျိုးနွယ်ဘေးတွင် ရပ်နေသော ဂျီမင်မှာ ခေါင်းလေးအသာငြိမ့်ကာဖြင့် ဖြေသည်။ ပုံမှန်ဆို တက်တက်ကြွကြွနဲ့ စကားပြောမိမှာပေမယ့် အခုတော့ သူ မပြောရဲ... မင်မင်းကြီး ၏ နတ်ရွာစံသတင်းနှင့် အိမ်ရှေ့စံဘေးထိုင်နေသည့် ဟွာလင်းမင်းသားကြောင့် ဂျီမင် နေရခက်နေသည်။
" အကြောင်းစုံကို ပြောပြလေ အငယ်လေး "
သို့ပေမယ့် ဟွာလင်းမင်းသားဆီက ထွက်လာသည့် တည်ကြည်နေသော အသံနှင့် အငယ်လေးဆိုသော နာမ်စားကြောင့် ဂျီမင် မော့ကြည့်လိုက်သည်။ အခုထိ သူက ဟွာလင်းမင်းသားအတွက် 'အငယ်လေး' ဆိုတဲ့ ဖြစ်တည်မှုကနေ မပိုဘူးဘဲ... ဂျီမင်မှာ အသက်ပြင်းပြင်းရှုကာ ခေါင်းပြန်ငုံ့လိုက်ရင်း...
" မနေ့ညက ဝီဒယ်မင်းသား ဆောင်ကြာမြိုင်ကို လာပြီး လူတစ်ယောက်ဆီကို စာအုပ်လွှဲပြောင်းခဲ့တယ်လို့ ကြားပါတယ်၊ အဲ့တာနဲ့ စုံစမ်းကြည့်လိုက်တော့ အဲ့ဒီလူက မန်ဂျိုပြည်ကနေ နယ်စပ်ထဲကို ခိုးဝင်လာတဲ့လူလို့ သိရပါတယ်...
.
ဝီဒယ်မင်းသားဆီက စာအုပ်လက်ခံပြီးတာနဲ့ ပြန်သွားတယ်တဲ့... သူ့စကားသံတွေက အနောက်ပြည်လေသံ ပေါက်နေတယ်လို့လည်း ကြားပါတယ်၊ ဒီထပ်ပိုပြီးတော့ စုံစမ်းလို့မရခဲ့ဘူး ဝီဒယ်မင်းသားက ဒီမှာ သူလျှိုရှိတယ်ဆိုပြီး သံသယဖြစ်နေပါတယ် "
စကားဆုံးသည်နှင့် ဂျီမင်မှာ မတ်တပ်ရပ်နေရာကနေ ဦးညွတ်ကာ တောင်းပန်သည့် အမူအရာကိုပြသည်။ ဘေးက ဟိုဆော့မှာလည်း ခုံပေါ်ထိုင်နေသော မင်းသားနှစ်ယောက်ကို တစ်လှည့်၊ ဂျီမင်ကိုတစ်လှည့်ကြည့်ကာ လေထုက ပုံမှန်နှင့်မတူ ထူးခြားနေတာကို သတိထားမိသွားသည်။
" ရပါတယ် ယွန်းဗြော... မင်းအတွက် မလွယ်မှန်းလည်း သိပါတယ်၊ ဝီဒယ်မင်းသားက သူလျှိုရှိတယ်ဆိုပြီး သံသယဖြစ်နေရင် ဆောင်ကြာမြိုင်က မလုံခြုံတော့တာ သိတယ်မဟုတ်လား? "
အိမ်ရှေ့စံ ယွန်းဂီ၏ ချော့ပြောနေသော လေသံအား ဂျီမင်မှာ ခေါင်းသာငြိမ့်ပြလိုက်သည်။ သူ့ကို နန်းတော်ဆီ လိုက်ခဲ့စေချင်မှန်း သိပေမယ့်လည်း ဂျီမင်မှာ ထိုနေရာကို ခြေမချချင်တော့၊ ဆောင်ကြာမြိုင်က မလုံခြုံတော့ရင်တောင် သူနှစ်သက်တဲ့အလုပ်ကိုဘဲ လွတ်လွတ်လပ်လပ် လုပ်ချင်သည်။
YOU ARE READING
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
