" ဒါဆို အကူအညီ တောင်းပါတယ် ဂျောင်မျိုးနွယ်... ကျွန်တော့်ရဲ့ ကြင်ယာတော်ကို ဂရုစိုက်ပေးပါဦး "
ဟွာလင်းမင်းသားအား ဟိုဆော့မှာ ပြုံးပြကာ ဦးညွတ်လိုက်ပြီး ဘေးက အိမ်ရှေ့စံကိုလည်း မျက်လုံးနှင့် အကူအညီ လှမ်းတောင်းမိ၏။ ကြင်ယာတော်ကို ဂရုမစိုက်ချင်ဘူးလေ... သို့ပေမယ့် အိမ်ရှေ့စံသည်က 'လုပ်နိုင်ပါတယ်' ဆိုသော အပြုံးနှင့် ခေါင်းငြိမ့်ပြတာကြောင့် ဟိုဆော့ သက်ပြင်းချလိုက်သည်။
" ဒီဘက်ကိုကြွပါ ကြင်ယာတော် "
ဂျောင်မျိုးနွယ်က ကြင်ယာတော်ကို ဦးဆောင်ပြီး အပြင်ထွက်သွားသောအခါ မဟူရာနန်းဆောင်ထဲတွင် ယွန်းဂီတို့ သုံးယောက်သာ ကျန်ခဲ့ပြီး ကိုယ်ရံတော်ဆောင်းဟွန်း ပို့လာခဲ့သည့် စာလွှာအား ဖတ်နေမိသည်။ ဆောင်းဟွန်းသည်က နန်းတော်မှာမရှိ၊ မက်မွန်ခြံမှာ စုံစမ်းနေသည်ဟု ဆိုသည်။
" ကိုယ်ရံတော် ဆောင်းဟွန်း ပြောပုံအရဆိုရင်တော့ မင်းကြီးနဲ့ မတည့်တဲ့ မက်မွန်သီးတွေကို ပုံစံတစ်မျိုးနဲ့ စားမိသွားအောင် ဆက်သလိုက်တာ ဖြစ်မယ် "
" မင်းကြီးက မက်မွန်သီးနဲ့ မတည့်လို့ နန်းတော်ထဲကို မက်မွန်တွေ မဝင်တာ ဘယ်လောက်ကြာပြီလဲ... ဒါသက်သက်ကို ကြိုတင်စီစဥ်ထားမှန်း သိသာနေတာဘဲ၊ မက်မွန်ခြံကနေ သတင်းအချက်အလက်သာ ရရင် အဆင်ပြေပြီ "
ဟွာလင်းမင်းသား၏ စကားကို စစ်သူကြီးကင်မ်မှာ ထောက်ခံပေးပြီး သူတို့သုံးယောက်၏ စကားဝိုင်းသည် အတွေးကိုယ်စီဖြင့် ခဏမျှ ငြိမ်သက်သွားသည်။ ထီးနန်းရဖို့က ဘယ်လောက်တောင်များ အရေးကြီးနေလို့ ပလ္လင်ပေါ်က မင်မင်းကြီးကိုတောင် နိမ့်ကျတဲ့နည်းနဲ့ လုပ်ကြံတဲ့အထိ...?
" ဒါနဲ့ မင်းကြီးရဲ့ ရက်လည်က ဒီနေ့ နောက်ဆုံးဘဲ မဟုတ်လား? မကြာခင် ဝီဒယ်မင်းသားတို့ဘက်က လှုပ်ရှားတော့မယ်နဲ့တူတယ်၊ ကျွန်တော်တို့ ဘယ်လိုလုပ်ကြမလဲ? "
စစ်သူကြီးကင်မ်မှာ သူ့ရှေ့က အိမ်ရှေ့စံနှင့် ဟွာလင်းမင်းသားကို တစ်လှည့်စီ ကြည့်ကာ မေးလိုက်သည်။ မင်းကြီးကို လုပ်ကြံထားကြောင်း သက်သေလည်း မရသေးတဲ့အပြင် ပုန်ကန်သူစာရင်း စာအုပ်ကပါ လက်ထဲမှာ မရှိသေးတဲ့ အခြေအနေ၊ ရန်သူဘက်နှင့်ယှဥ်လိုက်လျှင် သူတို့မှာ ဘာမှမရှိ...
YOU ARE READING
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
