လေးရက်မျှ ခွဲခွာလိုက်ရသော ဘယ််ဂွန်းနန်းတော်၏ အငွေ့အသက်... သစ္စာဖောက်မှုတွေ၊ လုပ်ကြံမှုတွေ၊ မနာလိုမုန်းတီးမှုတွေ ရှိနေတာတောင် ဒီနန်းတော်ထဲမှာဘဲ ကြီးပြင်းခဲ့သော အိမ်ရှေ့စံယွန်းဂီအဖို့တော့ သက်တောင့်သက်သာရှိပြီး ရင်းနှီးလှသော အိမ်ဆိုသည့် ခံစားချက်ကို ရသည်။
" အိမ်ရှေ့စံတို့များ ခမည်းတော်မင်းကြီး နတ်ရွာစံတော့ ပျော်လွန်းလို့ထင်တယ်၊ အဆောင်တော်ထဲကတောင် မထွက်နိုင်ဘူး "
အကိုတော်ဆော့ဂျင်၏ အဆောင်တော်ကို ဝေါယာဥ်မသုံးပါဘဲ လမ်းလျှောက်သွားနေသော ယွန်းဂီမှာ အနောက်နားက ကြားလိုက်ရသော အသံကြောင့် ခြေလှမ်းတွေ ရပ်တန့်မိလိုက်သည်။ ဒါဟာ လှည့်မကြည့်ပါဘဲလည်း သူ့ကို စကားနာထိုးတော့မည့် အကိုတော်ယုံးရှင်းမှန်း သိနေသည်။
" အခုရော နေထိုင်ကောင်းသွားပြီလား အိမ်ရှေ့စံ? လေးရက်လုံးလုံး အဆော်တော်ထဲက မထွက်ဘဲ ဘာတွေကိုများ ကြိတ်မှိတ် ကြံစည်နေသလဲ...? "
အကိုတော်ယုံးရှင်းမှာ ပြောရင်းဆိုရင်း သူ့ရှေ့ရောက်လာကာ ကိုင်နေကျ ခေါက်ယပ်တောင် အစိမ်းရောင်ကို ကာလျက် ခနဲ့သလို ရယ်သည်။ ယုံးရှင်းမင်းသား၏ မျက်လုံးထဲတွင် ခမည်းတော်အတွက် မည်သည့် ဝမ်းနည်းပူဆွေးမှုမှ မရှိ၊ ယွန်းဂီမှာ ခံပြင်းလာသည်။
" ကျွန်တော်က ဘာတွေများ ကြံစည်ရမှာလဲ အကိုတော်ယုံးရှင်း? ခမည်းတော်ကြောင့် ပူဆွေးလွန်းလို့ နေထိုင်မကောင်းဖြစ်နေခဲ့တာပါ... ဒီလိုခံစားချက်မျိုးကို ချစ်ရသူတစ်ယောက် ဆုံးရှုံးသွားမှ အကိုတော်ယုံးရှင်း နားလည်နိုင်ပါလိမ့်မယ် "
" မင်ယွန်းဂီ! "
ယွန်းဂီ၏ စကားဆုံးတော့ အထိနာသွားသည့် ယုံးရှင်းမင်းသားက သည်းမခံနိုင်စွာ အသံထွက်လာသည်။ ယွန်းဂီမှာ မဲ့ပြီးသာပြုံးမိသည်။ ဒီလောက်လေး ပြောမိတာကိုတောင် သည်းမခံနိုင်ဘဲ သူ့ကိုကျတော့ ရက်ရက်စက်စက်တွေ စကားနာထိုးခဲ့သည်တဲ့... ယုံးရှင်းမင်းသားမှာ...
" မင်း စည်းကျော်လာတာ လွန်သွားပြီနော်! ဒါ မယ််တော့်ကို သွယ်ဝိုက်ပြီး စော်ကားလိုက်တာဘဲ ဆိုတာ သိရဲ့လား!? ဒီစကားသာ မယ်တော့်နားထဲ ပေါက်သွားရင် မင်း- "
YOU ARE READING
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
