" အဟွတ်! အဟွတ်! "
" ဆော့ကီ... အဆင်ပြေရဲ့လား? "
ချောင်းဆိုးသံကြား၍ ယွန်းဂီမှာ မြင်းဇက်ကြိုးကို ထိန်းနေရင်း သူ့ရင်ခွင်ထဲက ဂျောင်မျိုးနွယ်ကို ခေါင်းငုံ့ကာ မေးလိုက်သည်။ အသက်ကို အားယူကာ ရှုနေရသည့် ဂျောင်မျိုးနွယ်ကလည်း သူစိတ်ပူမှာ စိုးလို့ထင်... ခေါင်းကိုသာ ငြိမ့်ပြသည်။ ယွန်းဂီမှာ မြင်းဇက်ကြိုးကို တင်းတင်းဆွဲမိပြန်သည်။
ဖြစ်နိုင်ရင် အရှိန်လျှော့ပြီး သွားချင်ပေမယ့် အနောက်တွင် ထပ်ကြပ်မကွာ ကြားလာရသော မြင်းခွာသံတွေကြောင့် အရှိန်ကိုမလျှော့ရဲ၊ ရှေ့က ဂျုံဆောင်းမှာလည်း အလင်းရောင်မရှိဘဲ မှောင်မည်းနေသည့် တောအုပ်ထဲ ပုလဲပြာစံအိမ်ဆီ ရောက်မယ့်လမ်း ကြိုးစားပမ်းစား ရှာဖွေနေသည်။
" ဆော့ကီ... ခဏလေး တောင့်ထားနော် ခဏနေဆို ပုလဲပြာစံအိမ်ဆီ ရောက်ပြီ "
သူက ထိုသို့ပြောတော့လည်း ခေါင်းလေးဘဲ ငြိမ့်ပြနိုင်သည့် ဂျောင်မျိုးနွယ်... ဒီလူ့ကို ဆုံးရှုံးသွာ းရင်ဆိုသည့် အသိတစ်ချက်က ယွန်းဂီရင်ဘတ်ထဲမီးတောက်လိုမျိုး တောက်လောင်နေပြီး သူ့ရင်တွေလည်း ထိုမီးအရှိန်ကြောင့် ပူလောင်နေသည်။ ခဏလေးပါဘဲ ဆော့ကီ... ခဏလေးပါဘဲ...
ထို့နောက်တော့ ဘယ်လောက်မှ မကြာလိုက်သော အချိန်တွင် ဂျုံဆောင်း၏လမ်းပြမှုနှင့် ပုလဲပြာစံအိမ်ကို လှမ်းမြင်နေရပြီး အနောက်က လူတွေကိုလည်း မျက်ခြေဖြတ်နိုင်ခဲ့သည်။ သူတို့မှာ သဲသောင်ပြင်ကို မြင်းနှင့် ဖြတ်ပြေးရင်း ယွန်းဂီမှာတော့ သူ့အတွင်းအိတ်ကပ်ကို စမ်းကြည့်လိုက်သည်။
" ဆောနူ... ဆောနူ တံခါးလာဖွင့် "
ပုလဲပြာစံအိမ်သို့ ရောက်သည်နှင့် ဂျုံဆောင်းမှာ မြင်းပေါ်ကနေ လွှားဆင်းကာ ပုလဲပြာစံအိမ်၏ ကြီးကြပ်သူကို ခေါ်သည်။ ထို့နောက် အိမ်ရှေ့စံဆီက ဂျောင်မျိုးနွယ်ကို လက်လွှဲယူရင်း ပွေ့ချီလိုက်သည်။ သူ့အော်သံကြောင့် တံခါးလာဖွင့်သော ဆောနူမှာ အိပ်ချင်မူးတူးနှင့်၊ ဂျောင်မျိုးနွယ်ကိုမြင်တော့...
YOU ARE READING
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
