*ဒုန်း!!!*
ကျယ်လောင်လှသော အားဖြင့် တံခါးဆွဲဖွင့်သံနှင့်အတူ နန်းဆောင်ထဲ ရှိနေသော မိဖုရားခေါင်ကြီး ယောရန်နှင့် တတိယမင်းသား ဝီဒယ်တို့မှာ တံခါးဝအား ချက်ချင်း လှည့်ကြည့်လာကြသည်။ တံခါးဝတွင် ရပ်နေသူက တစ်လမ်းလုံး ပြေးလာရ၍ ချွေးစို့နေသော ဂျောင်ဟိုဆော့...
" ဟက်! အပြစ်မရှိတဲ့ လူတစ်ယောက်ကို တမလွန်ပို့ထားပြီး သူကတော့ အမေဖြစ်သူနဲ့ လက်ဖက်ရည်လာသောက်နေတာဘဲ... ဝီဒယ်ရှီ? "
ဟိုဆော့၏စကားကြောင့် သူတို့သားအမိနှစ်ယောက်မှာ တစ်ယောက်ကို တစ်ယောက် ကြည့်လိုက်ကြပြီး မျက်လုံးတွေနှင့် အမေးအဖြေ လုပ်နေကြသည်။ ဟိုဆော့မှာ ထိုမြင်ကွင်းကိုကြည့်ရင်း ယွန်းဗြောအတွက် ရင်နာလွန်း၍ ခပ်ရွဲ့ရွဲ့ပင် ပြုံးမိသည်။ ဒီကောင် သေသွားရမှာ...
" ကဲ ပြောကြည့်ပါဦး... ဆောင်ကြာမြိုင်က ယွန်းဗြောကို သတ်လိုက်တဲ့အကြောင်း! လူသတ်ကြောင်း ထင်ရှားရင် ထောင်ချလို့ရတဲ့ ဥပဒေ ဘယ်ဂွန်းပြည်မှာ ရှိမယ်ထင်တာဘဲ... "
ဟိုဆော့မျက်နှာမှာ ခက်ထန်လွန်း၍ အသံကပင် မာဆတ်ဆတ်ဖြစ်နေသည်။ သူက အပေါက်ဝမှာ သောင်းကျန်းနေသော်လည်း ထိုသားအမိက ထိုင်ရာကပင် မထ... လူသတ်သမား မင်ဝီဒယ်ဆို သူ့ကိုပင် ကြည့်မနေ၊ ဟိုဆော့မှာ မြင်နေရသော နောက်ကျောကို ဆောင့်ကန်ချင်စိတ် တဖွားဖွား...
" ဘယ်ကိုလာပြီး လေသံမာမာနဲ့ ပြောနေတာလဲ အပါးတော်မြဲ! မင်းရဲ့တာဝန်က အိမ်ရှေ့စံကို စောင့်ရှောက်ဖို့ဘဲ ဒီမှာ လာစော်ကားနေဖို့ မဟုတ်ဘူး! "
သူမ၏သားဖြစ်သူကို ထိတော့ ယောရန် မိဖုရားခေါင်ကြီးက နာလာပုံပင်... သူ့ကို စူးစိုက်ကြည့်ကာ နှင်ထုတ်လာသည်။ သူတို့စိတ်ထဲ ရာထူးအမြင့်ကလူမို့ ဟိုဆော့မှာ ကြောက်ရွံ့ပြီး တုန်လှုပ်သွားမယ်ပေါ့? ဆုတောင်းလေ... ဂျောင်ဟိုဆော့မှာ ဖြုံပင်မဖြုံ၊ နှုတ်ခမ်းတစ်ဖက်ကို ရွဲ့ကာ ပြုံးလိုက်ရင်း...
" ဒီမှာ အဒေါ်ကြီး... သားသမီးမွေးပြီးရင် ဆုံးမရတယ်၊ ကိုယ့်သားသမီးကိုယ် မ.ဆုံးမရင်တော့ ပတ်ဝန်းကျင်က ဆုံးမပေးရမှာဘဲ... ဒါကို စော်ကားတယ်လို့ မခေါ်ဘူး၊ ကျေးဇူးတောင် တင်ရဦးမှာ "
VOCÊ ESTÁ LENDO
FAP : Min Lineage Throne
Fanfic(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
