ယခင်နေ့တွေတုန်းက နန်းတွင်းသူတွေ ခြေချင်းလိမ်နေအောင် လျှောက်ခဲ့ကြသော နန်းရင်ပြင်မှာ ယနေ့တွင်တော့ ဝမ်းနည်းမှု၏ အဖြူရောင်များ ပြည့်နှက်လို့နေသည်။ မင်မင်းကြီး၏ စျာပနအခမ်းအနား၊ ပတ်ဝန်းကျင်တွင် အခြားအရာများအစား အုံ့မှိုင်းခြင်းတွေသာ နေရာယူထားသည်။
မိဖုရားနှစ်ယောက်မှာ မင်းကြီး၏ အခေါင်းတော်ရှေ့ မပြီးမစီးနိုင်သော ငိုခြင်းအား မငြီးမငြူ ပြုနေကြကာ စျာပနကို ဦးဆောင်ရန် တာဝန်ရှိသော အကြီးဆုံးသားတော် ဟွာလင်းမင်းသားမှာတော့ နန်းရင်ပြင်လယ်တွင် နေရာယူပြီး ထုံးတမ်းစဥ်လာများအတိုင်း ရွတ်ဖတ်ခြင်းတွေ ပြုနေသည်။
" ပျော်လား ယွန်းဂီ? "
သို့သော် အနောက်ဘက်တွင်တော့ ဘယ်သူမှ သတိမထားမိသည့် တိုက်ပွဲတစ်ခုက စနှင့်နေပြီ။ ယွန်းဂီမှာ မျက်လွှာချထားရာက ကြားလိုက်ရသည့် စကားကြောင့် မော့ကြည့်လိုက်မိသည်။ လှောင်ရိပ်သန်းနေသည့် ယုံးရှင်းမင်းသား၏ပုံစံက ခမည်းတော်အတွက် နည်းနည်းမှ ဝမ်းနည်းနေသည့်ပုံ မပေါ်...
ဘေးနားရပ်နေသည့် မိုနွှာမင်းသမီးက သူတို့ကို စိတ်ထဲရှိပုံမရ၊ အကိုတော်ဟွာလင်း လုပ်သမျှကိုသာ လိုက်ကြည့်နေသည်။ အခြားတစ်ဖက်က ဝီဒယ်မင်းသားကိုတော့ ကွယ်နေ၍ ဘယ်လိုဖြစ်နေသည် မသိ၊ ယွန်းဂီမှာတော့ ယုံးရှင်းမင်းသားအား ထိုအတိုင်းသာ ကြည့်နေမိသည်။ ယုံးရှင်းမင်းသားက...
" ဟင်? မပျော်ဘူးလားလို့ အိမ်ရှေ့စံ? ခမည်းတော်သေပြီး မင်း ဘုရင်ဖြစ်တော့မှာလေ... ကြိတ်ပြီး ပျော်နေတယ် မဟုတ်လား? "
" တိတ်တိတ်လေး နေပေးပါလား ယုံးရှင်းမင်းသား... ခမည်းတော်ရဲ့ နောက်ဆုံးခရီးကို အေးအေးချမ်းချမ်းလေး ပို့ပေးချင်လို့ "
သူ့စကားကိုကြားတော့ ယုံးရှင်းမင်းသားက မနေနိုင်သလို အသံထွက်ကာ ဟက်ခနဲ... ကိုင်နေကျ ခေါက်ယပ်တောင်စိမ်းကြီး မရှိတော့ လက်ဖြင့်သာ အသာကာပြီး ရီသည်။ ရန်ပြိုင်ဖြစ်ချင်စိတ် မရှိသည့် ယွန်းဂီကလည်း သက်ပြင်းချပြီးသာ လျစ်လျှူရှုလိုက်သည်။ သူတကယ် ရန်မဖြစ်ချင်နေဘူး...
ESTÁS LEYENDO
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
