" ဒီဘက်ပါ အိမ်ရှေ့စံ... မြန်မြန်လေး လာပါ "
အရှေ့မှ အလောတကြီးနှင့် အနောက်ကိုတောင် လှည့်မကြည့်နိုင်ဘဲ ခပ်မြန်မြန်လျှောက်နေသော ဂျီမင်နောက်တွင် အိမ်ရှေ့စံနှင့် ဂျောင်မျိုးနွယ်မှာလည်း မပြေးရုံတမယ် လမ်းလျှောက်နေရသည်။ အကြောင်းအရင်းသည်က ဆောင်ကြာမြိုင်ကို ဝီဒယ်မင်းသား ကိုယ်တိုင် ရောက်နေတာကြောင့်...
ယွန်းဂီထင်ထားသည့်အတိုင်း ချွန်းဘိုနှင့် လေ့ကျင့်ရေးကွင်းဘက်မှာ လှုပ်ရှားပြီးနောက် ဆောင်ကြာမြိုင်ကိုတော့ ဝီဒယ်မင်းသားက လူကိုယ်တိုင် ရောက်ချလာသည်။ ဒါပေမယ့် ယွန်းဂီကို တွေ့ရင် သံသယဝင်သွားမှာစိုးပြီး အခုလိုမျိုး ဘယ်သူမှမတွေ့အောင် ပုန်းရှောင်နေရတာ ဖြစ်သည်။
" ဒီအခန်းဘဲ အိမ်ရှေ့စံ... ဒီနေရာက ဆောင်ကြာမြိုင်ရဲ့ အစွန်းအကျဆုံး အခန်းမို့ ဘယ်သူမှ တော်ရုံလာလေ့ မရှိဘူး၊ ဝီဒယ်မင်းသား လာရတဲ့ အကြောင်းအရင်းကို ကျွန်တော် စုံစမ်းပေးမှာမို့ အိမ်ရှေ့စံရော၊ ဂျောင်မျိုးနွယ်ရော ကျွန်တော် လာခေါ်တဲ့အထိ ဒီအခန်းထဲမှာဘဲ စောင့်နေပါ "
ယွန်းဂီ ဘာမှတောင် မပြောရသေးခင်မှာတင် အဆောတလျင်နှင့် တရစပ်ပြောသွားသော ဂျီမင်မှာ သူတို့နှစ်ယောက်ကို အခန်းထဲထည့်ပြီး အရိုအသေပြုကာ ခပ်မြန်မြန် ထွက်သွားပြန်သည်။ ဂျီမင်ကို စိတ်ပူမိပေမယ့်လည်း ဂျီမင် မလုပ်ပေးရင် မရတာမို့ ယွန်းဂီမှာ နှုတ်ဆိတ်ပြီးသာ ကျန်ခဲ့ရသည်။
" ယွန်းဗြောက အရွယ်လေးနဲ့ မလိုက်အောင် ရင့်ကျက်တာဘဲနော် အိမ်ရှေ့စံ "
ခေါင်းငိုက်စိုက်ကျနေသော အိမ်ရှေ့စံနှင့်မတူဘဲ ထွက်သွားသော ဂျီမင်ကိုကြည့်ရင်း ဟိုဆော့မှာ ပြုံးနေမိသည်။ သူက ဂျီမင်ရဲ့ ကလေးဆန်တဲ့ဘက်ခြမ်းကိုဘဲ မြင်ခဲ့ရလို့လား မသိ... အလုပ်သေချာလုပ်တတ်တဲ့ ဂျီမင်ကိုမြင်ရတော့ သူစောင့်ရှောက်လာတဲ့ ကလေးလေး အရွယ်ရောက်လာသလို ခံစားမိသည်။
" သူ့ကံကြမ္မာနဲ့ သူရင့်ကျက်နေတာလည်း ဖြစ်သင့်ပါတယ်... အားကိုးစရာ မိသားစုမှ မရှိတော့တာ "
ESTÁS LEYENDO
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
