မှတ်ချက် ။ ။ အရင်ကတည်ကလည်း ပြောထားဖူးတယ်ဆိုပေမယ့် ဒီထဲက အကြောင်းအရာအားလုံးဟာ စာရေးသူရဲ့ ကိုယ်ပိုင်စိတ်ကူးထဲကပါဘဲ... ဒါကြောင့် အပြင်လောက က စည်းမျည်းစည်းကမ်းတွေနဲ့ ဘာမှသက်ဆိုင်မှု မရှိပါဘူးနော်
" အိမ်ရှေ့စံ! မင်မင်းကြီး နတ်ရွာစံသွားပြီ!! "
ဂျုံဆောင်း၏ စကားကြောင့် စကားပြောလက်စနှင့် မဟူရာနန်းဆောင်ထဲက ထွက်လာသော အိမ်ရှေ့စံမှာ မပြေးရုံတမယ် ခြေလှမ်းတွေ မြန်နေသည်။ အိမ်ရှေ့စံနောက်က လိုက်လာသော အပါးတော်မြဲနှစ်ယောက်နှင့် နမ်ဂျွန်းမှာလည်း အိမ်ရှေ့စံ၏ မျက်နှာကို မသိမသာ အကဲခတ်နေကြသည်။
အသက်ရှုသံတွေ မြန်နေပါသော် အိမ်ရှေ့စံမှာတော့ မင်းကြီး၏ နန်းဆောင်ရှေ့ အရောက်တွင် ခြေလှမ်းတွေ အလိုလို ရပ်တန့်ကုန်သည်။ နန်းဆောင်ထဲ ပြည့်လျှံနေတဲ့ လူတွေ၊ မျက်ရည်အပြည့်နဲ့ ငိုကြွေးနေတဲ့ လူတွေအလယ် ခမည်းတော် ဘယ်လောက်တောင် မွန်းကြပ်နေလိမ့်မလဲ...?
ခမည်းတော်က တိတ်ဆိတ်ခြင်းကို နှစ်သက်တာတောင်မှ သူ့နောက်ဆုံးအချိန်လေးမှာ ဆူညံနေရတယ်လို့... ယွန်းဂီမှာ လက်သီးကို တင်းကြပ်နေအောင်ဆုပ်ပြီး နန်းဆောင်ထဲကို တစ်စိုက်မတ်မတ် ဝင်သွားလိုက်သည်။ သူ့ကိုတွေ့တော့ လမ်းဖယ်ပေးကြတဲ့လူတွေက စူးစမ်းသည့် မျက်လုံးတွေနှင့်...
" သမားတော်နဲ့ နမ်ဂျွန်းကလွဲရင် ကျန်တဲ့အမှုထမ်းတွေ အကုန် နန်းဆောင်ထဲက ထွက်သွားကြ "
ကြမ်းပြင်ပေါ်က ခမည်းတော်ကိုကြည့်ကာ မျက််ခမ်းစပ်တွေ နီရဲလာသော အိမ်ရှေ့စံ၏အသံမှာ ပုံမှန်နှင့်မတူဘဲ အက်ကွဲခြောက်ရှနေသည်။ ထိုအခြေအနေကိုကြည့်ပြီး မှင်သက်နေကြသော အမှုထမ်းတွေကတော့ အိမ်ရှေ့စံ၏ စကားကိုမကြားလိုက်သည့်နှယ် တုပ်တုပ်မလှုပ်ကြ၊ ထို့ကြောင့်...
" ငါထွက်သွားလို့ ပြောနေတယ်လေ!!! ထွက်သွားကြ!!! "
ထိန်းထားသည့် မျက်ရည်တွေကျတဲ့အထိ အသံကုန်အော်ပြောကာမှ သတိဝင်လာကြသော အမှုထမ်းတို့မှာ ဆက်မနေရဲတော့ဘဲ အလျှိုလျှိုနှင့် အပြင်ရောက်ကုန်ကြသည်။ ထိုအခါမှ ယွန်းဂီမှာ ခမည်းတော်ဘေးတွင် ဖက်၍ငိုနေသော ယောရန်မိဖုရားအား ဆွဲဖယ်ပြီး သူဝင်ထိုင်လိုက်ကာ...
VOUS LISEZ
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
