ယနေ့ညလည်း ခါတိုင်းနှင့်တူညီစွာဘဲ ဂျောင်ဟိုဆော့မှာ အိမ်ရှေ့စံနှင့်အတူ ဆောင်ကြာမြိုင် ရောက်နေပြန်သည်။ အိမ်ရှေ့စံက အရေးကြီးကိစ္စတစ်ခု လုပ်နေတယ်ဆိုတာ ဟိုဆော့သိပေမယ့်လည်း သူနှင့်မဆိုင်၍ ဟိုဆော့ မမေးမိ၊ သူ့အတွက်က ဂျီမင်နဲ့ တွေ့နေရတာဘဲ ကံကောင်းလှပြီ။
သူလျှာရှည်ပြီး မေးမိကာမှ ဆောင်ကြာမြိုင် မလိုက်ရတော့ဘဲ ဂျီမင်နှင့်မတွေ့ရတော့ရင် ခက်မည်။
ဂျီမင်က သူ့ကိုမသိဘူးဆိုပေမယ့်လည်း နမ်ဂျွန်းလောက်တော့ စိမ်းမနေ၍ ဟိုဆော့ နေရတာအဆင်ပြေသည်။ စိတ်ထားကောင်းတဲ့ကလေးက ဘယ်နေရာဖြစ်ဖြစ် ဖော်ရွေတတ်သည်။ အခုလည်း သူတို့ရောက်တာနဲ့ သွားနေကျ အခန်းထဲကို ကိုယ်တိုင်လာခေါ်ပြီး ပို့ပေးပြန်သည်။
" ဂျီမင်ရှီ... ဒီမှာ အလုပ်လုပ်နေရတာ မပင်ပန်းဘူးလားဟင်? "
အိမ်ရှေ့စံက အရှေ့ကနေ ဦးဆောင်ပြီး လမ်းလျှောက်နေတာကြောင့် အနောက်မှာ နှစ်ယောက်တည်းဖြစ်နေတဲ့ ဟိုဆော့မှာ ဂျီမင်အား ခပ်တိုးတိုး ကပ်မေးသည်။ ဘယ်ဂွန်းပြည်မှာ နေတာကြာပြီမို့ အရင်တုန်းကလို တဇွတ်ထိုးတွေ မလုပ်မိတော့၊ ဂျီမင်က သူ့အမေးအား ပြုံးပြလာပြီး...
" ပင်ပန်းတယ်ရယ်လည်း မဟုတ်ပါဘူး ဂျောင်မျိုးနွယ်... သံစဥ်တွေနဲ့တင် ကျွန်တော်ပျော်ရွှင်ဖို့ လုံလောက်နေပါပြီ၊ အရင်တုန်းက အမျိုးသားဆိုတာ အက.မကရဘူးဆိုပြီး တားမြစ်ချက်တွေ ရှိပေမယ့် အိမ်ရှေ့စံနဲ့ စစ်သူကြီးကျေးဇူးကြောင့် ကျွန်တော် စိတ်ချမ်းသာသလို နေနိုင်နေပါတယ် "
မချမ်းမြေ့ဖွယ်ရာ စကားတွေဆိုပေမယ့်လည်း ဂျီမင်ကတော့ သူ့ဝသီအတိုင်း အပြုံးတစ်ချက်မပျက်ဘဲ ပြောသွားနိုင်ပေမယ့် ဟိုဆော့ကတော့ ဂျီမင်စကားကြောင့် မျက်နှာပျက်သွားသည်။ အသိုင်းအဝိုင်းကြီးကဆိုပြီး ဘယ်လောက်တောင် ပင်ပန်းခဲ့လိုက်မလဲ? ဒါကို သတိထားမိတဲ့ ဂျီမင်က...
" အမှန်ဆို နန်းတော်ထဲမှာ ပိုပြီးပင်ပန်းတယ် မဟုတ်လား? ကိုယ့်ထပ်ရာထူးကြီးတဲ့ လူတွေရဲ့မျက်နှာကိုဘဲ အမြဲကြည့်နေရပြီး အသက်အန္တရာယ်အတွက်လည်း စိုးရိမ်ရတယ်လေ "
VOUS LISEZ
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
