" ဒါကတော့ မန်ဂျိုပြည်နယ်ရဲ့ စျေးဘဲ ဖြစ်ပါတယ် "
မူရာကီ ကောင်လေး၏ ဦးဆောင်မှုတွင် ဟိုဆော့နှင့် ယွန်းဂီမှာ လူပေါင်းစုံ အလွှာစုံလှသော စျေးထဲသို့ ရောက်ရှိလာသည်။ လူမျိုးမတူ၊ ဘာသာစကားမတူသော နေရာပေမို့ နယ်စပ်မြို့လေး၏ စျေးကတောင် သူတို့ကို စိတ်လှုပ်ရှားစေသည်။ ဟိုဆော့မှာ မူရာကီကောင်လေးကို လှည့်ကြည့်လိုက်ပြီး...
" ဒီလောက် လူများတာ ငါတို့ကို ဘယ်ဂွန်းကလာမှန်း မရိပ်မိကုန်ဘူးလား နီကီ? "
သူ့၏ ရှည်လျားလှသော အမည်နာမအား အတိုချုံ့ကာ အရှေ့တစ်လုံးနှင့် အနောက်တစ်လုံးကို ပေါင်းခေါ်သော ဆံပင်ပုံစံထူးထူးဆန်းဆန်းနှင့် လူကြောင့် နီရှီမူရာရီကီမှာ နှုတ်ခမ်းတွန့်ရုံ ပြုံးလိုက်မိသည်။ ပုံစံက ထူးဆန်းပေမယ့် လူကတော့ ဖော်ဖော်ရွေရွေနှင့် ခင်ဖို့ကောင်းသည်။
" ခင်ဗျားတို့သာ ဒီလူအုပ်ကြားထဲ စကားမပြောဘဲ ဝင်ရောနိုင်ရင် သူတို့တွေ ရိပ်မိနိုင်စရာ အကြောင်းမရှိပါဘူး ဂျောင်မျိုးနွယ်... ဘာသာစကားမတူတာမို့ စကားတော့ ကျယ်ကျယ် မပြောမိစေနဲ့ "
နီကီ၏ စကားအဆုံး ဟိုဆော့မှာ ပါးစပ်ကို လက်ကလေးနှင့်ပင် ပိတ်မိရင်း အိမ်ရှေ့စံဘက် လှည့်ကြည့်လိုက်သည်။ ပျားပန်းခတ်တမျှ လှုပ်ရှားနေသော လူတွေကို လိုက်ကြည့်နေသော အိမ်ရှေ့စံက တည်ကြည်နေသော မျက်နှာထားနှင့်... ဘာလို့မှန်းမသိ နှလုံးသားလေး အခုန်မြန်သွားသည်။
" ဒါဆို အိမ်ရှေ့စံတို့ စျေးထဲ လှည့်ပတ်ကြည့်ရင်း ခဏစောင့်ကြနော်... ကျွန်တော်ကတော့ စျေးအရှေ့မှာ လူစောင့်ရဦးမှာမို့ ခွင့်ပြုပါဦး "
နီကီ၏ ခွင့်တောင်းစကားအား ယွန်းဂီမှာ ခေါင်းငြိမ့်ပြလိုက်ပြီး နီကီထွက်သွားတော့မှ လေပူတွေကို မှုတ်ထုတ်မိသည်။ တိုင်းတစ်ပါး၏ နယ်မြေထဲမှာမို့ ယွန်းဂီမှာ စိတ်အပူလွန်နေသည်။ သို့ပေမယ့် စိုးရိမ်စရာတော့ သိပ်မရှိ၊ သူရော ဂျောင်မျိုးနွယ်ရော ရုပ်ဖျက်ခဲ့တာမို့ ဝင်ရောဖို့တော့ အဆင်ပြေသည်။
" သွားကြရအောင် ဂျောင်မျိုးနွယ်... နယ်မြေအသစ်မှာ နည်းနည်းလောက် စူးစမ်းကြည့်ကြတာပေါ့ "
YOU ARE READING
FAP : Min Lineage Throne
Fanfiction(Ongoing) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္နာ...
