" ဖြစ်ပါ့မလား အိမ်ရှေ့စံ... ဒါမှမဟုတ် ကျွန်တော်ဘဲ လိုက်သွားမယ်လေ "
အင်္ကျီလဲနေသော အိမ်ရှေ့စံယွန်းဂီအား ဘေးနားရှိနေသော အပါးတော်မြဲဂျုံဆောင်းမှာ စိတ်မချဟန်ဖြင့် တတွတ်တွတ်မေးနေသည်။ အရပ်ဝတ်အင်္ကျီဝတ်ထားပြီးသား ဟိုဆော့ကတော့ ဘေးနားမှာ ဘာမှမသိစွာ ကြောင်တောင်တောင်လေးနှင့် ရပ်နေသည်။
ဘာလုပ်ရမယ်မှန်း သူတကယ် မသိသေးပါ...
" ဒီမှာ မင်းမရှိလို့ မဖြစ်ဘူးလေ ဂျုံဆောင်း... ငါနန်းတော်အပြင် ထွက်သွားတာကို တစ်ယောက်ယောက် တွေ့သွားရင် မိဖုရားခေါင်ကြီးနဲ့ အကိုတော်ဝီဒယ် သိသွားနိုင်တယ်၊ မင်း ဒီမှာရှိနေမှ နန်းဆောင်ထဲမှာ ငါရှိနေသလို ဖြစ်မှာပေါ့ "
အိမ်ရှေ့စံ၏ အမိန့်မမြည်သော စကားအဆုံး ဂျုံဆောင်း သက်ပြင်းချသည်။ ဆောင်ကြာမြိုင်အိမ်သွားမယ့် အိမ်ရှေ့စံကို အပါးတော်မြဲဂျောင်နဲ့ နှစ်ယောက်တည်း ဘယ်လိုစိတ်ချလို့ရမလဲ? ဆောင်းဟွန်းကလည်း ချွန်းဘိုကို အိမ်ရှေ့စံ လွတ်လိုက်လို့ နန်းတော်ထဲ မရှိဘူး၊
" စိတ်ပူမနေပါနဲ့ ဂျုံဆောင်းရာ... အလုပ်ကိစ္စပြီးတာနဲ့ ပြန်ခဲ့မှာပါ၊ ဂျောင်မျိုးနွယ်ကို ခေါ်သွားတာက အဖော်သက်သက်ပါဘဲ စိတ်မပူနဲ့ "
နှစ်ယောက်တည်း အနားကပ်ကာ တိုးတိုး.တိုးတိုး ပြောနေကြသော အိမ်ရှေ့စံနှင့် အပါးတော်မြဲ ဂျုံဆောင်းအား အနောက်နားက ဟိုဆော့မှာ မျက်မှောင်ကြုတ်ကာ ကြည့်နေသည်။ အခု သူကဘာလုပ်ရမှာလဲ? အင်္ကျီလဲခိုင်းလို့ လဲထားပြီး သူတို့နှစ်ယောက် တွတ်ထိုးတာကို ကြည့်နေရတယ်!
" ကဲ သွားမယ် ဂျောင်မျိုးနွယ် "
နောက်ဆုံးတော့ တွတ်တိုးခြင်းက ပြီးဆုံးသွားပြီး အရပ်ဝတ်အင်္ကျီနှင့် အိမ်ရှေ့စံက သူ့ကိုခေါ်ကာ အပြင်သို့ အရင်ထွက်သွားသည်။ ဟိုဆော့ လိုက်သွားရန် ပြင်နေစဥ်မှာပင် ဂျုံဆောင်းက လက်ကိုဆွဲထားသည်မို့ ဟိုဆော့ လှည့်ကြည့်လိုက်သည်။ အမှန်အကန်မျက်နှာထားနှင့် ဂျုံဆောင်းက...
" အိမ်ရှေ့စံကို ဘယ်လိုဘဲဖြစ်ဖြစ် ကာကွယ်ရမယ်နော် ဂျောင်မျိုးနွယ်... အသက်ကို ရင်းရမယ်ဆိုရင်တောင်မှ အိမ်ရှေ့စံကို တစ်စက်ကလေးမှ ထိခိုက်လို့မဖြစ်ဘူး နားလည်လား? "
YOU ARE READING
FAP : Min Lineage Throne
Fanfiction(Complete) { Future And Past } There's no future and past. If we are together, it's the present. Story ထဲမှ ဇာတ်လမ်း၊ ဇာတ်ကွက်၊ တည်နေရာနှင့် အမည်နာမများသည် စာရေးသူ၏ စိတ်ကူးဖန်တီးမှု သပ်သပ်သာ ဖြစ်သည်။ Story ထဲမွ ဇာတ္လမ္း၊ ဇာတ္ကြက္၊ တည္ေနရာႏွင့္ အမည္န...
