ياسند هالحياة يا ضلع من ضلوعي

البارت الثاني

الريم:قبل سته شهور وصل للمركز ٣ اظرف فيها تحليل DAN لعينات مختلفه وعليها حروف اول واحد كان بشعره لونها اشقر وكان مكتوب عليه A,M
والثاني كان عليها J,M والثالث N,M
مُنيف كان فخور جدًا بتحليل الريم ،ماشاءلله يا ريمي تسلم لي هالعيون
كانوا ملاحظين نظرات سطام المصدوم
الريم:ترا لسى ما خلصت ،مدالله عنده ولد عمره 24مو اخو جادي لان أصلًا جادي مو ولده كان مجرد تضييع عشان محد يفكر يكشف عن نواف اللي في مزرعته اللي ما قد فكرنا نشوف ايش فيها والظرف اللي مسجل اسمه  N,M في النظام بـ نواف مدالله حسين العبدالله يعني غير اسم الجد والعايله فقط
سطام بغضب:كنت معك طول امس ليه ما قلتي لي ولا مو على قد مقامك
الريم:شفت كيف يقهر؟،انا بعد كنت معك بس ما قلت لي انه جادي مايعرف انه مو ولده وان امه عايشه
سطام:وانتِ بـ اي حق تفتشين اوراقي
الريم:ما فتشت بالغـ
منيف:بعد هاذا اللي باقي تتهاوشون قدامي لهدرجه مالي احترام عندكم
الريم وهي تقبل راسه :والله اسفه م كان قصدي وقدرك عالي ولا تزعل علي
سطام:اعتذر طال عمرك ما كان قصدي اقلل احترامك انت على العين و الراس
الريم وهي تحس بتعب غريب:اذا ما بقى شي انا استاذن بروح للبنات
منيف:لا سلامتك
مسكت المقبض الباب بتطلع و تداهمها دوخه وتتهاوى قدامهم على الارض

منيف بصدمه وبنبره مليئه بالخوف:بسم الله سطام قم المستشفى يا ابوك
سطام وهو يحملها بحضنه متجاهل كونه مو محرم لها ويطلع للصاله اللي تضم البنات بدون لا ينتبه انهم بدون اي حاجه تسترهم
انصدموا من شافوا المنظر قدامهم ونسوا انهم بدون حجاب ويركضون يسألون الجد شفيها
منيف:سطام انتظر بروح معك
سطام اكتفى بانه يرمش لجده  بالايجاب وهو يركض للسياره
وَحَش:جدي ايش فيها؟
منيف:لا ان شاءلله ما فيها الا العافيه لا ترتعبون
ملامحهم المرعوبة كانت كافيه انها تدب الرعب بقلب الجده غزيل :شفيها الريم؟
وعد:سمعتي كلام جدي يقول مافيها الا العافيه

المستشفى~
فتحت عيونها المنزعجة من النور الموجود فوق راسها
منيف:الحمدلله على السلامه يا جدي
الريم:الله يسلمك ،شصار؟
منيف:اغمى عليك وحبينا المستشفى ،لاتخافين بتطلع التحليل ونرتاح ان شاءلله
قاطعهم دخول الدكتوره :الحمدلله على السلامه يا الريم ،الحمدلله التحليل تظهر انه ما عندك شي جدي بس دمك ناقص و الحديد كذالك ،بتجي النرس تعطيك حديد وبعد ما يخلص تقدرين تمشين البيت وانتبهي على اكلك ،اكملت وهي تناظر سطام و تبتسم ،اذا ودك ما تتعبك بالحمل انتبه لها من الان وترا هي سليمة 100%
الريم وهي تضحك:بس حنا مو متزوجين
الدكتوره بفشله:اسفه لما شفته واقف بالغرفه توقعته زوجك
الريم وهي تو تنتبه لوجود سطام بالغرفه

الباب وهي تبكي :الريم يمه وش فيك شنو جاك طمنيني عنك
الريم وهي تضمها:ما فيني شي يا نظر عيني
عبدالرحمن:الحمدلله على السلامه يا روح بابا
الريم بـ ابتسامه:الله يسلمك
خالدة:شفتي كيف كم مره قلت لك انتبهي على صحتك وكلي لاحقه على الشغل،راضيه باللي صار الحين؟
منيف عارف قد ايش خالده منزعجه من شغل الريم لكن خالده ما تعرف حقيقة شغلها وهو ما بيده شي الا انه يمشي هذي الكذبه:ان شفت ظلك في الشركه هالاسبوعين كسرت لك رجلينك
الريم :بس فيه اجتماعات لازم اكون فيها
منيف:فيه ولا مافيه بتجلسين لين تتحسنين
سطام وهو يطلع من الغرفه:الحمدلله على السلامه يا بنت العم
الريم :الله يسلمك،ويعطيك العافيه ما قصرت
خرج سطام بعد ما حس بغصه وهو يشوف خوف امها عليها وهو وخواته انحرموا من امهم بعمر صغير ،شتت انظاره لان مهما يصير ما يوضح مشاعره وحروبه اللي داخله الا لشخص واحد في هاذي الحياه كلها