ياسند هالحياة يا ضلع من ضلوعي

البارت الخامس عشر

و اكملت:ننام؟ لكن سرعان ما لفت للصوت اللي جا من وراها
وَحَش:لا يبا مافيه نوم فيه تحقيق
وريف اللي كانت متصله عليهم فيس تايم:مو عشان اني بالمستشفى تحسبين انه كان يمديك تهربين منا
عهد:والله شوفي سالفه تنخطبين و توافقين و مدري ايش تحسبين بتعدي لا لا مستحيل
الريم:تستهبلون انتو؟ ، لو ادري رجعت بيتنا احس بغدره كذا
وعد:شوف هو حنا اسفين بس
دونا:يعني انتِ بتتزوجين سطامنا استوعبي سطامنا
الريم:ما خليتوني استوعب انتو انقضيتوا على مثل ما الاسد ينقض على فريسته ،كانت لسى اعصابها متوتره من كل شي مر عليها اليوم و ما بين كانت تحسب انها جات لعند وعد عشان تهرب من كل شي و تنام ، البنات خلوها تواجه كل شي مره وحده
وَحَش:احم ست ريم
لفت انطارها لها :ريم!
وَحَش:خطأ مطبعي الريم نقصد ،كانو مثبتين الايباد بالطرف بحيث انه هم و وريف يقدرون يشوفون و يسمعون بعض
وريف:متى حسيتوا بشرارة الحب الاوله؟
عهد:يا ترى هل هو غار بعد خطبة خالد؟
دونا:طيب هل بتعقدون هالفتره ولا؟
وَحَش:الاهم من هذا كله شصار بينكم؟
وعد:و ايش بيصير كمان؟
كانت تشتت انظارها عنهم بيأس كيف تقول انه ما بينهم شي؟ وانه زواجها منه عشان خطورة دوامها و انها صارت مكشوفه؟ وكيف تقولهم عن مواقفها معه واللي بدت تجيها بهيئه افواج ذكريات تؤلم راسها و ترجف ايدينها اكثر ، و من كثر المشاعر اللي تجتاحها تحولت لـ اللون الاحمر و اللي بنات ضنوه بسبب الخجل
قاطع سرحانها صوت الباب اللي انضرب:الريم !
لفت انظارها للباب بـ استغراب و زاد استغرابها من نظرات البنات لها اللي كانت عيونهم قلوب اخذت حجابها تمشي للباب:سطام؟
تنحنح بهدوء:الفريق مشعل
الريم:شفيه؟
سطام:عيال مد الله يبي نتعمق بالبحث اكثر من الان
رجعت انظارها لجوالها و هي تشوف رساله الفريق مشعل اللي فعلًا راسل رساله محتواها كالاتي:الملازم الاول خذي النقيب لشقتك و باشروا التحقيق في نواف و جادي تم رصد تحركات جديده لهم و وجب التأكد منهم
مشينا
سطام:المقر ولا شقتي؟
الريم:ولا واحد و مشت للبنات ،وعد ابي ايبادي
وَحَش:بدينا شغل متزوجين؟
الريم:شدخل ابي ايبادي لانه عندي شغل بالشركه و هو بيوديني لانه ما عندي سياره
عهد بغمزه:وليه هو يجيك لهنا و يقول لك؟
هزت راسها بـ اسى منهم و من تفكيرهم:جوالي صامت و جدي اتصل عليه هو ، مشت تاركتهم وراها اذا كان في طبع يزعجها بالحياه هو الاصرار على الاشياء اللي بحياتها الخاص و تشوف انه ماله داعي احد يعرفها لانها من حياتها و اسوء اطباعها لانها لازم تختلي بنفسها بعد كل حدث حتى لو استمرت لايام عشان تقدر تستوعب الاشياء و وقت ما تختلي يمكن تنفجر على اي احد
مشت للسياره اللي كان منتظرها فيها ولاحظت انه غير عن السياره اللي جاو فيها:ليه غيرتها؟
سطام:احسن ،مد يده للكيس اللي بالمقعد الخلفي و اخذ منه كرتون و اعطاها اياه:شنو؟
سطام:اخذت لك شوز سبورت عشان يمديك تتحركين
الريم بصدمه:يعطيك العافيه بس ليه تكلف على نفسك و كيف عرفت مقاسي
سطام:ما فيه كلافه
كانت ملاحظه انه ما يجاوب على كل اسئلتها اولها القلم و ثانيها هالسؤال
عند البنات~
وعد:شفتوا زعلت قلت لكم
وَحَش:صدق حسيت انه مالنا داعي وحنا ندري انها ما تحب هالاشياء
وريف:مين وداها؟
عهد:سطام
وريف:اهخ يا الحب اخوكم جنتل مان
وعد:اسكتي يا راس البلا كله من تحت راسك
وريف ببرائه:شدخلني؟
وعد: بنات لازم نستفرد بريم عشان نعرف كل شي من كلامه هذا؟ و مين دق من اول ما صحى من البنج يسال اذا كل شي جاهز او لا؟
وَحَش:طبعًا وريف
وريف:اعلن انسحابي
بيت عبدالرحمن~
هتان:شفيك يا ولد
شريان:ولا شي
هتان:مو علي اقول اخلص
شريان:قدني سألت ولد عمك عن الريم و لا قد لمح لي انه يبيها و بعد فتره رجع يخطبها و هي وافقت يعني هذي مو الريم في شي غريب
هتان:شف كلنا نعرف سطام و انه ما بعمره تكلم بشي يبيه و لا يلمح و اذا الريم فهي مهما كانت اختنا ف هي لها عالم مخفي عنا كلنا و كلنا ندري انه ما بنقدر نعرفه و انه خوافيه اكبر منا فـ لا تستغرب هالقد
شريان:مو فاهم لو غصب عنها؟
هتان:برايك في شي يجبر الريم هي الريم ماهي وحده ثانيه من البنات لا تنسى
شريان:يريحني انها الريم و يخوفني انه سطام