လောကနိယာမများ ကို ဆန့်ကျင်၍ (သို့)
ဧကနဒီ
အပိုင်း၃၄
မျက်နှာကျက် အဖြူရောင်က သူ့မြင်ကွင်းဝယ် ပီသစွာ ပေါ်လာသည့်အချိန် သူရ၏ ဝမ်းသာအယ်လဲ အသံကို သုန္ဒရ ကြားလိုက်ရသည်။
“ နိုးလာပြီ သုန္ဒရ နိုးလာပြီ! ”
ကျန်လူများလည်း ယခုမှ ဟင်းချနိုင်ကာ စိတ်အေးသွားတော့၏။ ဒေါ်မိုးမာလာသည် သားဖြစ်သူကို ပွေ့ဖက်လိုက်မိရင်း ဝမ်းသာမျက်ရည်တို့နှင့် ပြောလိုက်မိတော့သည် ။
“ တော်သေးတာပေါ့ မသေကောင်း မပျောက်ကောင်း သားရယ် ”
သုန္ဒရသည်တော့ စိတ်နှင့် ကိုယ်နှင့် ပြန်မကပ်သေး ။ သူ့အာရုံတွင် ရူးသွပ်မတတ် ကြေကွဲအော်ဟစ်နေသည့် တစ်စုံတစ်ယောက်၏ အသွင်က ထင်ရှားနေဆဲ ။ မိခင်ဖြစ်သူ၏ ရင်ငွေ့ကိုတော့ ကောင်းစွာ မှတ်မိကာ နှုတ်ခမ်းလှုပ်ရုံ ရေရွတ်မိ၏။
“ အမေ ”
နေခသည် သက်ပြင်းချသံ တစ်ချက်နှင့်အတူ ပြောလာ၏။
“ တော်သေးတာပေါ့
ထွေထွေထူးထူးမရှိဘူး ပြောပေမယ့် မင်း နိုးမလာတော့ ငါတို့အားလုံး စိတ်ပူနေတာ ငါ့ကောင်ကြီးရာ ”
‘ တော်သေးတာပေါ့ ’ ဟု အသီးသီး ရွေးရွတ်ကြရင်း
စိတ်အေးသွားဟန် သက်ပြင်းချသံများကြား စိတ်မအေးစွာ ပူလောင်နေရသူက သုန္ဒရ တစ်ယောက်တည်းသာ။
ဟင့်အင်း ဘာတော်သေးတာလဲ သူ့နှလုံးသား တစ်ပါးသောလောကမှာ ကျန်ရစ်ခဲ့ပြီလေ ။ မဏိ မဏိရော ဘယ်လိုဖြစ်ကျန်ခဲ့မလဲ ….
မေ့ပျောက်သွားလေမလား ရင်နာရပေမယ့် အင်း မေ့ပျောက်သွားခဲ့တာကလဲ တစ်မျိုး ကောင်းပါတယ်လေ ။
လက်ချောင်းတို့ဆီ မရည်ရွယ်ဘဲ အကြည့်ပို့မိလျှင် ပတ္တမြားလက်စွပ်က ဝင့်ထည်စွာ တည်ရှိလျက် စိတ်ကူးယဉ်တံလျပ် တစ်ခု မဟုတ်ခဲ့ကြောင်း သက်သေတည်နေ၏။
ဧကနဒီဟာ အမှန်တကယ် တည်ရှိခဲ့ကြောင်း သက်သေတည်နေကာ သုန္ဒရကို မမေ့ပစ်စေလိုကြောင်း သတိပေးနေသလို ။
YOU ARE READING
ဧကနဒီ (Completed)
Romance''မောင်မင်းဟာ ကိုယ်တော်ရဲ့ ဧကနဒီပါပဲ သုန္ဒရ'' ဧကနဒီ ပြည်ဆီ အလည်တစ်ခေါက်သွားကြရအောင်လား💜 ကိုယ့်ရဲ့Ficထဲမှာ ပါဝင်သမျှ အကြောင်းအရာတွေက ကိုယ့်ရဲ့ စိတ်ကူးယဥ်မှု သက်သက်သာ ဖြစ်ပါတယ်..ဒီတော့ အမှားအယွင်းရှိရင် ခွင့်လွှတ်ပေးကြပါနော်။ End Date - 17.9.2023(SUN)
