لاڤندر .

4

لاڤـندر ..
لزهـراء أل عـلي .
-----------
- تفاعلو .

أيلين : شفت هبه خافت حيل و ظلت منزله راسها و ساكته باوعتله اني بسرعه و شفته معصب كلش و عيونه صايره حمر ، گلتله بسرعه ..

أيلين : ضرغام اني گلتلها تاخذني اشوف البساتين مال جدو .

ضرغام : و البساتين مال جدج شوصلها لاسطبلي ؟.

أيلين : شدعوه يعني واذا اجنه لاسطبلك اني سمعت صوت الحصان و گلتلها خلي نروحله لاني احب الاحصنه .

ضرغام : شو انتِ تراددين و بكل عين صلفه ؟.

أيلين : لٱ تگلب السالفه انتَ جاي تسئل و اني اجاوبك .

ضرغام : والله خوش عمي ، امشن يلا للبيت گدامي و فوگاها حتى احجبه ما لابسات .

هبه : حاضر ، امشي ولج انتِ .

أيلين : والله يألله يردونه نموت لٱ نطلع و لٱ نطب هسه احنا وين رايحين غير گاع جدنه .

ضرغام : لسانج ولج لٱ اگصه الج .

أيلين : لٱ تگلي ولج و مو تايهتلك حتى تگصه .

ضرغام و هو يمسح وجهه بادي : استغفر الله العلي العظيم ، هبه امشن ولن للخره لٱ تخلني اكفر .

أيلين : كفر والله بس انتَ الخسران باجر تنطرد من رحمة الله ، امشي هبه .

مشينه و بس ابتعدنه عنه شويه گالت هبه و هيه مصدومه ..
هبه : عزه بعينج ولج شلون تراددينه هيج ؟.

أيلين : واذا قابل شسويت شنو نبي و ما ارادده ؟.

هبه : يمه الله ينطيني جرائتج .

أيلين : اميين .

رجعنه للبيت و لگينه امي و عمتي بالمطبخ يطبخن وي ام سعد و مخبوصات .. بس نزعت عباتي و گلت

أيلين : شكو يمه ليش مخبوصات ؟.

ام أيَهم : جدج قرر يسوي عشه نلتم بي بمناسبة رجعتنه .

هبه : غير سواه العشه اول يوم ؟.

ام فلاح : ذاك جان جبير شيوخ و خيريين السلف جايته و هذا هسه بس النه ال بو قحطان ..

هبه : و الله عنده سوالف و هسه نظل نغسل اماعين احنه .

ام فلاح : بطلن سوالف و امشن حظرن الاماعين و الاستكاين .

طلعنه الاماعين اني و هبه من الكاونتر و طلعناها لبرهه نغسلهن .. گعدنه نغسلهن و نسولف على جدو و طبايعه .. كملناها و دخلنه لجوهه شويه و اجن نسوان عمي و عماتي و گمنه سلمنه و گعدنه احنه البنات كلنه بالصاله الثانيه نتعرف ، و الحمـد اللـهَ جانن كلهن حبابات و يحبني مو مثل ما توقعت ..