لاڤندر .

24

لاڤـندر ..
لزهـراء عـلي .
-----------
- تفاعلو .

جُمانه : رجعنه للبيت و بالطريق جنت متوتره انطي الصور لچسَر لو لٱ ، ذاكه جَسور لأن دايسه وياه ميانه جبتهن اطيتهياها و اخذت بمكانهن فلوس ، بس هسه چسَر مستحيه احجي وياه ..

من نزلنه قررت من يملچون اطيه الصور ، دخلت للبيت اشرتلهن بـعباتي و صعدنه گُبل ، دخلنه للغرفة نزعت عباتي شُمرتها و نزعت الشال و هنه اجني ...

سجى : هاا ولج جبتيهن ؟

ريتال : وين موبايلج وينه ؟؟

جُمانه : ذاكه جيبي.

جابته و گعدن هنه يمي كلهن حتى ريحانه و طلعتلهن صور أيلين ، الي ظلت صافنه و الي صلت على النبي و الي تمدح بيها ..

سجى : ولجن هنيال الشيخ عليها گُمرر گُمرر .

ريحانه : و شلونها حبابه ؟

جُمانه : اي والله مبين عليها حبابه و هادئة .

ريتال : اي لٱ هنه بنات ال قحطان كلهن حبابات و مؤدبات .

ريحانه : يلا الله يتمم على خير .

جُمانه : و هسه كومن افرشن علما ابدل لان اريد انام ورانه رُمضان و الصبح نروح نجيب النيشان .

گمت بدلت و غسلت مكياجي و لگيتهن فارشات و نايمات جبت مخدتي و بطانيتي من الجربايه و دفرت ريتال و نمت بـصفها ..

لشويه و گعدت على صوت المُنبه الحطيته و گعدت البنات و نزلت سويت السحور ، اجن هنه وراي ساعدني و فرشنه السُفره و حطينه الاكل عليها و اجوا اهلي كلهم گعدوا ،

كملنه و ريتال وگفت غسلت الاماعين واني ظليت على الجاي لشويه و صاح امساك و شربنه ماي و صلت و نمت ،

گعدت على صوت امي متأخره گمت بسرعه غسلت و بدلت و لبست عباتي و اخذت جنطتي و بس حطيت حُمره شويه و طلعنه وصلنه جَسور ، اني و امي و عمتي ام چاسر ،

وصلنه و بدينه نشتري اشترينه ڪُلشي ملابس نوم هواي ڪُلش و 4 دشاديش و ملابس داخليه من اختيار امي و شالين و مكياج هم اشترينه و اخر شي اشتريناه دراعه ، امي جابت ثنين گالت وحده بيضه و وحده زرگه گالت من تجي لهناا تلبسها ما تنطيها بالنيشان ، و شفت فُستان ابيض طويل و كتافه مفتوحه گلت لأمي تشتريه للعقد لأيلين و جابته وره ما نجيت عليها ..

و اني هم اشتريت فستان للملچه و مكياج و صارت بـ12 اجانه چاسر خابر عمتي و طلعناله ، نزل اخذ منه الغراض و حطاها بالجنطه و احنه صعدنه ، و جنه كلنه طول الطريق هادئين و محد يسولف لمن دگ موبايله و رد عليه ..

چاسر : هااا .. راجع من السوگ وياي الاهل .. شتريد مضرط ؟.. انتَ فاطر ؟ ... چاا ليش تاكل نعل ، خُـوشَ اطلع انتَ لجَسور وعود الحگكم ، يلا الله وياك .