لاڤندر .

43

لاڤـندر ..
لزهـراء عـلي .
———————————
- تفاعلو .

أيلين ..

دخلت للغرفه أنام لان عمتي گالت الگعده عليج مو زينه ، اتمددت بمكاني و لزمت موبايلي اتصفح بي و دخل چسَر خله عگاله على الكومدي و اجه گعد يمي خله أيده على راسي و قبل لا يحجي رن موبايله ..

طلعه من جيبه باوعله و رجع باوعلي ، گام لنهاية الغرفه يلا رد عليه و شفت معالم الصدمه اعتلت وجهه و ظل ساكت ما يحجي شي ، خفت من ردة فعله گملته وصلت بـصفه و گلت ..

أيلين : چسَر شكو شبيك ؟؟

سد الموبايل و بسرعه باس راسي و اخذ عگاله و محفظته و سويج السياره و طلع بسرعه علما لبست حجابي و طلعت وراه لگيته رايح و عمي و الشيخ طلعوا وراه هُـمه و جَـسور ..

و الشيخه جانت حاطه أيدها على حلگها و مصدومه و عمتي واگفه بالباب تدعي ، رحت يمها و گلت ..
أيلين : عمه شكو شصاير ؟؟

باوعتلي بنظرات قلق و ترددت قبل لا تحجي بعدين گالت ..
ام چسَر : حجي حاكم طاح و اخذوه للمستشفى .

أيلين : الله يگومه بالسلامه .

ما اقتنعت ، و گلبي حسني اهلي بيهم شي رجعت للغرفه اخذت الموبايل و اتصلت على هـبه خمس مرات و ما ردت ، و من أيست منها اتصلت على امي و هَم ما ردت انشلع گلبي و ايدي گامت ترجف ما تثبت التلفون ..

طلعت للهول و گلت ..

أيلين : عمه اتصل على أهلي ما يردون حاجيني المن فزعوا ؟؟

الشيخه سميره : حبوبه شمالج ما عدج غير لهجة اهلج شبيج مفاولتهم .

ام چسَر : شبيج يُمه يجوز يشتغلن عدهم خطار شويه و دگي عليهن .

گعدت على التخم والنبي احس بيهم شي مدري ليش اجه جدي ابالي و انه صارلي هواي ما شايفته ، مرت نص سَاعـه و ماكو لا احس ولا خبر البيت هدوء لمن صارت بـ3 رن موبايل عمتي و جاوبت عليه ..

ام چسَر : هَـلاّ يُمه ، ياهو الرايدها ؟، يلا راح اگللها يلا على كيفك من تسوق ، الله وياك .

أيلين : شكو عمه ؟

ام چسَر : گومي عمه لبسي عباتج چسَر يريدج ودالج چاسَر گال من اوصل اريدها بالباب جاهزه .

أيلين : وين يريد بيه ؟

ام چسَر : والله ما ادري گومي والله كريم .