لاڤـندر ..
لزهـراء عـلي .
-----------
- تفاعلو .
هبه : شويه و حسيته رجع لبسني و سده السحابه ، فتحت عيوني و باوعتله و گلت ..
هبه : اريد اطلع احسك راح تاكلني .
أيَهم : شيصبرني مناا للعرس .
حجه و وخر عني واني گملت عدلت صدر فستاني و هو يباوع ، لبست حذائي و گمت باوعتله و گلت ..
هبه : صدگ عندك شغل الصبح ؟
أيَهم : اي ليش ؟
هبه : عود ردت اروح اشتري فستان للعقد ما عندي و أيلين ما تروح جابولها ، ماشي تصبح على خير .
أيَهم : وانتِ من اهله .
طلعت و سديت الباب و دخلت للغرفة لگيتهن نايمات كلهن حتى أيلين ، بدلت و غسلت وجهي و نمت ..
گعدت على السحور جانت امي مسويته بس اكلت و رجعت نمت جنت مطفيه حيل ، گعدت على صوت عَمتي فتحت عيوني و گلت ..
هبه : هاا عمه ؟
ام أيَهم : گومي أيَهم يصيحلج .
هبه : جايه .
گمت عدلت شعري و غسلت وجهي و بدلت طلعت لگيته منتجي على المحجر شافني و گال ..
أيَهم : صباح الخير .
هبه : صباح النور ، بيش الساعه ؟
أيَهم : بـ8 ، مو گلتي تردين تشترين فستان ؟
هبه : اي ؟
أيَهم : اي روحي بدلي يلا .
هبه : غير گلت عندك شغل ؟
أيَهم : الشغل اهم منج ؟
ابتسمت و رحت بدلت لبست بنطرون و بدي و فوگهن بشت عريض و شال ابيض حليبي و خليت مكياج خفيف ڪُلش بدون لاينر بس حُمره بُني و جنطه بيضه و حذاء كعب ناصي و نزلت ، لگيته گاعد على التخم باوعلي گلت ..
هبه : بس احاجي امي و اجيك .
رحت لغرفتها دگيت الباب و دخلت ابوي بعده موجود اجتني گالت ..
ام فلاح : وين تردين ؟
هبه : للسوگ اني و أيَهم ، اگُلج انطيني فلوس اريد اشتري فستان .
ام فلاح : اوگفي ... هاج هاي 125 مالاتي ما اگدر افتح القاصة ابوج نايم .
هبه : هاي هي اصلاً هواي يلا الله وياج .
ام فلاح : الله وياج .
طلعت لگيته صاعد السياره و مشغلها ، صعدت يمه و طلعنه للسوگ من وصلنه افترينه اكثر من محل و ما اشتريت ما يخليني اجيب شي مفتوح بالاخير دخلنه لمحل لگيت فستان نيلي طويل و بي فتحه طويله و منفوش و من فوگ كامل بس بدون ردانات و فتحة صدره جبيره من شافني اباوعله گال ..
أنت تقرأ
لاڤندر .
Chick-Litرأت زهرة لاڤندر عند جيران عمامها فـغيرت لـها هذه الزهرة مجرى حياتها !.. رواية حقيقه حدثت في العـراق في شتاء ٢٠١٤ ، فـتاة مـن شمال الـعراق تجد نصيبها فـي جنوبـهُ . - بـقلمي أنا .. زهراء علي . - باللهجة العراقية . - روايه تحوي بين كلمات سطورها العُنف...
