لاڤندر .

42

لاڤـندر ..
لزهـراء عـلي .
——————–––– 

- تفاعلو .

أيلين ..

- بس گتلج بسبب الجهد عندج خطر الاجهاض و نبضات الجنين ضعيفه حيل راح انطيج أبرة تثبيت تضربيها هسه و ترجعيلي وره عشرة أيام نشوف النبض ، و حاولي بـهاي العشرة أيام ما تتحركين نهائيًا و خاصة الدرج ما تصعدينه و ثگل ما تشيلين ولا تدنگين بوضع خطأ يعني انتبهي لروحج .

أيلين : ان شاء الله اذا الله راده يثبته .
فرحتي ما انطيها لـبشر ، احسني طايره بالسما و تخيلت ردة فعل چسَر شلون و امي شلون و ابوي و بيبيتي و اصلًا بس ضحكة عمتي هسه گبالي مفرحتني، و بنفس اللحظه خايفه خاف يوگع و يكسر فرحتي ، بـهل اللحظه نسيت كل الألم تهت بأفكاري ..

طلعت عمتي من اخذت الوصفه من الدكتوره تنطيها لچسَر ، و الدكتوره بقت تحجيلي عن وضع الجنين و تمنعني من الحركه و گالت عمره تلث اسابيع ، رجعت عمتي جايبه العلاج و اخذت المُغذي و خلته ألي و خلت بي أبره گالت راح توقف النزيف و خلتلي مُخده جوه رجليه حـتى يوگف ،

و طلعن ثنينهن و عافني ظليت اباوع وراهن حسبالي اكو شي و ما تريد تحجي الدكتوره گدامي ، بس هنه طلعن علمود يدخل چسَر ..

دخل و أجاني بسرعه لزم أيدي و گال ..
چسَر : هاا شگالت الدكتوره شبيج ؟؟

فرحت لأن عمتي ما گالتله ، خليت أيدي على بطني و گلت و أني اضحك ..
أيلين : أني حامل .

ظليت عيون تتنقل بين عيوني بـهدوء لمن ظهرت معالم الفرحه بـوجهه و عيونه الـصارت تلمع ، باس راسي و گال ..

چسَر : الله يطرح بي البركه و الخير و يحفظكم ألي يا راحتي الحصلتها وره تعب العمر .

أيلين : و يخليك خيمة نحتمي بظلها علينه و فخر نتباه بي .

چسَر : احبنج يا دوه جروحي .

مشاعري حارت بيمن تفرح ، ضحكتي و دموعي ظهرن و هـوَّ باس عيوني يمنعهن ، و رجع باس خدي و أيدي و گال من تذكر ..

چسَر : چاا و النزيف المن ؟؟

أيلين : أني من البارحه بلليل من كملنه شغل ظهري گام يوجعني حـتى عفت النسوان و صعدت گوه بس اريد ارتاح و نمت گبل ، و بسبب التعب و الجهد الزايد صار خطر على الجنين و لو ما لطف الله بينه جان هسه اجهضت .

چسَر : جاا انتِ بويه ما عرفتي روحج حامل ما بينت عليج اعراض شني ؟

أيلين : لا ناسيه روحي من هوسة العرس .

چسَر : و الطفل شگد عمره ؟

أيلين : تلث اسابيع ، بس أني خايفه خاف يوگع لا قدر الله چسَر گالت نبضه ضعيف ڪُلش و اقل حركه مو زينه عليه يعني كون نهائيًا ما اتحرك .