لاڤندر .

13

لاڤـندر ..
لزهـراء عـلي .
-----------
- تفاعلو .

هبه : طلعنه من بيت الشيخ عناد و نتمشى ، و فجأة سفطت سيارة يم أيلين و لزمتها واني حاولت اسحلها منهم بس ما گدرت و صعدو أيلين بالسياره و راحو و عمتي ظليت تصيح و علئ صياحها اجو كل الزلم الجانو گاعدين بطارمة بيت الشيخ ..

اجو أيَهم و فلاح و ضرغام يتراكضون و اني رحت لزمت عمتي الي وگعت بالگاع و تصيح يُمه خذو بتي ،

أيَهم : شكوو يُمه شبيج ؟؟

فلاح : يُمه شصاير ؟

چسَر : عساه ما شر ؟

الشيخه زهره : يُمه اجوا وادم ملثمين و اخذو بت عمك و راحو !

أيَهم : أيلييننن ؟

فلاح : امشونهه خلي ندورها منين طلعو ؟

ام فلاح : مناا كتر بيتنه ولكم يُمه الحگوا البت بساع .

و راحوا كلهم ركبوا سيارتهم و حتى الشيخ چسَر وياهم و ولد عمه ..

واحنه اجواا عمامي هم هستوهم و دخلونه للبيت و بيبيتي ظلت تسولف وياهم ، عمتي ظلت بس تلطم و تصيح بتي راحت مني بليله ظلمه !.

..

جان الوضع بالبيت ڪلش صعب ، جدو جان گاعد هو و بيبيتي و عينهم على الباب هلبت واحد يمر ينطينه خبر ، عمامي و ولدهم و ابوي و اخوتي كلهم طلعوا يدورون على أيلين ،

و عمتي گاعده يم التخم و حاط ايدها على خدها و تباوع للباب ، و امي بصفها و هل حجي الساعه بـ1 بليلل !
واني جنت گاعده يم عمتي بالجهه الثانيه و هم اباوع للباب ..

و صارت بـ2:30 رجعوا كلهم ، فزت عمتي و ركضت لعمي علي لزمت ادي و تگله بصوت يكسر الگلب ..

ام أيَهم : وين بتي جبتوها وياكم موو ؟.. احجي علاوي لٱ تشلع گلبي وين بنيتي ؟، عفتها وحدها بين الوحوش ؟.. بتك الوحيده شگلت لگلبك من عفتها و اجيتت ولكك احجييي وين بتييي .. وين بتيي

جانت تحجي وي عمي المنزل راسه و تبجي ، و أيَهم عيونه حُمر و اجه شبگ امه و يهدي بيها .. وهنا حجه جدي و گال ..

الشيخ قحطان : وين البت ؟

فلاح : شيخ دورنه السلف بيت بيت ، و حتى رحنه للمدينه ندور و ما لگينه ، و چسَر و زلمه و ولد عمه جانوا ويانه ، وما لگيناها مثل الدهن و ماع !.

الشيخ قحطان : رحتوا لبيت گاصد ؟

ابو فلاح : رحنه و فترينه ابساتينهم و وره بيوتهم و ماكو !.

الشيخ قحطان : چااا هسه شلون تردون تناموا و حفيدتي نخطفت ؟!.. احجو ليش سكتم ؟

ابو عمر : محفوظ جاا شنسوي ، خلي نگعد و الصبح بس يطلع نور الله نطلع ندورها .