لاڤندر .

37

لاڤـندر ..
لزهـراء أل عـلي .
-----------
- تفاعلو .

هـبه ..

فتحت عيني على صوت اُمي تصيحلي من جوه ، باوعت للساعه بـ9 طفرت بسرعه ، اول مَـره اظل نايمة لهيج وكت كل يوم تگعدني أيلين و ننزل نتريگ سـوه ، گمت بسرعه غسلت وجهي و لبست دشداشتي و نزلت اركض ..

ام فلاح : يمكن اذا ما اصيحلج ما نشوفج لـثاني يوم !

هـبه : يُـمه شبيج تعبانه غير من امس و محد گعدني جانت أيلين تگعدني و ننزل .

ام فلاح : جاا هسه شلون اجيب أيلين تگعدج كل يوميه ؟

باوعتلها بـطرف عين ما راضيه على كلامها ، دنگت على نعالها و هي تحجي ..

ام فلاح : اجيب ابوج شلون تباوع تعاي خل اعدلج عيونج بالنعال تعااايي .

هـبه : اتشااقه وياج صدگ جذب شمالج ما تتحملين شقه .

ام فلاح : لا والله اطيتج مجال اني .

اتقربت يمها لزمت راسها و بستها بخدها بقوة و گلت ..
هـبه : ولج ام فليح شعندي غيرج اني ما تگليلي .

ام فلاح : وخري هيجي امشي كتري المطبخ يلا و سوي غده للوادم.

هـبه : على طاري الوادم شو ولا طير وينهم ؟

ام فلاح : عمج و عمتج و الشيخه راحوا يشترون هدايا لأيلين باجر نروحلها و البقيه كلمن بشغله .

هـبه : و انتِ شتاخذيلها ؟

ام فلاح : وديت وي عمتج فلوس تجيبلي محبس الها و ابوج يطيها ميه .

هـبه : خُـوشَ اسوي تبسي دجاج ؟

ام فلاح : كلشي الجان .

رحت للمطبخ فتحت الثلاجه مابيه حيل اتريگ بس جبرت نفسي اكلت شويه و غسلت الاماعين و سويت الاكل و امي راحت خبزت ،

كملت و گعدت على التخم فتحت موبايلي شفت صوري مال البارحه و صور البنات و أيلين ، بعدني اگلب بيهن و انفتح الباب عدلت گعدتي و باوعتله دخل أيَهم لابس قميص و بنطرون و مبين عليه تعبان ..

شافني اجه يمي گعد بصفي منتجي و خله أيده على راسه يفرك بيه ، گلت و اني ارتب بشعره ..

هـبه : گواك الله ..

أيَهم : يگوي حيلج بويه ..