لاڤندر .

14

لاڤـندر ..
لزهـراء عـلي .
-----------
- تفاعلو .

أيلين : صعدوني غصب جنت اصيح و اصارخ و اضرب بجام السياره و محد طلعني ، و سكتت من حسيت السجينه نحطت يم رگبتي و شدو عيوني !، و سمعت واحد گالي و صوته جان قريب عليه ڪُلش ..

- اي صوت نسمعه من حلگج الحلو نطشر راسج بدون تردد .

هدأت ، و ظليت ساكته طول الطريق افكر شلون راح انقذ نفسي ، و اول شي عرفته الطريق مو بعيد عن بيتنه ، اني بعدني حالياً بالقريه مالتنه ، لان شويه و وگفت السياره و نزلوني ، مشيت اول شي على ترابه و بعدين حسيت بالگاع صارت عدله وصعدت درجه ، صارت كاشي !.

و شويه و دخلوني لغرفه اعتقد لان شمروني بالگاع و واحد جر ايدي و ربطها بسلسله قويه مبينه من صوتها ، و طلعو و سدو الباب .. انتظرت شويه و دنيت وجهي لأيدي و فكيت عيوني ، فتحت عيوني و شفت مكان اشبه بالسجن ،

جانت الغرفه بيها بس باب و الباب صاير لفوگ شويه يعني لازم اصعد الدرج علمود افتح الباب و اطلع يعني اني شلون گاعده بـقبو ، و صغيرونه يعنه تطلع مترين كلها ، و جنت گاعده على فراش و بصفي ترمز و فوگه گلاص !، و الغرفه اركانها ظلمه لان بس گلوب واحد فوگ راسي و أيدي مربوطه بسلسله قويه حيل و عريضه نازله من جنگال بالسگف ،

ظليت اباوع للغرفه و حفضت كلها تفاصيلها ، والي لفت انتباهي جانت حاره حيل ، و كأنما اني گاعده بلب الارض من شدت حرارتها ، مديت ايدي للترمز و فتحته اول ما شفته صرخت و سديته برعب ، الله لٱ يوفقهم ولا يخليلهم عافيه ، جان اكو بالترمز حيه و عگرب چبير !..

ظليت ارجف و اقره ايات و اتعوذ بالله ، دنيت الترمز برجلي گد ما اگدر و شلت الطابوگه الجانوا حطين الترمز عليها و حطيتها عالي القبق گوه ، شلتها بيد وحده بالتحرمص و التواسيل و اني اردد يا علي !..

ما اعرف ذيج الليله شلون نمت و غفيت بهل الوضع ، گعدت الصبح على هوسه و صوت سيارات حسيت هاي سيارات اهلي جاي يدورون ردت اصيح و خفت لٱ يطلعون مو همه و يكتلوني ..

وانه صافنه افكر بجيت و رفعت راسي و گلت وانه دموعي عشره وره عشره ..

أيلين : يا رب يااا رببيي يا اللهي انتَ وحدك لٱ اله الا انت ، انت وحدكَ قادر على كُل شيء ، و انتَ وحدك المقتدر على كُل شيء ، يا من تقل للشيء كون فيكون قل لعودتي لدياري سالمة كوني فتكون .. يا اللهي رجوتك وانا عبدك الذليل الضعيف الحقير الذي ليس له لٱ حول ولا قوة ، يا اللهي لٱ تردني خائب الظن و تعيس ، اللهمُ ارحمنه برحمتك يا ارحم الراحمين .

و اول ما كملت انفتح الباب ، و دخل الرجال نفسه الخطفني و هددني و شايل كارتونه بيده ، لميت نفسي للحايط و باوعتلي اراقب حركاته .. حط الكارتونه گبالي و قرفص گبالي و گال و عيونه تريد تاكل ملامحي ..