لاڤندر .

18

لاڤـندر ..
لزهـراء عـلي .
-----------
- تفاعلو .

أيلين : امي راحت گالت لخالي و خالي ودانه بسرعه ، وصلنه و دخلنه لگينه الكل گاعدين بالصاله عد فلاح و أيَهم امي باوعت و گالت ..

ام أيَهم : السلام عليكم ..

الشيخ قحطان : هَـلاّ بويه كل الهلا.

ام أيَهم : وبيك اكثر عمي ، چاا أيَهم وين ؟

الشيخه زهره : والله اخذ ابن عمه و راحو يتعاركون بالحوش .

ام أيَهم : يُمه عزاا العزانيي .

راحت امي واني سلمت على جدي و رحت وراها ..
رحنه للحوش لگينه امير و ضرغام واگفين على جهه و أيَهم گاعد على صدر فلاح و يرگع بي بوكسيات لمن ترس وجهه دم يلا عافه وخره عنه ضرغام ..

امي راحت لأيَهم شافته هم خده بي كدمه و حلگه مشگوگ من الطرف و الاخ حلگه ما عاطل يفشر على فلاح گوه سكتته امي و ضرغام و اخذه ضرغام لغرفته ..

دخلنه وراه شفته راح هو و ضرغام لغرفته و امي راحت تحاجي ابوي ، گعدت يم هبه گتلها ..

أيلين : ذوله شمالهم ؟

هبه : من الصبح واحد يبسمر الثاني و تعاركوا عليه فلاح يريد ينطيني لصديقه و أيَهم اتحداه گاله انطيك سيارتين و بيت و محلات اذا صارت لغيري ، و ذاكه سمعه هيج يگول رايح حارگ صيدلية أيَهم الجديده .

أيلين : يا اخو الگح...... ، يابه بس لو اگضه اطلع بي ضيم الله .

هبه : جنج غلطتي عليه ؟

أيلين : دكلي خرره ، والله اخوي ما عده ذوق من سوده بوجهه كون يتعارك علمودج اي والله .

هبه : لو مو حلـۈه جان اخوج ما كتل روحه عليه هيج ، دسكتي حُبه خلاني انغر وعلي !.

أيلين : القرد بعين اٌمه غزال .

هبه : انچبي لٱ تمسلتين ، دگومي خل نحط الغده يلا .

أيلين : عزاا بعدكم ما متغدين ؟

هبه : اي غير من حُب اخوج !

أيلين : بلشت تاكل نعل ، تره تعاركوا علمود الصيدلية مو علمودج .. گومي بلا اكلان نعل زياده .

گمنه اني وياها صبينه الغده و فرشنه السفره و حطينه الاماعين بيها و صعدت صحت لأيَهم و ضرغام .. ضرغام اجه و أيَهم گال ما اريد عفته براحته و نزلت همه تغدوا و اني سويت الچاي و كترت المطبح لمن كملوا وديتلهم الچاي و وگفنه اني و هبه نغسل اماعين ..

هبه : اگلج داده.

أيلين : احجي .

هبه : اصعد لأيَهم اشوفه ؟