لاڤندر .

38

لاڤـندر ..
لزهـراء عـلي .
-----------
- تفاعلو .

أيلين ..

انفتح باب الهول بقوة ريح شديدة و هاي الريح رجعتني لوره و طيرت شالي بالهـوى ، خليت أيدي على عيني اشوف مصدرها مو گادره من شدة الهوى ..

وگعت بالگاع على ركبي و رفعت راسي غصب عاينت على الباب و شفت شخص واگف بالباب يباوعلي بس ڪُلشي ما ظاهر منـه ..

حجيت و جان الهوى يشتد كلما تطلع من كلمه ..
أيلين : مـ منـو انتَ! ، وو وين چسَرر ؟؟

بس كملت كلامي حسيت واحد خنگني بقوه و اطراف جسمي كلها نشلت اريد اتحرك و افلت من بين أديه بس ما اگدر ، من حسيت فقدت اخر ذرة قوه بيه صرخت بأسمه متوسله يجيني !..

فزيت مرعوبه و روحي ترجف گوه اجر النفس ، و جان يمي شال شعري من وجهي و يمسح على ظهري و يردد المعوذات ،

رفعت راسي باوعتله و هو گام بسرعه جابلي گلاص ماي و اجه خلاه يم شفتي و شربني بأيده ، گال و هو يبعد شعري عن وجهي ..

چسَر : اهدئي ارتاحي يمچ انه .

طلعت الكلمات مني بدون ما استوعب و گلت ..
أيلين : بَـ بسَ انتَ عفتني و وحدي و والبيت كله اظلم و دم دم نازل من الشباچ و عاصفه قويهه ..

چسَر : اششش انسي ڪُلشي لا تسولفين .

أيلين : ليشش عفتني وحديي مو تدري بيه اخاااف من الظلمه؟

چسَر : وحگ حيدر الكرار ما اعوفچ ارتاحي و تعاي انام يـلا .

نيمني على المُخده و نام بصفي و حضني بـقوه بس بعدني ارجف ، حسيت واحد واگف وره الباب طلعت راسي من حضنه و درت وجهي باوعت للباب مسدود و ماكو خيال جواه ..

بعدني اباوع و شالني هو دارني لـمكانه و صار بمكاني و هو حاضني و گال ..
چسَر : هذا الجاثوم ما قريتي المعوذات قبل لا تنامين .

أيلين : لا مو الجاثوم اول مَـره يصير هيجي بيه گعدت على صوت همس و الغرفه ظلمه و انتَ ما موجود و ..

خله أيده على حلگي و سكتني ..
چسَر : مو گتلج لا تسولفين بي انسي جُـماره خل يولي .

هزيت راسي بالأيجاب و غطيت راسي بحضنه تحت الغطاء و حضنته بقوه من خصره و غمضت عيوني متجاهله ڪُلشي مثل ما گالي و نمت و اني احسه يمسح على راسي يطمني ..

گعدت على صوت جُمانه فتحت عيني باوعتلها گالت ..
جُمانه : يلا گعدي عيني اليوم تنشرين على الحبل صدگ جذب .