لاڤندر .

7

لاڤـندر ..
لزهـراء عـلي .
-----------
- تفاعلو .

أيلين : دخلنه للبيت و جانت الساعه بـ10 جايه خالة هبه العايشه بالناصرية دخلنه سلمنه عليها و ظلينه گاعدين يمهن بالصاله نسولف لمن اجو الشيوخ و تغدينه ، جانن عدها بس ثنين بنات الجبيره روان و الصغيره طيبه ، وره الغده اني عفتهم و صعدت لغرفتي اسبح و احظر غراضي و انام شويه

صعدت سبحت و حضرت ملابسي قميص حليبي و تنوره ورديه فاتح و شال وردي ، و من ردت انام اجت عيني على الورد الشامرته على الميز ، نزلت جبت سندانه من الحديقه و خليت بيها ماي شويه و زعتهن بيها و خليتها على حافة الشباج ..

و نمت شويه و گعدت بـ2:30 على صوت الموبايل مخليته مُنبهه ، گمت غسلت وجهي و لبست ملابسي و دخلت القميص جوه التنوره و التنوره صارت وي خصري ، و جان شغل القميص كله بالردانات من الطرف و لفوگ صاعد ورد وردي ، و لبست شالي و خليت بس حمره ورديه خفيفه على حلگي و خدودي ..

و لبست حذاء رياضيه بيضه و عباتي و اخذت جنطتي و نزلت گالي ابوي ابو سعد منتظرج برهه ، طلعت و صدگ لگيته واكفلي بسياره من سيارات جدي اللاند كروز و ركبتها و مشينه ..

وصلنه و نزلت دخلت لغرفتي نزعت عباتي و خليت جنطتي و لبست القميص و طلعت ، لاگاني الدكتور محمد بالممر الي بالمستشفى بس اني وياه و دكتوره حامل و ماخذه اجازه و المدير ..

الدكتور محمد : شلونج بنيتي ؟

أيلين : الحمـد اللـهَ دكتور و انتَ ؟.

الدكتور محمد : الحمـد اللـهَ بس هسه ركبتي گامت توجعني من الدرج كلش ، تعرفين العمر اله حوبته .

أيلين : لٱ دكتور بعدك شاب صدگني .

الدكتور محمد : ههههه ، راحت ايام الشباب ، بس بنيتي مريلي وياج على حفيد الشيخ عناد لان لسه ما گعد شوفي اذا گعد و افحصيه .

أيلين : تدلل دكتوره هسه اروحله .

الدكتور محمد : مشَكور بنيتي .

رحت سئلت عن غرفة جَسور و رحتلها ، جانت بالطابق الرابع صعدتلها و اول ما دخلت شفته گاعد و يمه مريه جبيره يمكن امه ..

أيلين : السلام عليكم .

ام چسَر : و عليكم السلام هَـلاّ بيج .

أيلين : اجيت افحص الشيخ و اشوفه وضعه يمتى يسمحله يطلع .

جَسور : تفضلي .

رحت فحصته و جان هستوه صاحي و بعده يوجعه مكان العمليه و راسه هم ، شفت مكان العمليه خطر و لازم يظل لمن يطيب شويه ، ابتعدت عنه شويه و گلت للمريه

أيلين : الشيخ ما نگدر نعوفه هيج لازم يظل بعد يومين على الاقل لمن يطيب.

ام چسَر : نعمه من الله الحمـد اللـهَ و الشكر علئ كل حال .