لاڤندر .

45

لاڤـندر ..
لزهـراء عـلي .
———————————
- تفاعلو .

أيلين ..

جبرت روحي و گمت طلعت للحمام غسلت وجهي و ظليت صافنه على روحي بالمرايه ، وجهي شاحب و شفايفي مشگگه و خدودي عليهن أثار ضرب و حـتى كدمه زرگه صايره بـخدي ، سديت الماي و طلعت لگيت عمتي ادور عليه من شافتني اجت گالت ..

ام چسَر : هاا عمه چسَر گالي اطلعج من البستان .

أيلين : أي اريد اشوفه .

ام چسَر : ايي شوفيه احسلج حـتى تتفاهمون بس اعلى كيفج وي روحج يُـمه انتِ شايله روح ابداخلج .

أيلين : الله كريم .

رجعت للغرفة لبست شالي و عباتي و اجتني هـبه گلتلها ..
أيلين : راح اطلع مو تحجين لـبيبيتي لو عماتي اذا سئلجن گللهن تسبح نامت أي شي .

هـبه : ماشي ترجعين لو تباتين هناك ؟

أيلين : لا ارجع شعدي بايته هناك .

هـبه : خُـوشَ .

طلعت بدون ما يشوفني و لگيت عمتي لابسه عباتها و منتظرتني يم الباب مال المطبخ فتحت اللايت و طلعنه اني وياها من الباب الثاني على البستان جانت بارده و ظلمه البستان عبرنه على بيتنه و لگيت چسَر ينتظرني بـسيارة جَـسور مشغلها بنص العراضه ..

من شافني نزل و أجه غطاني بـفروته ما حجيت شي و عمتي گالت ..
ام چسَر : من ترجعون حاجيني حـتى اطلع .

چسَر : طال عمرج .

راحت هـيَّ و اني بدون ما احجي رحت صعدت بالسياره يمه و ما گال شي صعد و ساق السيارة ، جنت طول الوقت ساكته و اباوع للشارع دفيانه بـفروته و راسي صاير ازدحام ..

ما انتبهت غير لمن وگفنه گدام المزرعه و نزل هـوَّ فتحلي الباب ، نزلت و مشيت للبيت جان الجو ڪُلش بارد دخلت بسرعه و عفت الباب مفتوح ..

گعدت على القنفه و هـوَّ دخل و سد الباب و طلع الصوبه خلاها قريبه عليه و شغلها و گال ..

چسَر : اسويلج حليب حار حـتى تدفين ؟

أيلين : لا ما اريد .

اجه گعد يمي عدل الفروه علئ اكتافي و گال ..
چسَر : عرفت بـمرضه ثالث يوم العرس گالي أيَهم و گلت للحجي راح اگللها ما يصير تظل بس هـيَّ ما تدري و الحجي ما قبل و حلفني بالأمام علي گال اذا عزيزه عليك أيلين احلفك بـعلي لا تكسر فرحتها ، و انه سكتت گلت بس يمر شهر اخلي امي جُمانه تگلج بس رجع حلفني ما اكسر فرحتج و واهسج لعرس حماج و گال وره العرس انه اگللها و كلها تدري ، گوه اجبر روحي و اجذب عليج من ارجع من موعد الجرعه مالته ما هنتي عليه بـيوم و دموعج غاليه عليه وحگ هـوَّ قالع الباب لو ما جدج لازمني بالحلفان جاا انه من الساعة العرفت بيها اگلج .