لاڤندر .

16

لاڤـندر ..
لزهـراء عـلي .
-----------
- تفاعلو .

أيَهم : لٱ مو عاقل لان حبج بهذلني ، شوكت تحسين بيه ؟

هبه : حاسه بيك بس بطل هل السوالف قبل الزواج ، من رخصتك .

طلعت من الغرفه و رجعت لغرفتي باوعت لأيلين و تفلت عليها ، رحت للجربايه شمرت غراضها و نمت و سمعتها گالت و ثول بس غلست .. و چذب ما نمت ظليت افكر ..

مرت ايام و راحت ايام و بقى لرجعت جدي و بيبيتي من العُمره بس يوم واحد ، گعدنه من الصبح اني و أيلين نضفنه البيت كله و غسلنه الزوالي و الطارمه و رجعنه للغرفة بـ1 الظهر هلكانين ، انه گبل بوجهي للمخده و طگيتها نومه ..

بـ3 سمعت امي تصيحلي گمت غسلت وجهي و اخذت شالي و نزلت ، لگيت عمتي فاطمه جايه هيه و بيداء سلمت عليهن و رحت سويت الچاي و جبته الهن و گعدنه نسولف ، شويه و نزلت أيلين هم سلمت عليهن و طلعنه اني وياها و بيداء للحديقه گعدنه بالگاع و حجت بيداء الكارثه ..

بيداء : اگلجن اني اريد اگول شي بس خايفه منه و ما اعرف شسوي !

أيلين : شكو احجي مابينه غريب .

هبه : بس لٱ مسويتلج مكسوره ولج ؟

بيداء : ولجن انه سويت ذنب و شكبره عد ربي ، خايفه و ليلي ما نامه بس وحق الله خالقي وزني الشيطان و وافقت !.

هبه : اگلج احجي شمسويه تره خوفتيني ؟

أيلين : حبيبتي بيداء احجيلنه شمسويه بلكت نگدر نساعدج و نخفف عنج ؟

بيداء : بس اوعدني ما تگولن و تظلن حاملات هل السر وياجن ليوم الحساب .

هبه : ولج دحجيي فضينه مو گلبي خرط من مكانه ..

أيلين : نوعدج بس احجي ..

بيداء : من راحت امي تگضي العده يم خوالي بيوم من الايام الساعه بـ12 بلليل طلعت للمنور اشتم هوه و لگيت ابن خالي زيد واگف بي يدخن ، مادري شصار و ليش هيج سويت بس جنت مقهوره و رحتله گبل ضربته لان يدخن !..

هبه : عزاا العزااج ولج ..

أيلين : بس هاي ؟، زين اوگفي ليش تبجين تره ما سويتي شي يستاهل بيداء ..

بيداء بدموع : لٱ مو بس هاي ، زيد من ضربته عصب و سحلني اله ... والله حاولت اوخر عنه بس ما خلاني ... حبسني على الحايط و تقرب مني و باسني ، ومن .. و من باسني من رگبتي مدري شصار بيه و استسلمت اله ... ظل يچيسني بحركاته نچسه وو ..

هبه : لجج كملي شسوالجج يمعزاييههه ؟؟

أيلين : اسس شبيج اسكتي خن نفتهم السالفه ، اوگفي بيداء بس خل نفتهم شسوالج ؟