لاڤندر .

39

لاڤـندر ..
لزهـراء عـلي .
———————————
- تفاعلو .

ْ
هـبه ..

جنت اجهز لـعرسي قبل سبعة أيلين لأن بيبيتي و امي و عمتي كلهن استعجلني و يقهرني السبب من افكر بي ، بـيوم السبـعه خابرتنه أيلين و گالت مـن وره الظهر الحفله ،

صعدت لـغرفتي متأخره من الاماعين ، گعدت على ميز المرايه بديت بالمكياج صرت اتفنن بي بسبب أيلين جنت دائما اركز بـخطواتها و تعلمت منها ..

سويته هادء خاف من ندخل نلگه زلم ، و لبست فستان اشتريته قبل يومين بيجي و طويل ضيگ جان قماشه قديفه لأن الجو بارد شويه و صدره مربع عدل ..

و فتحت شعري اشسور بي و اتذكرت أيَهم صاير هـل فـتره بارد من ناحيتي چـنه مل مني ، باوعت لـشعري و تذكرته ما يقبل طلعت بس گذلتي و رتبتها و لميت الباقي ..

و لبست كعب اسود و ما لبست اكسسوارات غير حلقتي و محبس الماس و تراجي الماس ، رشيت عطر و لبست عباتي و شالي و اخذت جنطتي خليت بيها مكياجي و موبايلي و نزلت ..

لگيتهن مكملات كلهن و أيَهم ينتظرنه بالسيارة صعدنه و أول ما صعدت و عدلت عباتي شفته بالمرايه مركز عليه اتجاهلته و باوعت عـلى الطريق روحي طالعه مزاجي كله متعكر و لو ما أيلين لحت عليه ما اروح ..

وصلنه و فتحت الباب نزلت و ظليت واگفه انتظرهن ينزلن بـدون ما اباوعله ، نزلنه و دخلنه دخلت بيبيتي اول وحده و تعال جيب حيل و سلم و هُمه فوج الله يستر عليهم ..

خلصنه السلام و گعدنه جايبين مُـلا و شويه و نزلت أيلين لابسه فستان ابيض قصير بدت المُـلا تغني و البنات يرگصن حـتى هي أيلين گامت رگصت وياهن واني مالي خلگ ڪُلش اجتني ريحانه حاولت وياي و من شافتني قافله عافتني و رجعتلهن ..

گوه كملت الحفله أيلين كل شويه تغير فستان بـغرفة عمتها و فساتينها كلهن حلوات مدري ليش ام جبار و بناتها ما داخله بعقلهن ..

كملنه الحفله و عمتي خابرت أيَهم دزلنه امـير رجعنه للبيت صعدت گبل نزعت ملابسي و غسلت وجهي و نزلت بدون خلگ اشتغل سويت العشا كباب دجاج ..

من اجوا اهلي سمعت صوته يسولف وي بيبيتي و فكرت بموضوعه ، يمكن مل لأن گاعدين نفس البيت و يوميه يشوفني حـتى ما يلحگ يشتاقلي ، تعبت من التفكير بـي و بـمرض جدي و حياتنه بـعده و بحياتي و مستقبلي وياه من ڪُلشي تعبت ..

كملت الاكل و حضرت الفواكه و الزلاطه و فرشت السفرت و بديت انقل الاكل لمن كملت و گعدوا عليها ، جبت ماي و اجيت لگيته گاعد يم مكاني غلست و رحت گعدت بدون ما اباوعله ، گال جـدي و هو يباوعله ..

الشيخ قحطان : جـدي أيَهم شصار على شغلتك ؟

أيَهم : حجي هو الرجال صديق جَـسور أل عَـناد و گال راح يحاجي الرجال يريد يبيع و اخوه ما يرضى .