لاڤـندر ..
لزهـراء عـلي .
-----------
- تفاعلو .
اتصل فزاع خايف من غضب شيخه عليه ، يحجي و يگوي گلبه يرادد شيخهم ..
فزاع : شيخنه طلع بس لگفناه و تلاوينه وياه و ضرب كرار كسر ايده .
چسَر : جايكم جايكم .
سده و باوع لـفلاح بـغضب گاله ..
فزاع : شگلت لروحك من شردت ؟، ترجع لاهلك مهزوم ؟.. اوگف يا اهل نسيتك جتال اخوتك!
فلاح : ما ناگصني بس العبيد يتمضحك فوگ راسي .
فزاع : عبيد لاچن عنده كرامه و نخوه اكثر منك و كلنه عبيد ربك موش خلگه .
فلاح : هسه انتَ شمالك ياهو داسلك على طرف ؟
فزاع : گوه گاض روحي ما اكض ايدك و افصمها وعلي .
فلاح : تعالل شمتاني ؟
چسَر : هاا يالارعن سويتها ؟
فلاح : چسَر شنهي نهاية فلمك هذا گلي ؟
چسَر : احطن سلسلة رگبتك بيد الشيخ أيَهم و ارجع لهلي !
فلاح : وحگ ربك يـچسَر اذا خلوني عايش دمك ما افوته و اشربنه اشربنه .
چسَر : حلم أبليس بالجنه .
الشيخ عافه و طلع لحصانه شافه و تحسسه و وگف بعيد عنه شويه ورث جگارته و طلع موبايله دگ على أيَهم ..
چسَر : .. هَـلاّ بيك شيخنه شلون صرت ؟.. الف الحمـد للـهَ اگلك هذا طليكم انهزم و كضوه زلمي بس عورله واحد و اذا ظل للصبح ينهزم مره ثانيه .. خُـوشَ حجي .. أيَهم احنه عشرة اجداد و اهل بينه وياكم للموت .. عزيز و غالي يلا من رخصتك اخذ راحتك .. هَـلاّ بيك السلام عليكم .
سده و رجع باوع لغرفة فلاح و شمره الجگاره و طبلهم باوع لفلاح و گال ..
چسَر : فزاع حظره خلي اوديه لگصابه .
فزاع : امرك شيخنه ..
فزاع كض فلاح و گومه و السلاسل بعدها مربطينه بيها ،
حطوه بالسياره و ركبوا بصفه و چسَر قبلهم بسيارته ، وصلوا لبيت الشيخ قحطان نزلوا و تلگاهم الشيخ و احفاده ، أيَهم راح لـچسَر حضنه و تحسس ظهره و گال ..
أيَهم : هَـلاّ بيك و مية هَـلاّ يـلما بيك لولوه .
چسَر : تسلم يـبو علي .
أيَهم : فوت فوت ..
دخلوا كلهم للديوان و فلاح شمروه بـعتبة الباب ذليل و خاضع !
الشيخ قحطان : يـبو عُمران انتَ كفيت و وفيت و وگفتك هاي ما ننساها طول عمرنه و شتريد احنه خدام و بعينه ..
چسَر : خادم ربك شيخ احنه اهل و عشرة عُمر اكيد من اشوفكم تحتاجوني اجيكم .
الشيخ قحطان : مثل ما گتلك الـتريده انه خادم ، انه گلت اجيبلك سياره بس گلت بعد هو احنه نشري هل السيارات منك عليمن اجيبها .
أنت تقرأ
لاڤندر .
Romanzi rosa / ChickLitرأت زهرة لاڤندر عند جيران عمامها فـغيرت لـها هذه الزهرة مجرى حياتها !.. رواية حقيقه حدثت في العـراق في شتاء ٢٠١٤ ، فـتاة مـن شمال الـعراق تجد نصيبها فـي جنوبـهُ . - بـقلمي أنا .. زهراء علي . - باللهجة العراقية . - روايه تحوي بين كلمات سطورها العُنف...
